Isikeli 18:4 - Vakavakadewa Makawa

⁴ Raica, sa noqu na yalo kecega: na yalo ni qase, kei na yalo ni luvena, sa noqu ga: ia na yalo ga sai valavala ca ena mate.

Ai Vola Tabu (Vakadewa Makawa Vakavoutaki 2021)

⁴ Raica, sa noqu na yalo kecega; na yalo ni qase kei na yalo ni gone sa noqu ga: ia na yalo ga sai valavala ca ena mate.

AI VOLA TABU

⁴ Raica, na yalo kecega sa noqu: me vaka na yalona na qase, sa vakakina na yalona na luvena, sa noqu ga: a yalo sai valavala ca ena mate o qori.

Vakavakadewa Vou kei na iVola tale eso

⁴ Raica, era sa noqu na yalo bula kecega; na yalo i tamana, ka vakakina na yalo i luvena, sa noqu; ia na yalo ga sai valavala ca ena mate.

Ai Vola Tabu Ena Vakavakadewa Vou

⁴ Raica, era sa noqu na yalo bula kecega; na yalo i tamana, ka vakakina na yalo i luvena, sa noqu; ia na yalo ga sai valavala ca ena mate.

Isikeli 18:4 Iomraidhean Croise

2 Tui 14:6

ia na luvedra na tamata era a vakamatei tamana, sa sega ni vakamatei ira ko koya: me vaka na ka sa volai e nai vola ni vunau i Mosese, ka vakarota ko Jiova, ka kaya, Me ra kakua ni vakamatei na tama ni gone e na vuku ni luvedra, se vakamatei na gone e na vuku ni tamadra; ia na tamata yadua ena vakamatei e na vuku ni nonai valavala ca.

Jope 21:20

Sa na kunea na matana na nona rusa, Ia ena gunuva ko koya na cudru i Koya sa Kaukauwa.

Jope 8:4

Kevaka era sai valavala ca vua ko iratou na luvemu, Ka sa vakatalai ira tani ko koya e na vuku ni nodra talaidredre;

Aisea 42:5

Sa vosa vakaoqo na Kalou ko Jiova, o koya ka bulia na lomalagi, ka tevuka; o koya ka tevuka talega na vuravura, kei na ka sa vakatubura; ko koya sa solia vei ira na tamata e tiko kina na nodra i cegu, kei na yalodra era sa lako voli kina:

Aisea 57:16

Ni'u na sega ni veileti ka tawa mudu, ka'u na sega talega ni cudru tikoga: ni na qai ceguoca ga e mataqu na yalo, kei na yalo ni tamata ka'u sa bulia.

Jeremaia 31:30

Ni sai ira yadua, era na dui mate ga e na vuku ni dui nona caka cala: na tamata yadua sa kania na vua-ni-vaini wiwi, ena rara ga kina na batina ko koya.

Isikeli 18:20

Na yalo sai valavala ca, ena mate ga, Ena sega ni cudruvi na gone e na caka cala i tamana, a tamana talega ena sega ni cudruvi e na caka cala ni luvena: a nona caka dodonu na yalododonu ena tu ga vua, kei na nona ca na tamata ca ena tu ga vua.

Isikeli 18:3

Sa kaya na Turaga ko Jiova, me vaka na dina ni noqu bula, ena sega tale na ka mo dou taura kina na vosa vakaibalebale oqo e Isireli,

Isikeli 18:5

Ia kevaka sa yalododonu e dua na tamata, ka sa cakava na ka sa dodonu ka vinaka,

Isikeli 3:18

Ni'u sa kaya vua na tamata ca, Ko na mate vakaidina; ia ko sa sega ni vakasalataki koya, se vakauqeta na tamata ca me biuta na nona sala ca, ka me vakabulai koya; ena mate ga na tamata ca ko ya e na nona caka cala; ia na nona mate ka'u na taroga vei iko.

Isikeli 33:8

Ni'u sa kaya vua na tamata ca, Ko iko na tamata ca, ko na mate vakaidina; kevaka ko sa sega ni vosa vua na tamata ca mo vakasalataki koya me lesu tani mai na nonai tovo ca, sa na mate ga na tamata ca ko ya e na nonai valavala ca; ia na nona mate ka'u na taroga vei iko.

Sakaraia 12:1

Na vosa ni parofisai bibi maivei Jiova ka baleti ira na Isireli, sa kaya ko Jiova, o koya sa tevuka yani na lomalagi, ka sa tauyavutaki vuravura, ka sa cakava na yalo ni tamata e lomana.

Tiko mai na Lekutu 16:22

A rau a cuva vakaitoboicu, ka kaya, Kemuni na Kalou, na Kalou ni yalo ni tamata kecega, kemuni na cudruvi ira li nai soqosoqo taucoko ni sai valavala ca e le dua na tamata?

Tiko mai na Lekutu 27:16

Me lesia mada ko Jiova na Kalou ni yalodra na tamata kecega e dua na tamata me lewai ira nai soqosoqo,

Roma 6:23

Ni sa kenai sau ni valavala ca na mate: ia sai solisoli walega ni Kalou na bula tawa mudu, e na vuku i Jisu Karisito na noda Turaga.

Kalatia 3:22

Ia nai Vola Tabu sa sogolatia kecega, ka beitaka e na cala, me soli kina na ka sa yalataki, e na vuku ni vakabauti Jisu Karisito vei ira era sa vakabauta.

Vakarua 24:16

Me ra kakua ni vakamatei na qase e na vukudra na gone, me ra kakua talega ni vakamatei na gone e na vukudra na qase: ena vakamatei na tamata yadua e na vuku ni nonai valavala ca.

Iperiu 12:9

Ia sa daucudruvi keda na tamada vakayago, ia eda a daudoka: ena sega li ni levu cake sara na noda talairawarawa vei koya na Tama ni yaloda, ka da na bula kina?