Isikeli 6:9 - Vakavakadewa Makawa

⁹ Ia ko ira vei kemudou sa bula, era na nanumi au e na veimatanitu era na kau vakabobula kina, ni'u na musuka na lomadra dauyalewa, sa lako tani vei au, kei na matadra, sa daugole vakaca ki na nodra matakau: ka ra na vakasisilataki ira e na vuku ni ka ca era sa cakava e na nodra i valavala vakasisila kecega.

Ai Vola Tabu (Vakadewa Makawa Vakavoutaki 2021)

⁹ Ia ko ira vei kemudou sa bula, era na daunanumi au e na veimatanitu era na kau vakabobula kina, ni'u a rarawataka na lomadra dauyalewa ka sa gole tani vei au, kei na matadra sa daugoleva vakaukauwa na nodra matakau. Era na qai vakasisilataki ira e na vuku ni ka ca era sa cakava e na nodra i valavala vakasisila kecega.

AI VOLA TABU

⁹ Ia ko ira vei kemudou sa bula, era na nanumi au e na veimatanitu era na kauti vakabobula kina, e navuku niʼu sa musuki e na lomadra dauyalewa, sa lako tani vei au, kei na matadra, sa daugole vakaca ki na nodra matakau: a ra na vakasisilataki ira e na vuku ni ka ca era sa cakava e na nodra ka vakasisila kecega.

Vakavakadewa Vou kei na iVola tale eso

⁹ Ia o ira na kena vo ka ra na kau vakabobula vei kemuni sa bula, era nanumi au ki na veimatanitu era na qai nanumi au mai na vanua era sa la'ki tu kina vakabobula, ni'u sa na vakamalumalumutaka na lomadra ka a gole tani mai vei au, ka vakavuna na nodra muri ira vakamataboko na veimatakau ka ra sa la'ki vakalou kina, era na qai vakasisilataka na nodra i valavala vakasisila kecega.

Ai Vola Tabu Ena Vakavakadewa Vou

⁹ Ia o ira na kena vo ka ra na kau vakabobula vei kemuni sa bula, era nanumi au ki na veimatanitu era na qai nanumi au mai na vanua era sa la'ki tu kina vakabobula, ni'u sa na vakamalumalumutaka na lomadra ka a gole tani mai vei au, ka vakavuna na nodra muri ira vakamataboko na veimatakau ka ra sa la'ki vakalou kina, era na qai vakasisilataka na nodra i valavala vakasisila kecega.

Isikeli 6:9 Iomraidhean Croise

2 Tui 16:10

A sa lako ki Tamasiko ko Easi na tui me tavaki Tikilaci-pileseri na tui Asiria, a sa raica nai cabocabo-ni-soro mai Tamasiko: a sa vakauta ko Easi na tui kivei Uraija na bete na kenai cakacaka ni cabocabo-ni-soro kei na kenai vakatakarakara, me vaka na kenai cakacaka kecega.

Jope 42:6

O koya oqo ka'u sa beci au sara kina, ka veivutuni E na kuvu-ni-soso kei na dravusa.

NA SAME 137:1

Mai na uciwai mai Papiloni, Eda a tiko sobu; io, eda a tagi, Ni da a nanumi Saioni.

NA SAME 78:40

A ka tani na nodra talaidredre vua mai na veikau, Ka vakararawataki koya mai lekutu!

Aisea 43:24

Ko sa sega ni volia na noqu kalamo e nai lavo, ko sa sega talega ni vakamamautaki au e na uro ni nomu i soro: ia ko sa bitaki au ga e na nomu i valavala ca, ka vakaocataki au e na nomu caka cala.

Aisea 63:10

ia ko ira, era talaidredre ga, ka vakararawataka na nona Yalo Tabu; ka sa vuki kina ko koya me nodra meca; ka sa veivala kei ira ko koya.

Aisea 64:6

Ia keimami sa vaka na ka sa sega ni savasava koi keimami kecega; ka sa vaka nai sulu qeleqelewa na neimami valavala dodonu kecega; Keimami sa daumalai me vaka na drau ni kau kecega; ia na neimami caka cala sa vaka na cagi sa kauti keimami tani:

Aisea 7:13

Ka sa kaya ko Aisea, Dou rogoca mada na mataqali i Tevita; A ka lailai beka na nomudou vakaocataki ira na tamata, mo dou sa vakaocataki koya talega na noqu Kalou?

Jeremaia 3:13

Me vakatusa ga na nomu caka cala, ko sa talaidredre kina vei Jiova na nomu Kalou, ka sa veibiuyaka na nomu i valavala kei ira na kai tani e na ruku ni kau bulabula kecega, ia dou a sega ni vakarorogo ki na domoqu, sa kaya ko Jiova.

Jeremaia 3:6

A sa kaya vei au ko Jiova e na gauna i Josaia na tui, Ko sa raica li na ka sa cakava ko Isireli na dauvuki? sa lako ko koya ki na ulu-ni-vanua kecega kei na ruku ni kau bulabula kecega, ka sa ia kina na dautagane.

Jeremaia 51:50

Koi kemudou sa dro bula rawa mai nai seleiwau, dou lako tani, dou kakua ni tu vakadua: ni dou sa tiko vakayawa, dou vakananumi Jiova; ia mo dou nanumi Jerusalemi, e na lomamudou.

Isikeli 12:16

Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.

Isikeli 16:43

Ni ko sa sega ni vakananuma na gauna ko a gone kina, ka sa vakararawataki au tikoga e na ka kece oqo; raica, koi au ka'u na sauma talega kina na nomu i valavala ki na ulumu, sa kaya na Turaga ko Jiova: ia ko na sega ni cakava tiko na ca oqo mei kuri ni nomu i valavala vakasisila kecega.

Isikeli 16:61

O na qai nanuma na nomu i valavala, ka madua sara kina, ni ko na bauti ira na tacimu, ko ira era qase vei iko kei ira era gone vei iko: ia ka'u na soli ira vei iko me ra luvemu yalewa; ia ka segai e na nomu veiyalayalati.

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Isikeli 20:24

ka ni ra sega ni muria na noqu lewa, ka ra sa beca na noqu vunau, ka ra vakacacana na noqu siga tabu, ka sa goleva na matakau ni nodra qase na matadra.

Isikeli 20:28

Ia ni'u a kauti ira ki na vanua, ka'u a dulaka cake kina na ligaqu me'u solia vei ira, era sa qai raica na veiulu-ni-koro cecere kecega, kei na kau rugurugua kecega, a ra vakacabora maikea na nodra i soro, kei na nodra i madrali talega sa ka ni veivakacudrui: ka ra sa tauca maikea na nodra ka boi vinaka, ka sova maikea na nodra i sevu.

Isikeli 20:43

Ia dou na nanuma maikea na nomudou i valavala, kei na nomudou cakacaka kecega, dou sa vakadukadukalitaki kina; ia dou na beci kemudou vakataki kemudou e na vuku ni nomudou ca kecega dou sa kitaka.

Isikeli 20:7

au a qai kaya vei ira, Mo dou dui biuta tani na ka vakasisila ni matamudou, ia mo dou kakua ni vakadukadukalitaki kemudou e na matakau ni Ijipita: koi au ko Jiova na nomudou Kalou.

Isikeli 23:30

Au na cakava vei iko na ka oqo, ni ko sa muri ira na veimatanitu tani, mo dautagane vata kei ira ka ko sa vakadukadukalitaki e na nodra matakau.

Isikeli 5:13

Ena vakayacori vakaoqo na noqu cudru, ia ka'u na vakatauca na noqu cudru katakata vei ira, ka'u na qai vakacegu: era na qai kila ni sai au ko Jiova ka'u sa vosa e na noqu lomakatakata, ni'u sa vakayacora na noqu cudru levu vei ira.

Isikeli 6:10

A ra na kila ni sai au ko Jiova, ka ni ka'u sa sega ni kaya wale ni'u na cakava vei ira na ka ca oqo.

Isikeli 7:16

A ra na dro ko ira sa dro bula, a ra na tiko e na veiulu-ni-vanua me vaka na ruve ni veibuca, ka dui tagi yadua e na vuku ni nonai valavala ca.

Osea 11:8

Au na laivi iko vakaevei, Ifireimi? au na soli iko yani vakaevei, Isireli? au na soli iko vakaevei mo tautauvata kei Atima? au na cakavi iko vakaevei mo tautauvata kei Sepoimi? sa dua tani mai na yaloqu e lomaqu, sa tubu sara mai na noqu dauloloma.

Emosi 2:13

Raica, koi au ka'u na bikai kemudou e na nomudou vanua me vaka sa bika e dua na qiqi-ni-yaya sa tawa sara e nai vau sila.

Maika 5:13

au na muduka tani talega vei iko na nomu matakau ceuceu, kei na nomu matakau e vakaduri tu; ia ko na sega ni sorova tale na cakacaka ni ligamu:

Sakaraia 10:9

Ke'u a duibiubiuti ira ki na veimataqali, era na vakananumi au mai na veivanua vakayawa, ka ra na bula vata kei na luvedra, ka lesu tale mai.

Tiko mai na Lekutu 15:39

ia ena dua na ka vakaiukuuku vei kemudou, mo dou raica, ka nanuma nai vakaro kecega i Jiova, ka cakava; ia mo dou kakua kina ni gadreva mo dou muria na lomamudou, kei na matamudou, dou a daulako vakatani kina mo dou muria;

2 Pita 2:14

a sa sinai na matadra e na dauyalewa, ka sa sega ni mudu rawa ni valavala ca; a ra sa dauvakacalai ira na tamata era sa yalowai: a yalodra sa dauia na kocokoco: era sa luve ni veivakarusai: