Isikeli 3:7 - Vakavakadewa Makawa

⁷ Ia na mataqali i Isireli era na sega ni vakarorogo vei iko; ni ra na sega ni vakarorogo vei au: ni ra sa mataviavialevu ga ka yalokaukauwa ko ira kece na mataqali i Isireli.

Ai Vola Tabu (Vakadewa Makawa Vakavoutaki 2021)

⁷ Ia na vale i Isireli era na sega ni vakarorogo vei iko, ni ra na sega ni vakarorogo vei au; ni ra sa mataviavialevu ga ka yalokaukauwa ko ira kece e na vale i Isireli.

AI VOLA TABU

⁷ Ia na mataqali nei Isireli era na sega ni vakarorogo vei iko; ni ra na sega ni vakarorogo vei au: ni sai ira kece na mataqali nei Isireli era sa mata viavialevu ga ka yalokaukauwa.

Vakavakadewa Vou kei na iVola tale eso

⁷ Ia era na sega ni vakarorogo vei iko na mataqali i Isireli; era sa sega mada ga ni via vakarorogo vei au. Era sa tamata viavialevu ka yalo kaukauwa o ira kecega na mataqali i Isireli.

Ai Vola Tabu Ena Vakavakadewa Vou

⁷ Ia era na sega ni vakarorogo vei iko na mataqali i Isireli; era sa sega mada ga ni via vakarorogo vei au. Era sa tamata viavialevu ka yalo kaukauwa o ira kecega na mataqali i Isireli.

Isikeli 3:7 Iomraidhean Croise

Aisea 3:9

Ai rairai ni matadra sa beitaki ira ni ra ca; ia na nodra i valavala ca era sa vakavotuya me vakataki Sotoma, era sa sega ni vunia. Ena ca na yalodra! ni ra sa vakacacani ira vakataki ira ga.

Aisea 48:4

Ni'u a kila ni ko sa yalokaukauwa, ni sa dali aironi na domomu, ka parasa na yadremu;

Jeremaia 3:3

Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

Jeremaia 44:16

Keimami na sega ni vakarorogo ki na vosa, ko sa mai tukuna vei keimami e na yaca i Jiova:

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Jeremaia 6:10

Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Jeremaia 6:17

Au a lesia talega eso me nomudou i vakatawa, ka kaya, Dou vakarorogo ki na rorogo ni davui. A ra sa kaya, Keimami na sega ni vakarorogo.

Jeremaia 7:27

Ia ko na vosataka vei ira na vosa kecega oqo: ka ra na sega ga ni vakarorogo vei iko: ia ko na kaci yani vei ira; ka ra na sega ni rogo mai vei iko.

Isikeli 2:4

Ni ra sa gone vosalevu ka yalokaukauwa. Au sa talai iko vei ira; ia mo kaya vei ira, Sa kaya vakaoqo na Turaga ko Jiova.

Isikeli 24:7

E na vuku ni kena dra ni sa tu ga vua; sa tauca ko koya e na dela ni vatu; sa sega ni livia ki na qele, me ubia e na kuvu-ni-soso;

Isikeli 3:6

sa segai vei ira na veimatanitu tani e vuqa sa dua tani na nodra vosa sa dredre ni cavuti, ko sega ni kila rawa na nodra vosa. Ke'u sa talai iko vei ira, ke ra na vakarorogo ga vei iko, se segai?

Isikeli 3:8

Raica, au sa cakava na matamu me qaqa ki na matadra, kei na yadremu me qaqa ki na yadredra.

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Sakaraia 7:12

Io, era sa vakaukauwataka na lomadra me vaka na vatu qiwa, me ra kakua ni rogoca na vunau, se na vosa sa solia ko Jiova ni lewe vuqa e na nona Yalo Tabu vei ira na parofita eliu me ra tukuna: ka sa yaco kina na cudru levu maivei Jiova ni lewe vuqa.

Luke 10:16

O koya sa rogoci kemudou, sa rogoci au; ia ko koya sa beci kemudou, sa beci au; ia ko koya sa beci au, sa beci koya sa talai au mai.

Luke 13:34

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! e vuqa na siga ka’u a via vakasoqoni ira vata na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

Luke 19:14

Ia ko ira na nona lewe ni koro era sa cati koya, a ra sa tala na mata me muri koya yani me kaya, Keitou sa sega ni vinakata me lewai keitou ko koya oqo.

1 Samuela 8:7

A sa kaya vei Samuela ko Jiova, Mo vakarorogo vei ira na tamata e na ka kecega era sa kaya vei iko: ni ra sa sega ga ni beci iko, sai au ga era sa beca, me'u kakua ni nodra tui koi au.