Isikeli 2:1 - Vakavakadewa Makawa

¹ A sa kaya vei au ko koya, Ko iko na Luve ni tamata, mo tu cake e na yavamu, ka'u na qai vosa vei iko.

Ai Vola Tabu (Vakadewa Makawa Vakavoutaki 2021)

¹ A sa kaya vei au ko koya, “Ko iko na Luve ni tamata, mo tucake e na yavamu, ka'u na qai vosa vei iko.”

AI VOLA TABU

¹ A SA kaya vei au ko koya, Na luve ni tamata, mo tu cake e na yavamu, kaʼu na qai vosa vei iko.

Vakavakadewa Vou kei na iVola tale eso

¹ A sa kaya vei au o koya, “Luve ni tamata, mo tucake, ka'u na qai vosa vei iko.”

Ai Vola Tabu Ena Vakavakadewa Vou

¹ A sa kaya vei au o koya, “Luve ni tamata, mo tucake, ka'u na qai vosa vei iko.”

Isikeli 2:1 Iomraidhean Croise

NA SAME 8:4

A cava na tamata mo ni nanumi koya kina? Kei na luve ni tamata, mo ni dautalevi koya kina?

Isikeli 1:28

Me vaka na kenai rairai na drodrolagi e na o e na siga ni uca, sa vakakina na kenai serau e na kena veitikina. Sa vakaoqo na raivotu ni vakatakarakara ni ukuuku i Jiova. Ia ni'u sa raica, ka'u sa cuva vakatoboicu, ka rogoca na domona e dua ka vosa mai.

Isikeli 12:3

Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga: ia mo toki tani e matadra mai na nomu tikina ki na tikina tani: era mataqali dautalaidredre, ia de ra na vakanananu beka ga.

Isikeli 13:2

Ko iko na luve ni tamata, mo parofisaitaka na ca vei ira na parofita i Isireli era ia na parofisai, ia mo kaya vei ira era ia na parofisai sa vu ga mai lomadra, Dou rogoca na vosa i Jiova.

Isikeli 14:13

Ko iko na luve ni tamata, ni sai valavala ca vei au e dua na vanua ni sa talaidredre sara, ka'u na qai dodoka yani kina na ligaqu, ka muduka na ka e bula kina, io, na madrai, ka vakayacora kina na viakana, ka muduka tani maikina na tamata kei na manumanu:

Isikeli 14:3

Ko iko na luve ni tamata, ko ira na tamata oqo era dui vakaduria na nodra matakau e na lomadra, ka ra dui tauca e matadra na nodra caka cala era tarabe kina: me'u sa tarogi li vei ira oqo?

Isikeli 15:2

Ko iko na luve ni tamata, A cava na kena yaga cake na vu ni vaini ki na kau eso, se ki na taba ni kau eso mai na veikau?

Isikeli 16:2

Ko iko na luve ni tamata, mo vakatakila ki Jerusalemi na kenai valavala vakasisila,

Isikeli 17:2

Ko iko na luve ni tamata, mo cavuta yani e dua na vosa vakaibalebale, ka tukuna e dua na vosa vakatautauvata ki na mataqali i Isireli;

Isikeli 2:3

A sa kaya vei au ko koya, Ko iko na luve ni tamata, au sa talai iko vei ira na Isireli, ki na dua na matanitu dauvuki sa vuki tani vei au: o ira kei na nodra qase era sa talaidredre vei au, ka yacova sara na siga oqo.

Isikeli 2:6

Ia ko iko, na luve ni tamata, mo kakua ni rerevaki ira; kakua talega ni ko rerevaka na nodra vosa, ia sa kau vakavotona ga kei na soni sa tiko kei iko, ka ko sa tiko vata talega kei na batibasaga: ia mo kakua ni rerevaka na nodra vosa, a matadra talega kakua ni ko rerevaka, ia era sa mataqali dautalaidredre ga.

Isikeli 2:8

Ia ko iko, na luve ni tamata, mo rogoca na ka ka'u sa kaya vei iko; mo kakua ni talaidredre me vaka na mataqali dautalaidredre ko ya: mo dalaga, ka kania na ka ka'u sa solia vei iko.

Isikeli 20:3

Ko iko na luve ni tamata, mo vosa vei ira na qase ni Isireli, ka kaya vei ira, Sa kaya vakaoqo na Turaga ko Jiova; Dou sa lako mai me tarogi au, ne? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Isikeli 3:1

A sa kaya vei au ko koya, Ko iko na Luve ni tamata, na ka ko sa kunea mo kania, mo kania nai vola vivigi oqo, ka la'ki vosa vei ira na mataqali i Isireli.

Isikeli 3:10

Sa kaya talega vei au ko koya, Ko iko na luve ni tamata, na vosa kece ka'u na vosataka vei iko mo tugana ga ki lomamu, ka rogoca e daligamu.

Isikeli 3:17

Ko iko na Luve ni tamata, ka'u sa lesi iko mo nodra i vakatawa na mataqali i Isireli: ia mo rogoca na vosa ni gusuqu, ka vakasalataki ira maivei au.

Isikeli 3:4

A sa kaya vei au ko koya, Ko iko na luve ni tamata, mo lako, lako yani vei ira na mataqali i Isireli, ka vosataka na noqu vosa vei ira.

Isikeli 37:3

Sa qai kaya vei au ko koya, Ko iko na luve ni tamata, sa na bula rawa li na sui oqo? Au a kaya, kemuni na Turaga Jiova, ko ni sa kila ga.

Isikeli 4:1

Ia ko iko, na luve ni tamata, mo kauta e dua na vatu-buli, ka vakotora e matamu, ka vola kina na koro ko Jerusalemi:

Isikeli 40:4

A sa kaya vei au na tamata oqori, Ko iko na luve ni tamata, mo vakaraica mada e na matamu, ka rogoca mada e na daligamu, ka vakasara ga na lomamu ki na ka kecega ka'u na vakaraitaka vei iko; ni ko sa kau mai ki ke me'u vakaraitaka vei iko na ka oqo: tukuna na ka kece ko sa raica vei ira na mataqali i Isireli.

Isikeli 43:18

A sa kaya vei au ko koya, Ko iko na luve ni tamata, sa kaya vakaoqo na Turaga ko Jiova; Me vakaoqo nai valavala ni cabocabo-ni-soro e na siga era na cakava, me ra vakacabora kina nai soro kama, ka kureitaka ki delana na dra.

Isikeli 5:1

Ia ko iko, na luve ni tamata, mo taura e dua nai sele gata, io, e dua nai tasi ni kena dau mo taura, ka tasia kina na ulumu kei na kumimu: mo qai taura e dua nai vakarau ni bibi, ka wasea na drau ni ulumu:

Isikeli 7:2

Ia ko iko, na luve ni tamata, sa kaya vakaoqo na Turaga ko Jiova ki na vanua vaka-Isireli; Nai otioti, sa yaco mai nai otioti ki nai yalayala vava ni vanua.

Taniela 10:11

A sa kaya vei au, O iko Taniela, na tamata daulomani, mo kila na vosa ka'u sa tukuna vei iko, ka tu cake e na yavamu: ni'u sa qai talai mai vei iko. Ia ni sa vosataka na vosa oqo vei au ko koya, ka'u sa wavu tu ka sautaninini.

Taniela 10:19

ka kaya, O iko, na tamata daulomani, kakua ni ko rere: mo vakacegu, mo kaukauwa ga, io, mo kaukauwa ga mai. Ia ni sa vosa oti vei au ko koya, ka'u sa qai kaukauwa mai ka kaya, Mo ni vosa tiko mai, na noqu turaga; ni kemuni sa vakaukauwataki au.

Taniela 8:17

A sa toro voleka mai ko koya ki na tikina ka'u sa tu kina: ia ni sa lako mai ko koya, ka'u sa rere, ka cuva vakatoboicu: ia sa kaya vei au, Mo kila, ko iko na luve ni tamata: ni sa bale ga ki na gauna ni vakataotioti na raivotu.

Maciu 17:7

A sa lako mai ko Jisu ka tarai iratou, ka kaya, Tu cake, ka kakua ni rere.

Joni 3:13

A sa sega e dua na tamata sa lako cake ki lomalagi, ko koya ga sa lako sobu mai lomalagi, a Luve ni tamata, ko koya sa tiko mai lomalagi.

Joni 3:16

Ni sa lomani ira na kai vuravura vakaoqo na Kalou, me solia kina na Luvena e dua bauga sa vakatubura, me kakua ni rusa ko ira yadua era sa vakabauti koya, me ra rawata ga na bula tawa mudu.

Cakacaka 26:16

ia mo tu cake ga, ka tu e yavamu: ni’u sa rairai vei iko e na vuku ni ka oqo, me’u lesi iko mei talatala kei na dautukutuku talega e na veika ko sa raici au kina, kei na veika ka’u na rairai kina vei iko:

Cakacaka 9:6

A sa sautaninini ko koya ka kidacala, ka kaya, Kemuni na Turaga, a cava ko ni sa vinakata me’u cakava? A sa kaya vei koya na Turaga, Cavu tu, ka lako ki na koro, ka na tukuni vei iko na ka e dodonu mo cakava.