Isikeli 32:2 - Vakavakadewa Makawa

² Ko iko na luve ni tamata, mo taurivaka na lele e na vuku i Fero na tui Ijipita, ka kaya vua, O sa tautauvata kei na dua na laioni kaukauwa ki na veimatanitu, ka vaka e dua na tavuto mai na wasawasa: ia ko a lako vata mai kei na nomu uciwai, ka sa vakayavalata na wai e na yavamu, ka vuvuta na nodra uciwai.

Ai Vola Tabu (Vakadewa Makawa Vakavoutaki 2021)

² “Ko iko na luve ni tamata, mo taurivaka na lele e na vuku i Fero na tui Ijipita, ka kaya vua: “Ko sa raici iko me vaka e dua na laione kaukauwa ki na veimatanitu, ia ko sa vaka ga e dua na manumanu rerevaki e loma ni wasawasa; ko sa lako vata mai kei na nomu uciwai, ka sa vakayavalata na wai e na yavamu, ka vakavuvuya na nodra uciwai.

AI VOLA TABU

² Na luve ni tamata, mo taurivaka na lele e na vuku i Fero na tui Ijipita, ka kaya vua, O sa tautauvata kei na dua na laioni cauravou ki na veimatanitu, ka vaka e dua na tavuto mai na wasawasa: ia ko a lako mai kei na nomu uciwai, ka sa vakayavalata na wai e na yavamu, ka vuvuta na nodra uciwai.

Vakavakadewa Vou kei na iVola tale eso

² “Luve ni tamata, mo osivaka na tui Ijipita, ka kaya vua: O sa okati iko mo laione vei ira na veimatanitu, ia o sa vaka ga na korokotaile o Canini e loma ni wasawasa; o sa lako vata mai kei na nomu veiuciwai, ka vakayavalata na wai ena yavamu, ka vakavuvuya na nodra veiuciwai.

Ai Vola Tabu Ena Vakavakadewa Vou

² “Luve ni tamata, mo osivaka na tui Ijipita, ka kaya vua: O sa okati iko mo laione vei ira na veimatanitu, ia o sa vaka ga na korokotaile e loma ni wasawasa; o sa lako vata mai kei na nomu veiuciwai, ka vakayavalata na wai ena yavamu, ka vakavuvuya na nodra veiuciwai.

Isikeli 32:2 Iomraidhean Croise

Vakatekivu 49:9

A luve ni laioni ko Juta; Ko sa lako cake, na luvequ, ni ko rawa na kemu: Sa cuva ko koya, sa koto me vaka na laioni, Ia ka vaka na laioni yalewa; ko cei me vakacudruya?

Jope 41:23

A ua ni lewena sa veikabiti vata: Sa kaukauwa tu; sa sega ni yavalati rawa.

Jope 7:12

Koi au beka na wasawasa, se na tavuto, Ko ni sa lesia kina e dua me vakatawai au?

Vosavakaibalebale 25:26

A tamata yalododonu sa cuva vua na tamata ca Sa vaka na mata-ni-wai vuvu, kei nai vurevure ni wai ca.

Vosavakaibalebale 28:15

A turaga ca sa lewai ira na tamata dravudravua Sa vaka na laioni sa tagi, kei na pera daukata.

Vosavakaibalebale 30:30

Na laioni, o koya sa kaukauwa vei ira kecega na manumanu, A sa sega ni lesu tani e na vukuna e dua;

Aisea 27:1

E na siga ko ya, ena vakayacora na cudru ko Jiova e na nonai seleiwau gata ka levu ka kaukauwa vei Livaiacani na gata totolo, io vei Livaiacani na gata sa cibini; ia ena vakamatea ko koya na gata levu ka tiko mai na wasawasa.

Aisea 51:9

Mo ni yadra, mo ni yadra, mo ni vakaisulu e na kaukauwa, koi kemuni na liga i Jiova; mo ni yadra, me vaka e na gauna eliu, e nai tabatamata makawa. Sai kemuni, se segai, ka tamusuki Rakapi, ka vuetaka na gata levu?

Jeremaia 4:7

Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Jeremaia 46:7

Ko cei oqo sa lako cake mai vaka na waluvu, ka vaka na uciwai sa vakaua na kena wai?

Jeremaia 46:8

Ko Ijipita sa tubu cake mai me vaka na waluvu ka vaka na uciwai sa vakaua na kena wai; a sa kaya ko koya, Au na tubu cake ka luvuca na vanua; au na vakarusa na koro kei ira sa tiko kina.

Jeremaia 9:18

ia me ra kusarawa mai, me ia na tagi e na vukuda, me dave yani mai na matada na wai ni mata, ka tovure na wai mai na dreke-ni-matada.

Isikeli 26:17

A ra na taurivaka na lele e na vukumu, ka kaya vei iko, Na kemu rusa, ko iko ka tawa e na kai wai, na koro rogo, ka daugumatua mai na wasawasa, ko koya kei na lewena, ka ra dauveivakarerei vei ira kecega era tiko kina!

Isikeli 27:2

Ia ko iko, na luve ni tamata, mo taurivaka na lele e na vuku i Taia;

Isikeli 27:32

Ka, ni ra ia na tagi yaso, era na leleivaki iko e na dua na lele, ka kaya, Na koro cava me rau vakatauvatani kei Taia, sa vagalui vakaoqo mai na loma ni wasawasa?

Isikeli 28:12

Ko iko na luve ni tamata, mo leleivaki koya na tui Taia, ka kaya vua, Sa kaya vakaoqo na Turaga ko Jiova; Sai iko sa vakaotia sara na kenai vakarau, ko sa vutu ni vuku, ko sa lagilagi duaduaga.

Isikeli 29:15

Ena matanitu kaisi sara vei ira na veimatanitu; ena sega talega ni vakalevulevui koya tale ki na veimatanitu: ni'u na vakalailaitaki ira, me ra kakua ni nodra turaga tale na veimatanitu.

Isikeli 29:3

mo kaya mada, Sa kaya vakaoqo na Turaga ko Jiova; Raica, koi au na nomu meca, ko iko Fero na tui Ijipita, na gata levu sa koto e na maliwa ni nona uciwai, o koya ka kaya, Sa noqu na noqu uciwai, ia koi au ka'u sa cakava ga me noqu.

Isikeli 32:16

Sai koya oqo na lele era na lelevaki koya kina: ko ira na goneyalewa ni veimatanitu era na lelevaki koya: era na lelevaki koya ko Ijipita, kei ira kecega na kena lewe vuqa sa tiko kina sa kaya na Turaga ko Jiova.

Isikeli 32:18

Ko iko na luve ni tamata, mo tagicaki ira na lewe vuqa ni Ijipita, ka biuti ira sobu, ko koya, kei ira na goneyalewa ni veimatanitu rogo, ki na ruku i vuravura, kei ira era lako sobu ki nai keli.

Isikeli 34:18

E ka lailai beka vei kemudou ni dou sa kania oti na veico vinaka, ia na vo ni nomudou vanua veico dou sa buturaka li e na yavamudou? ka gunuva talega na kena wai makare, ia mo dou sa vuvuta li na kena vo e na yavamudou?

Isikeli 38:13

Ko ira mai Sipa, kei Titana, kei ira na dauveivoli mai Tasisi, kei ira kece na kena luve ni laioni, era na kaya vei iko, Ko sa lako mai, mo ia na veitokitaki, ne? ko sa vakasoqoni ira li na nomu i soqosoqo mo ia na veivakayanaki? mo taura na siliva kei na koula, mo kauta tani na manumanu kei nai yau, me ia na veitokitaki levu, ne?

Tiko mai na Lekutu 24:9

Sa koto sobu, sa koto me vaka na laioni, Ka vaka na laioni yalewa: ko cei ena vakayadrata? Sa kalougata ko ira yadua sa vosavakalougatataki iko, Ka me ra cudruvi ko ira yadua sa vatonaki iko.

Maciu 7:24

Ia oqo, ko koya yadua sa rogoca na noqu vosa oqo, ka cakava, kau na vakatautauvatataka kei na tamata vuku, sa tara na nona vale e na dela ni vatu: