Isikeli 22:2 - Vakavakadewa Makawa

² Ia ko iko, na luve ni tamata, ko na sega li ni lewa, ko na sega li ni lewa na koro oqo sa dauvakadave dra, ka vakatakila vua na nonai valavala vakasisila kecega?

Ai Vola Tabu (Vakadewa Makawa Vakavoutaki 2021)

² “Ia ko iko, na luve ni tamata, ko na sega li ni lewa, ko na sega li ni lewa na koro oqo sa dauvakadave dra? Mo qai vakatakila vua na nona i valavala vakasisila kecega.

AI VOLA TABU

² Ia ko iko, na luve ni tamata, ko na sega li ni lewa, ko na sega li ni lewa na koro dautauvi dra o qo, ka vakatakila vua na nonai valavala vakasisila kecega?

Vakavakadewa Vou kei na iVola tale eso

² “Ia o iko na luve ni tamata, o na vakataulewa li? Io o na vakataulewa ki na koro sa dave tu kina oqo na dra. Ia mo qai kacivaka vua na nona i valavala vakasisila kecega.

Ai Vola Tabu Ena Vakavakadewa Vou

² “Ia o iko na luve ni tamata, o na vakataulewa li? Io o na vakataulewa ki na koro sa dave tu kina oqo na dra. Ia mo qai kacivaka vua na nona i valavala vakasisila kecega.

Isikeli 22:2 Iomraidhean Croise

2 Tui 21:16

A sa vakadavea talega ko Manasa na kedra dra na lewe vuqa sara era sega ni cala, ka me sinai mada kina ko Jerusalemi e na veiyasana kecega: ia oqo sa kenai kuri ni nonai valavala ca sa vakaivalavalacataki ira kina na Juta, ni ra cakava na ka ca e na mata i Jiova.

Aisea 58:1

Mo kaci vakadomoilevu, kakua ni vakacegu, tabalaka na domomu me vaka na davui, ka vakatakila vei ira na noqu tamata na nodra talaidredre, ia ki na mataqali i Jekope na nodra i valavala ca.

Jeremaia 2:30

Sa sega ni yaga na noqu cudruvi ira na luvemudou; era sa sega ni vakavulici kina: a nomudou i seleiwau sa kani ira na nomudou parofita, me vaka na laioni e dauveivakamatei.

Jeremaia 2:34

Sa kune talega e na bui ni nomu i sulu na dra ni yalodra era sa sega ni cala ka ra dravudravua: sa segai ni'u sa kelia ka'u sa kunea kina, sa tu ga vei ira kecega oqo.

Isikeli 11:6

Dou sa vakalevuqataki ira na nomudou era sa vakamatei e na koro oqo, ka vakaosoosoya na kena sala e na moku.

Isikeli 20:4

O na sega li ni lewai ira, o na sega li ni lewai ira, ko iko na luve ni tamata? mo vakatakila vei ira nai valavala vakasisila ni nodra qase:

Isikeli 22:1

A sa yaco tale vei au na vosa i Jiova, ka vaka,

Isikeli 22:3

Mo qai vaka, Sa kaya vakaoqo na Turaga ko Jiova, Na koro oqo sa vakadavea kina na dra, me yaco kina na kena gauna, ka sa cakava eso na matakau me ca kina ko koya ka ni sa vakadukadukalitaki kina.

Isikeli 24:6

O koya oqo sa kaya kina na Turaga ko Jiova; Ena ca na koro sa vakadave dra, na kuro sa tu kina na kena de-ni-kuro, na kena de-ni-kuro sa sega ni takali maikina! me kau vakatikina mai na lewena; me kakua kina na vakawiri madigi.

Isikeli 24:9

O koya oqo sa kaya kina na Turaga ko Jiova; Ena ca na koro sa vakadave dra! io koi au, ka'u na binia me levu nai kelekele buka.

Isikeli 9:9

Sa qai kaya vei au ko koya, A nodra caka cala na mataqali i Isireli kei Juta sa ka levu vakaidina sara, ka sa robota na vanua na dra, ia na koro sa sinai tu e na veivakaucacataki: ni ra sa kaya, Sa biuti vuravura ko Jiova, ia sa sega ni raica ko Jiova.

Osea 4:2

A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko.

Neumi 3:1

Ena ca na koro dauvakadave dra! na koro ka sinai sara e na veivakaisini, kei nai valavala vakasausa; sa sega ni mudu na daukovekove;

Maciu 23:35

me yaco kina vei kemudou nai sau ni kedra dra na tamata yalododonu kecega ka vakadavei e vuravura: mai na dra nei Epeli na yalododonu ka yaco ki na dra nei Sakaraia na luvei Parakaia, ko koya dou a vakamatea e na tadrua ni vale ni soro kei nai cabocabo-ni-madrali.

Maciu 27:25

A ra sa qai vosa kece na tamata, ka kaya Me baleti keimami kei ira talega na luveimami, na nona mate.

Luke 11:50

me ra tarogi kina nai tabatamata oqo, e na kedra dra na parofita kecega ka vakadavei mai nai vakatekivu kei vuravura;

Cakacaka 7:52

Ko cei vei ira na parofita sa ra sega ni vakacacana ko ira na nomudou qase? a ra sa vakamatei ira era a tukuna eliu ni na lako mai ko koya na Yalododonu; ko koya dou sa qai solia yani ka vakamatea:

1 Timoci 5:20

O ira sai valavala ca, vunauca e na matadra na tamata kecega, me rere kina ko ira na tani.