Isikeli 5:5 - Vakavakadewa Makawa

⁵ Sa kaya vakaoqo na Turaga ko Jiova, Oqo ko Jerusalemi: ka'u sa vakatura ena maliwa ni veimatanitu, a sa tu vakavolivoliti koya na veivanua.

Ai Vola Tabu (Vakadewa Makawa Vakavoutaki 2021)

⁵ “Sa kaya vakaoqo na Turaga ko Jiova: Oqo ko Jerusalemi; ka'u sa vakatura ena maliwa ni veimatanitu, ka sa tu vakavolivoliti koya na veivanua.

AI VOLA TABU

⁵ Sa vosa vakaoqo na Turaga ko Jiova, O qo ko Jerusalemi: e na maliwa ni veimatanitu kaʼu sa vakatikora, a sa tu voliti koya na veivanua.

Vakavakadewa Vou kei na iVola tale eso

⁵ A kaya vakaoqo na Kalou o Jiova: “Oqo o Jerusalemi; au sa vakatikora ena kedra maliwa na veimatanitu, ka sa tu vakavolivoliti koya na veivanua.

Ai Vola Tabu Ena Vakavakadewa Vou

⁵ A kaya vakaoqo na Kalou ko Jiova: “Oqo o Jerusalemi; au sa vakatikora ena kedra maliwa na veimatanitu, ka sa tu vakavolivoliti koya na veivanua.

Isikeli 5:5 Iomraidhean Croise

NA SAME 87:3

Sa dautukuni voli na nomuni lagilagi, O iko na koro ni Kalou. Sela.

Jeremaia 6:6

Sa vakaoqo na vosa i Jiova ni lewe vuqa, Dou taya sobu na kau, ka viri suva kei Jerusalemi: oqo na koro me cudruvi; sa caka e loma ni koro nai valavala vakasausa.

Lele i Jeremaia 1:1

Isa na kena tiko duadua na koro, ka oso e na tamata! Na kena yaco me tautauvata kei na yada! Ko koya ka levu cake vei ira na veimatanitu, ka marama e na veivanua, Sa qai yaco me koro qali!

Isikeli 16:14

Ka sa rogo yani na yacamu ki na veimatanitu tani e na vuku ni nomu matavinaka: ni ko sa lagilagi sara e na vuku ni noqu i ukuuku, ka'u a solia vei iko, sa kaya na Turaga ko Jiova.

Isikeli 4:1

Ia ko iko, na luve ni tamata, mo kauta e dua na vatu-buli, ka vakotora e matamu, ka vola kina na koro ko Jerusalemi:

Isikeli 5:4

Ia mo qai taura eso tale, ka biuta ki na loma ni bukawaqa, ka vakama e na bukawaqa; ni na lako maikina na bukawaqa kivei ira na mataqali kecega ni Isireli.

Maika 5:7

Ia na kena vo vei ira na Jekope era na tiko e na kedra maliwa na veimataqali e vuqa me vaka na tegu maivei Jiova, me vaka na uca ka tau ki na co, ka sa sega ni vakarorogo vua na tamata, se waraki ira na luve ni tamata.

Maciu 5:14

Oi kemudou na rarama kei vuravura. Na koro sa tara toka e na ulu-ni-vanua sa sega ni tabonaki rawa.

1 Korinica 10:4

a ra sa gunuva vata kecega na wai ni gunu vakayalo: ni ra sa gunu mai na Vatu vakayalo sa muri ira: ia na Vatu ko ya na Karisito.

Vakarua 4:6

Ia mo ni vakabauta ka muria; kemuni na vuku kina ka yalomatua kina e matadra na veimatanitu, era na rogoca nai lesilesi kecega oqo, a ra na kaya, E dina era sa tamata vuku ka yalomatua na matanitu levu oqo.

Vakarua 8:20

Me vaka na veimatanitu sa vakarusa ko Jiova e matamuni, kemuni na rusa vakakina; ni kemuni sa sega ni vakarorogo ki na domo i Jiova na nomuni Kalou.