Isikeli 3:3 - Vakavakadewa Makawa

³ A sa kaya vei au ko koya, ko iko na luve ni tamata, mo ia mada na kana, ia mo vakamamautaka na ketemu e nai vola vivigi oqo ka'u sa solia vei iko. Au a qai kania; ia ni sa tiko e na gusuqu sa vaka na oni na kena kamikamica.

Ai Vola Tabu (Vakadewa Makawa Vakavoutaki 2021)

³ A sa kaya vei au ko koya, “Ko iko na luve ni tamata, mo ia mada na kana, ia mo vakamamautaka na ketemu e nai vola vivigi oqo ka'u sa solia vei iko.” Au a qai kania, ka sa kamikamica me vaka na oni e na gusuqu.

AI VOLA TABU

³ A sa kaya vei au ko koya, Na luve ni tamata, na lomamu mo cakava me kania, ia na ketemu mo vakamamautaka e nai vola vivigi o qo kaʼu sa solia vei iko. Au a qai kania; ia e na gusuqu sa vaka na oni na kena kamikamica.

Vakavakadewa Vou kei na iVola tale eso

³ A sa kaya vei au o koya, “Luve ni tamata, mo kania na i vola vivigi oqo ka'u sa solia vei iko, ka mo vakamamautaka kina na ketemu.” Au a qai kania, ia ni'u sa kania tiko, sa vaka na oni na kena kamikamica.

Ai Vola Tabu Ena Vakavakadewa Vou

³ A sa kaya vei au o koya, “Luve ni tamata, mo kania na i vola vivigi oqo ka'u sa solia vei iko, ka mo vakamamautaka kina na ketemu.” Au a qai kania, ia ni'u sa kania tiko, sa vaka na oni na kena kamikamica.

Isikeli 3:3 Iomraidhean Croise

Jope 23:12

Au sa sega talega ni biuta na vunau ni tebenigusuna; A vosa ni gusuna ka'u sa vinakata, ka cata na qau kakana.

NA SAME 119:103

A kena kamikamica na nomuni vosa ki na gusuqu! Io, na oni sa sega ni kamikamica e na gusuqu!

NA SAME 119:11

Au sa tugana oti na nomuni vosa ki lomaqu, Me'u kakua kina ni cala vei kemuni.

NA SAME 119:97

A ka vakaidina na noqu loloma ki na nomuni vunau! Au sa vakanananu kina e na siga taucoko ka bogi.

NA SAME 19:10

A ka oqo sa daugadrevi vakalevu cake, ka vakalailai na koula, io, na koula vinaka sara e levu: Sa uasivi cake e na oni na kena kamikamica, io, e na qa ni oni.

NA SAME 19:11

Sa vakasalataki talega na nomuni tamata e na ka oqo: Ka sa levu na kenai sau ni sa vakabauti tiko.

Jeremaia 15:16

Sa kune na nomuni vosa, ia ka'u a kania; ka sa yaco na nomuni vosa me ka ni reki kei na ka ni marau ki na lomaqu: ni ka'u sa vakatokai e na yacamuni, Jiova na Kalou ni lewe vuqa:

Jeremaia 20:9

Au a qai kaya, Au na sega ni cavuti koya, se vosa tale e na yacana. Ia na nona vosa, sa tu e lomaqu me vaka na bukawaqa, sa sogo tu e na suiqu, ia ka'u sa oca ni'u kinoca, ka sega ni'u rawata.

Jeremaia 6:11

Ia ka'u sa sinai kina e na cudru i Jiova: ka'u sa oca ni vosota: ka'u na sova yani vei ira na gone e taudaku, vei ira vata kei na nodra i soqosoqo na cauravou: ni na tauri vata na tagane kei na watina, na qase kei koya sa vuqa na nona siga.

Isikeli 2:10

a sa tevuka e mataqu; a sa volai e loma e dakuna talega: ka sa volai kina na lele, kei na tagi yaso, kei na vakaulei.

Isikeli 2:8

Ia ko iko, na luve ni tamata, mo rogoca na ka ka'u sa kaya vei iko; mo kakua ni talaidredre me vaka na mataqali dautalaidredre ko ya: mo dalaga, ka kania na ka ka'u sa solia vei iko.

Isikeli 3:4

A sa kaya vei au ko koya, Ko iko na luve ni tamata, mo lako, lako yani vei ira na mataqali i Isireli, ka vosataka na noqu vosa vei ira.

Joni 7:38

O koya sa vakabauti au, me vaka sa tukuna nai Vola Tabu, ena dave mai na ketena na veiuciwai ni wai bula.

Kolosa 3:16

Me tiko vakalevu e na lomamudou na vosa i Karisito e na vuku kecega; dou veivakatavulici ka veivunauci vakai kemudou e na same kei na sere kei na meke vakayalo, dou sere tiko vua na Kalou ni sa tiko e na yalomudou na loloma.