Isikeli 5:12 - Vakavakadewa Makawa

¹² E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa: e dua tale na kemudou wase ena bale e nai seleiwau sa na vakavolivoliti iko: ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.

Ai Vola Tabu (Vakadewa Makawa Vakavoutaki 2021)

¹² E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa; e dua tale na kemudou wase ena bale e nai seleiwau sa na vakavolivoliti iko; ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.

AI VOLA TABU

¹² E dua na kemudou wase ena mate e na mate dauveitauvi, ia e na dausiga era na oti ga kina e na kemudou maliwa: e dua tale na kemudou wase ena bale e nai seleiwau ena voliti iko: e dua talega na kemudou wase kaʼu na dui vakaseva ki na mata ni cagi kecega, ia nai seleiwau kaʼu na ucuna me muri ira.

Vakavakadewa Vou kei na iVola tale eso

¹² E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

Ai Vola Tabu Ena Vakavakadewa Vou

¹² E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

Isikeli 5:12 Iomraidhean Croise

Aisea 1:24

O koya sa kaya kina na Turaga, ko Jiova ni lewe vuqa, ko Koya na Kaukauwa i Isireli, Io, ka'u na vakacegui au maivei ira na noqu meca, ka vakayacora na cudru vei ira era cati au:

Jeremaia 13:24

o koya oqo ka'u na dui vakasevi ira tani kina me vaka na vu-ni-sila sa cagina tani e na cagi mai veikau:

Jeremaia 14:12

Ni ra sa lolo, ka'u na sega ni rogoca na nodra tagi; ni ra sa vakacabora nai soro kama kei nai madrali, ka'u na sega ni vinakati ira: ia ka'u na vakarusai ira ga e nai seleiwau, kei na viakana, kei na mate dauveiveitauvi.

Jeremaia 15:2

Ia kevaka era taroga vei iko, Me keimami lako yani kivei? mo qai kaya vei ira, Sa kaya vakaoqo ko Jiova; Ko ira sa lesi ki na mate, ki na mate ga; kei ira sa lesi ki nai seleiwau, ki nai seleiwau ga; kei ira sa lesi ki na viakana, ki na viakana ga; kei ira sa la'ki vakabobulataki, ki na veivakabobulataki ga.

Jeremaia 15:9

Sa malumalumu mai ko koya sa vakasucuma e lewe vitu: sa ciba ko koya: sa dromu na nona mata-ni-siga ni sa siga toka: sa madua ka taqaya ko koya: ia na kedra vo ka'u na solia ki nai seleiwau e na matadra na nodra meca, sa kaya ko Jiova.

Jeremaia 21:9

ko koya sa tiko ga e na koro oqo ena mate e nai seleiwau, kei na mate dauveiveitauvi: ia ko koya sa curu ki tautuba, ka dro vei ira na kai Kalitia era mai kabai kemudou, ena bula, ena soli vua na nona bula me nonai toki ni valu:

Jeremaia 24:10

ia ka'u na vakayacora vei ira nai seleiwau, kei na viakana, kei na mate dauveiveitauvi, me ra takali mada mai na vanua ka'u a solia vei ira, ka vei ira na nodra qase.

Jeremaia 42:22

Ia dou kila vinaka mada ni dou na mate e nai seleiwau, kei na viakana, kei na mate dauveiveitauvi, e na yasana dou sa via la'ki tiko vulagi kina.

Jeremaia 44:27

Raica, au na vakaraici ira me ra ca kina, me ra kakua ni vinaka: a ra na vakaoti kece na Juta era tiko e na vanua ko Ijipita e nai seleiwau, kei na viakana, ka me ra oti dina ga.

Jeremaia 9:15

o koya oqo sa kaya kina vakaoqo ko Jiova ni lewe vuqa, na Kalou ni Isireli; Raica, koi au ka'u na vakani ira na tamata oqo e na kau gaga, ka vagunuvi ira e na wai gaga:

Jeremaia 9:16

ka'u na dui vakasevi ira talega ki na veimatanitu, sa ra sega ni kila, se ko ira se na nodra qase: ia ka'u na lewa me muri ira e dua nai seleiwau, me'u vakaoti ira mada ga.

Isikeli 12:14

Ia ko ira kece era tiko vata kaya me vukei koya, kei ira kece na nonai valu, ka'u na dui vakasevi ira ki na mata ni cagi kecega; ia ka'u na ucuna nai seleiwau me muri ira.

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Isikeli 14:19

Kevaka ka'u na vakayacora ki na vanua ko ya na mate dauveiveitauvi, ka sovaraka na noqu cudru e na mate, me'u muduka tani maikina na tamata kei na manumanu:

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?

Isikeli 16:42

Ia ena vakamalumutaki kina na noqu cudru vei iko, ena mudu talega vei iko na noqu vuvu, ia ka'u na cegu, ka sega ni cudru tale.

Isikeli 21:22

E na ligana i matau sa tu na madigi kei Jerusalemi, me lesi ira na turaga ni valu, me dalaga na gusudra ni sa ia na veivakamatei, me tabalaka na domo ni kaila, me viritura nai tukituki-ni-bai ki na matamata-ni-koro, me viria na suva, me tara na vale ni valu.

Isikeli 24:13

Sa ka velavela na nomu dukadukali: ni ka'u a vakasavasavataki iko, ia ko a bese ga ni savasava, ko na sega kina ni vakasavasavataki tale mai na nomu dukadukali, ka'u na vakayacora mada vei iko na noqu cudru.

Isikeli 33:27

Mo vosa vakaoqo vei ira, Sa kaya vakaoqo na Turaga ko Jiova, Me vaka na dina ni noqu bula, ko ira era vakatawa na veitikina lala era na mate ga e nai seleiwau, ia ko koya talega mai nai bili ka'u na soli koya ki na manumanu me ra kania, ko ira talega mai na uluvatu kei na qara-vatu era na mate e na mate dauveiveitauvi.

Isikeli 36:19

ia ka'u a dui vakasevi ira kina na veimatanitu tani, ka ra sa duibiubiu ki na veivanua: io ka'u a lewai ira me vaka na nodra i valavala kei na nodra cakacaka.

Isikeli 43:8

Ni ra viritaka vata na nodra i lago kei na noqu i lago, kei na nodra duru ni sogo kei na noqu duru ni sogo, ia na lalaga ga ka tu e na keimami maliwa, ka ra sa vakacacana na yacaqu tabu e nai valavala vakasisila era sa kitaka: ka'u a vakarusai ira kina e na noqu cudru.

Isikeli 5:10

io ko ira na tama ni gone era na kania na luvedra e na kemudou maliwa, o ira talega na gone era na kania na tamadra; ia ka'u na cudruvi iko, ka dui cagina kece tani na kemudou vo ki na mata ni cagi kecega.

Isikeli 5:17

ia ka'u na vakayacora vei kemudou na dausiga kei na manumanu ca, ka ra na vakamatei ira na nomudou; ia na mate dauveiveitauvi kei na veilabati ena ia voli e na kemudou maliwa; kei nai seleiwau ka'u na vakayacora vei iko. Koi au ko Jiova ka'u sa tukuna.

Isikeli 5:2

e dua na kena wase mo qai vakama e na bukawaqa e na loma ni koro, ni sa oti na veibogi sa buku kina na druadrua: ia mo taura e dua na kena wase, ka taya vakavolivolita e nai sele: ia na kenai katolu ni kena wase mo veibiuyaka ki na mata ni cagi; ia ka'u na ucuna nai seleiwau me muri ira.

Isikeli 6:8

Ia ka'u na vakavoca eso vei kemudou me ra bula mai nai seleiwau e na veimatanitu, ni dou na dui vakasevi ki na veivanua.

Isikeli 7:15

Ai seleiwau, sa tu ga mai taudaku, kei na mate dauveiveitauvi kei na dausiga, sa tu mai vale: o koya sa tiko mai na were ena mate e nai seleiwau; o koya talega sa tiko mai na koro, ena kani koya na dausiga kei na mate dauveiveitauvi.

Isikeli 7:3

Sa qai yaco vei iko na kemui otioti, ia ka'u na vakayacora na noqu cudru vei iko, ka lewai iko me vaka na nomu i valavala, ka sauma vei iko na nomu i valavala vakasisila kecega.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Emosi 9:4

ia ke ra lako vakabobula e matadra na nodra meca, ka'u na vakarota nai seleiwau ka na vakamatei ira maikea: ia ka'u na wanonovi ira me ra ca kina, ka segai me ra vinaka.

Emosi 9:9

Ni sai au, raica, ka'u na vakarota, ia ka'u na dui tauvuloni ira tani na mataqali i Isireli ki na veimatanitu kecega, me vaka sa tauvuloni na sila e na vulo, ka na sega ni lutu e dua na vuana ki na qele.

Sakaraia 7:14

ia ka'u a caginataki ira tani yani ki na veimatanitu kece era a sega ni kila: ia sa lala laivi tu na vanua, me sega ni veilakovi, ni ra sa vakavuna na kena lala tu na vanua sa vinakati sara.

Vakarua 28:65

Ia ko ni na sega ni tiko vinaka e na veimatanitu oqo, ka na sega ni vakacegu na qeteqete ni yavamuni: ia ena vakayacora vei kemuni ko Jiova na yalo e sautaninini, kei na mata e rai cala, kei na loma rarawa:

Vakatakila 6:8

Ia ka'u a vakaraica, ka raica, sa dua na ose vulavula ca: ia na yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni kena wase ko vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.