Isikeli 21:3 - Vakavakadewa Makawa

³ ka kaya ki na vanua ko Isireli, Sa kaya vakaoqo ko Jiova; Raica, koi au na nomu meca, ka'u na ucuna na noqu i seleiwau mai na kena taga, ka muduki ira tani na yalododonu kei ira na tamata ca era tiko vei iko.

Ai Vola Tabu (Vakadewa Makawa Vakavoutaki 2021)

³ ka kaya ki na vanua ko Isireli, Sa kaya vakaoqo ko Jiova: Raica, koi au na nomu meca, ka'u na ucuna na noqu i seleiwau mai na kena taga, ka muduki ira tani na yalododonu kei ira na tamata ca era tiko vei iko.

AI VOLA TABU

³ ka kaya ki na vanua ko Isireli, Sa vosa vakaoqo ko Jiova; Raica, sai au na nomu meca, kaʼu na ucuna na noqui seleiwau mai na kena taga, ka muduki ira tani vei iko na yalododonu kei na tamata ca.

Vakavakadewa Vou kei na iVola tale eso

³ ka kaya ki na vanua o Isireli, ‘sa kaya vakaoqo o koya na Turaga, au na kemu meca, ka'u na ucuna na noqu i seleiwau mai na kena taga ka taya na tamata yalo dodonu kei ira na tamata ca.

Ai Vola Tabu Ena Vakavakadewa Vou

³ ka kaya ki na vanua o Isireli, ‘sa kaya vakaoqo o koya na Turaga, au na kemu meca, ka'u na ucuna na noqu i seleiwau mai na kena taga ka taya na tamata yalododonu kei ira na tamata ca.

Isikeli 21:3 Iomraidhean Croise

Jope 9:22

Sai koya vata ga ka'u sa kaya, Sa vakarusa ko koya na yalododonu kei nai valavala ca.

NA SAME 17:13

I Jiova, ni tu cake, Taumadaki koya, ka vakabalei koya sobu: Ni vakabula na yaloqu mai na tamata ca, e na nomuni seleiwau;

NA SAME 80:17

Ia me tu na ligamuni vua na tamata sa lesia na ligamuni matau, Vei koya na luve ni tamata ko ni sa vakaukauwataka me nomuni.

NA SAME 83:15

Mo ni vakacacani ira vakakina e na nomuni cava, Ka vakadomobulataki ira e na nomuni cava levu.

Lako Yani 15:9

Sa kaya na meca, Au na vakasava, au na vauca, au na vota nai toki ni valu; Ena mamau vei ira na noqu kocokoco; Ka'u na ucuna na noqu i seleiwau, ena vakarusai ira na ligaqu.

Dauvunau 9:2

Sa tautauvata na ka sa yaco vei ira na tamata kecega: sa dua vata na ka sa yaco vei ira na yalododonu, vei ira talega na tamata ca; vua sa vinaka ka savasava, vua talega sa sega ni savasava; vua sa sega ni soro, vua talega sa soro: me vakataki koya sa vinaka, sa vakakina ko koya sai valavala ca; ko koya talega sa bubului, sa vakataki koya sa rerevaka na bubului.

Aisea 10:5

Ko na ca ko iko na kai Asiria, nai titoko ni noqu cudru; ia na matanakilagi e na ligadra sa noqu cudru waqawaqa.

Aisea 34:5

Ni sa lomoci mai lomalagi na noqu i seleiwau; raica, ena tauci Itomi, kei ira na mataqali ka'u sa lesia me rusa.

Aisea 57:1

Sa yali na tamata yalododonu, ka sa sega e dua sa vakasara ki lomana; ia na tamata yalololoma era sa kau tani, ka sa sega e dua sa vakananuma ni sa kau tani kina na yalododonu mai na ca sa bera mai.

Jeremaia 17:27

Ia kevaka dou na sega ni vakarorogo vei au mo dou vakatabuya na siga tabu, ka me kakua ni colata mai nai kaukau, ka curu ki na veimatamata-ni-koro ki Jerusalemi e na siga tabu: ka'u na qai tutuvaka na buka e na kena matamata-ni-koro, ena kania na veivale vakaturaga mai Jerusalemi, ena sega talega ni bokoci.

Jeremaia 21:13

Raica, au sa veivala kei iko, ko iko sa tiko e na buca, e na uluvatu ni buca, sa kaya ko Jiova; koi kemudou ka kaya, Ko cei ena lako sobu mai me veivala kei keimami? se ko cei me mai curu ki na neimami tikotiko?

Jeremaia 21:14

Ia ka'u na cudruvi kemudou me vaka na nomudou i valavala, sa kaya ko Jiova: ia ka'u na tutuvaka na buka e na kena veikau, ena kania na ka kecega sa tu vakavolivolita.

Jeremaia 50:31

Raica, edaru sa veimecaki kei iko na yaloviavialevu, sa kaya na Turaga ko Jiova ni lewe vuqa: ni sa yaco mai na nomu siga, na gauna ka'u na cudruvi iko kina.

Jeremaia 51:20

Sai iko na noqu matauiwau kei nai yaragi ni valu: ia sai iko ka'u na vorolaki ira kina na veivanua, ka sai iko ka'u na vakarusa kina na veimatanitu;

Jeremaia 51:25

Raica, edaru sa veimecaki kei iko, na ulu-ni-vanua dauveivakarusai, sa vakarusai vuravura kecega, sa kaya ko Jiova: ia ka'u na dodoka na ligaqu vei iko, ka vaqiqici iko sobu tani mai na uluvatu, ka cakava mo ulu-ni-vanua caucaudre.

Isikeli 13:8

O koya oqo sa kaya kina vakaoqo na Turaga ko Jiova; Ni dou sa cavuta na ka wale, ka raica na ka lasu, au sa nomudou meca, sa kaya na Turaga ko Jiova.

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?

Isikeli 21:19

O iko talega, na luve ni tamata, mo lesia e rua na sala, me lako yani kina nai seleiwau i tui Papiloni: me dua bau ga na vanua me vu mai kina ruarua: ia mo lewa e dua na tikina, me sa tekivu kina na sala ki na koro:

Isikeli 24:9

O koya oqo sa kaya kina na Turaga ko Jiova; Ena ca na koro sa vakadave dra! io koi au, ka'u na binia me levu nai kelekele buka.

Isikeli 26:3

o koya oqo sa kaya kina na Turaga ko Jiova, ka vaka; Mo kila, au sa veimecaki kei iko, Taia, ia ka'u na kauta cake mai vei iko na veimatanitu e vuqa, me vaka na ua ni sa se mai ki na wasawasa.

Isikeli 29:10

O koya oqo, ka'u sa veimecaki kina kei iko kei na nomu uciwai, ia ka'u na vakalalataka sara na vanua ko Ijipita me lekutu tu ga, mai Mikitoli ka yala ki Saiini ka yala ki Iciopea.

Isikeli 5:12

E dua na kemudou wase ena mate e na dauveiveitauvi, ia era na vakaoti ga e na dausiga e na kemudou maliwa: e dua tale na kemudou wase ena bale e nai seleiwau sa na vakavolivoliti iko: ia na kenai katolu ni kemudou wase ka'u na vakaseva ki na mata ni cagi kecega, ia ka'u na ucuna nai seleiwau me muri ira.

Isikeli 5:8

o koya oqo sa kaya kina vakaoqo na Turaga ko Jiova; Raica, koi au, ka'u sa nomu meca, io ka'u na ia e na kemudou maliwa na veicudruvi e matadra na veimatanitu.

Vunau ni Soro 26:25

ia ka'u na vakayacora vei kemudou nai seleiwau, sa na cudrutaka na veiyalayalati, ka dou na soqoni vata kina e na nomudou loma ni veikoro; ia ka'u na tala na mate ca vei kemudou; ia dou na soli ki na ligadra na meca.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.

Emosi 5:6

Dou golevi Jiova, mo dou bula; de kida ko koya me vaka na bukawaqa ki na mataqali i Josefa, ka sa kama voli, ka sega e dua mai Peceli me bokoca.

Emosi 7:4

Sa vakaoqo na ka e vakaraitaka vei au na Turaga ko Jiova: ka raica sa kaci na Turaga ko Jiova, me ra mai ia na veilewai kaya e na bukawaqa, a sa kama kina na wasa levu, ka sa kania e dua na tiki ni vanua.

Neumi 2:13

Raica, koi au na nomu meca, sa kaya ko Jiova ni lewe vuqa, ia ka'u na vakama na nona qiqi-ni-valu me kubou; ia ena kani ira na nomu luve ni laioni, nai seleiwau: ka'u na muduka tani talega mai vanua na ka ko sa dresulaka, ena sega talega ni rogoci tale na domodra na nomu i talaki.

Neumi 3:5

Raica, koi au ka'u sa nomu meca, sa kaya ko Jiova ni lewe vuqa; ia ka'u na cega cake na nomu i sulu ki matamu, ka vakaraitaka na nomu luvawale ki na veivanua, kei na nomu veivakamaduataki ki na veimatanitu.

Sefanaia 2:12

Oi kemudou talega na kai Iciopea, dou na vakamatei e na noqu i seleiwau.

Sakaraia 13:7

Mo yadra mai, nai seleiwau, me lauti koya na noqu i vakatawa, io, me lauti koya na tamata keirau sa dua vata kaya, sa kaya ko Jiova ni lewe vuqa: me yavita nai vakatawa, ka ra na dui vakasevi na sipi: ia ka'u na tarai ira na lalai e na ligaqu.