Isikeli 7:16 - Vakavakadewa Makawa

¹⁶ A ra na dro ko ira sa dro bula, a ra na tiko e na veiulu-ni-vanua me vaka na ruve ni veibuca, ka dui tagi yadua e na vuku ni nonai valavala ca.

Ai Vola Tabu (Vakadewa Makawa Vakavoutaki 2021)

¹⁶ A ra na dro ko ira sa dro bula, a ra na tiko e na veiulunivanua me vaka na ruve ni veibuca, ka dui tagi yadua e na vuku ni nona i valavala ca.

AI VOLA TABU

¹⁶ A ra na dro ko ira sa dro bula, a ra; na tiko e na veiulu-ni-vanua me vaka na ruve ni veibuca, ka dui tagi yadua e na vuku ni nonai valavala ca.

Vakavakadewa Vou kei na iVola tale eso

¹⁶ Eso era na dro ki na veiulunivanua me vakataki ira na ruve ni veibuca. Era na osivaka kece sara na nodra i valavala ca.

Ai Vola Tabu Ena Vakavakadewa Vou

¹⁶ Eso era na dro ki na veiulunivanua me vakataki ira na ruve ni veibuca. Era na osivaka kece sara na nodra i valavala ca.

Isikeli 7:16 Iomraidhean Croise

Esera 9:15

Ia Jiova na nodra Kalou na Isireli, ko ni sa yalododonu; ni keimami sa vo ka bula, me vaka e na siga oqo: raica, keimami sa tiko e matamuni e na neimami talaidredre: ni keimami sa sega ni tu rawa e matamuni e na vuku ni ka oqo.

NA SAME 55:2

Mo ni nanumi au, ka vakarorogo vei au: Au sa vutugu e na noqu rarawa, ka sega ni vakacegu rawa;

Aisea 1:9

Kevaka sa sega ni lewa ko Jiova ni lewe vuqa me vo tiko e le vica vei keda, eda sa qai vakataki Sotoma, eda sa qai vakataki Komora.

Aisea 37:31

Ia ko ira na bula sa vo e na mataqali i Juta era na tei sobu tale, ka vua ki cake.

Aisea 38:14

Au a tagi me vaka na kakabace se na belo; Au a tagi vakararawa me vaka na ruve; sa oca na mataqu e na rai ki cake: Kemuni Jiova, ka'u sa bitaki sara; mo ni vukei au mai.

Aisea 59:11

Eda sa kudrukudru me vaka na pera koi keda kece, ka vaka na ruve eda sa tagi tiko: eda sa vakanananu ki na veilewai, ka sa sega; ki na veivakabulai, ka sa yawa vei keda.

Aisea 59:12

Ni sa levu cake e matamuni na neimami talaidredre, ia na neimami valavala ca sa tukuni keimami: ni sa tiko kei keimami na neimami talaidredre, ia na neimami caka cala, keimami sa kila ga:

Jeremaia 3:21

E dua na domo sa rogo e na veiyasana cecere, na nodra tagi kei na nodra vakamamasu na Isireli: ni ra sa vakavevetaka na nodra sala, ka ra sa guilecavi Jiova na nodra Kalou.

Jeremaia 31:9

Era na lako mai ka tagi tu, ia ka'u na tuberi ira mai ka ni ra vakamamasu tu: au na vakalakovi ira mai e na bati ni wai drodro e na sala dodonu, era na sega ni tarabe kina: ni keirau sa veitamani kei Isireli, ia ko Ifireimi, sa noqu ulumatua.

Jeremaia 44:14

me kakua e dua me dro tani rawa se vo tiko vei ira na kena vo ni Juta, era sa lako ki na vanua ko Ijipita me tiko vulagi mada kina, ka qai lesu mai ki na vanua ko Juta, era sa gadreva me ra lesu ka tiko tale kina: ni na sega so ena lesu tale mai, ko ira ga era sa dro bula.

Jeremaia 44:28

Ia ko ira era bula mai nai seleiwau, era na lesu mai na vanua ko Ijipita ki na vanua ko Juta, ka lewe vica ga; ia ko ira kece na kena vo ni Juta, era sa yaco ki na vanua ko Ijipita me tiko vulagi kina, era na kila se na vosa i cei ena yaco, se na noqu, se na nodra.

Jeremaia 9:19

Ni sa dua na domo ni tagi sa rogo mai Saioni, sa kaya, Ulei na noda vakacacani! eda sa madua vakalevu, ni da sa vakalaiva na vanua, ni sa biuti keda tani na nodai tikotiko.

Isikeli 14:22

Ia ka raica, ena vo tiko kina eso era na kau tani mai, na gonetagane kei na goneyalewa: raica, era na lako mai kivei kemudou, ia dou na raica na nodra i tovo kei na nodra i valavala: dou na qai vakacegui e na vuku ni ca ka'u sa vakayacora ki Jerusalemi, kei na ka kece ka'u sa vakayacora kina.

Isikeli 34:6

Era sa lako sese voli na noqu sipi ki na veiulu-ni-vanua kecega, kei na dela-ni-koro kecega: io, era sa dui veiseyaki na noqu qele ni sipi, e dela i vuravura taucoko, ka sa sega e dua sa taroga se vakasaqarai ira.

Isikeli 36:31

Dou na qai vakananuma na nomudou i valavala ca, kei na nomudou cakacaka sa sega ni vinaka, ia dou na vakasisilataki kemudou vakataki kemudou e na vuku ni nomudou caka ca kei na nomudou i valavala vakasisila.

Neumi 2:7

Sa vakabobulataki ko Usapi, sa kau cake yani, ia na nona vada sa ra liutaki koya ka tagi lako me vaka na ruve, ka tavia tiko na lomaseredra.

Sefanaia 1:14

Sa voleka mai na siga i Jiova na siga ka uasivi, sa voleka mai, io sa kusa sara mai; a domo ni siga i Jiova, sa ka rarawa na nona tagi kina na tamata qaqa.