Isikeli 41:4 - Vakavakadewa Makawa

⁴ A sa vakarauta ko koya na kena balavu, ka sa ruasagavulu na kiupiti: kei na rabana, ka sa ruasagavulu na kiupiti e na mata ni vale tabu, a sa kaya vei au ko koya, Sai koya oqo na tikina tabu sara.

Ai Vola Tabu (Vakadewa Makawa Vakavoutaki 2021)

⁴ A sa vakarautaka ko koya na kena balavu, ka sa ruasagavulu na kiupiti, kei na kena raba, ka sa ruasagavulu na kiupiti e na mata ni vale tabu. Ka sa kaya vei au ko koya, “Sai koya oqo na Tikina Tabu Sara.”

AI VOLA TABU

⁴ A sa vakarauta ko koya na kena balavu, a sa caga vasagavulu; kei na rabana, a sa caga vasagavulu e na mata ni vale tabu, a sa kaya vei au ko koya, Sai koya o qo na tikina tabu sara.

Vakavakadewa Vou kei na iVola tale eso

⁴ A sa vakarautaka o koya na balavu ni rumu, ka sa 10 na mita, kei na kena raraba sa 10 na mita ena mata ni Valenisoro. A sa kaya vei au o koya, Sa i koya oqo na Tikina Tabu Sara.

Ai Vola Tabu Ena Vakavakadewa Vou

⁴ A sa vakarautaka o koya na balavu ni rumu, ka sa 10 na mita, kei na kena raraba sa 10 na mita ena mata ni Valenisoro. A sa kaya vei au o koya, Sa i koya oqo na Tikina Tabu Sara.

Isikeli 41:4 Iomraidhean Croise

1 Tui 6:16

A sa botana na lalaga ni vale e na papa sitari, ka ruasagavulu na kiupiti, mai na buturara ka yaco ki nai coka: a sa cakava eloma me dua kina na loqi ni Vosa, io, me kena tikina tabu sara.

1 Tui 6:20

Ia na loqi ni Vosa, sa ruasagavulu na kiupiti na kena balavu e matana, ka ruasagavulu na kiupiti na kena raraba, ka ruasagavulu na kiupiti na kena cecere: a sa botana e na koula talei ko koya, ka sa botana nai cabocabo-ni-soro sitari.

1 Tui 6:5

A sa cakava eso nai taba-ni-vale e cake ki na lalaga ni vale, me vakavolivolita na lalaga ni vale, io, na tikina tabu, kei na loqi ni Vosa: ia sa cakava eso nai taba-ni-vale e cake me volita:

1 Tui 7:50

kei na bilo, kei nai koti-ni-cina, kei na peseni me kau kina na dra me kureitaki, kei nai taki, kei na miqa ni ka boi vinaka, e na koula dina; kei nai ruberube ni sogo ni vale eloma, na tikina tabu sara, io mei sogo ni vale, ko ya na vale ni soro, e na koula.

1 Tui 8:6

A sa kauta ko ira na bete na kato ni veiyalayalati i Jiova ki na kena tikina, ki na loqi ni Vosa e na Vale, ki na tikina tabu sara, ki ruku ni tabadrau na jerupi.

2 Veigauna 3:8

A sa cakava ko koya na vale tabu sara, na kena balavu sa tautauvata kei na raraba ni vale, e ruasagavulu na kiupiti, kei na kena raraba sa ruasagavulu na kiupiti: a sa botana e na koula dina, sa ono na drau na taledi.

2 Veigauna 5:7

A sa kauta ko ira na bete na kato ni veiyalayalati i Jiova ki na kena tikina, ki na loqi ni Vosa e na Vale, ki na tikina tabu sara, ki ruku ni tabadrau na jerupi.

Isikeli 41:23

A sa dui yarua na kena katuba na vale tabu kei na tikina tabu sara.

Vakatakila 21:16

Ia sa va na yasa ni koro, a kena balavu e tautauvata kei na kena raraba: a sa katuma na koro ko koya e na gasau, ka sa tinikarua na udolu na kena falogi. Ia sa tautauvata na kena balavu kei na kena raraba kei na kena cecere.