Isikeli 14:3 - Vakavakadewa Makawa

³ Ko iko na luve ni tamata, ko ira na tamata oqo era dui vakaduria na nodra matakau e na lomadra, ka ra dui tauca e matadra na nodra caka cala era tarabe kina: me'u sa tarogi li vei ira oqo?

Ai Vola Tabu (Vakadewa Makawa Vakavoutaki 2021)

³ “Ko iko na luve ni tamata, ko ira na tamata oqo era dui vakaduria na nodra matakau e na lomadra, ka ra dui tauca e matadra na nodra caka cala era tarabe kina. Me'u sa tarogi li vei ira oqo?

AI VOLA TABU

³ Na luve ni tamata, sai ira na tamata o qo era dui vakaduria na nodra matakau e na lomadra, kei na nodra caka cala era tarabe kina era dui tauca ga e matadra: niʼu na tarogi, meʼu tarogi li vei ira o qo?

Vakavakadewa Vou kei na iVola tale eso

³ “Luve ni tamata, o ira na tamata oqo era sa dui vakaduria na nodra matakau ena lomadra, ka ra dui tauca e matadra na nodra caka cala era tarabe kina; me'u vakalaiva li me ra vakatarogi au o ira oqo?

Ai Vola Tabu Ena Vakavakadewa Vou

³ “Luve ni tamata, o ira na tamata oqo era sa dui vakaduria na nodra matakau ena lomadra, ka ra dui tauca e matadra na nodra caka cala era tarabe kina; me'u vakalaiva li me ra vakatarogi au o ira oqo?

Isikeli 14:3 Iomraidhean Croise

2 Tui 3:13

A sa kaya vua na tui Isireli ko Ilaisa, A cava vei kedaru? mo lako yani vei ira na parofita i tamamu, kei ira na parofita i tinamu. A sa kaya vei koya na tui Isireli, Me kakua mada; ni sa kacivi iratou vata ko Jiova na tui tolutolu oqo, me soli iratou ki na ligadra na Moapi.

NA SAME 101:3

Au na sega ni viritura e mataqu e dua na ka ca: Au sa cata na nodra i valavala era sa gole vakatani; Ena sega ni kabiti au.

NA SAME 66:18

Kevaka ka'u goleva e lomaqu nai valavala ca, Ena sega ni rogoci au na Turaga:

Vosavakaibalebale 15:29

Sa yawa tiko ko Jiova vei ira nai valavala ca: Ia na nodra masu na yalododonu ena rogoca ko koya.

Vosavakaibalebale 15:8

Sa ka vakasisila vei Jiova na nodra i soro nai valavala ca: Ia na nodra masu na yalododonu sa vinakata ko koya.

Vosavakaibalebale 21:27

A nodra i soro na tamata ca sa ka vakasisila: Ka vakalevu, ni sa nanuma ca ko koya ni sa kauta mai.

Vosavakaibalebale 28:9

O koya sa vaqara tani na daligana me kakua ni rogoca na vunau, Ena ka vakasisila na nona masumasu.

Aisea 1:15

Ia ni dou sa dodoka mai na ligamudou, Ka'u na tabonaka na mataqu maivei kemudou: io, ni dou sa masu vakavuqa, ka'u na sega ni rogoca: a ligamudou sa lomoci e na dra.

Aisea 33:15

Ko koya sa dodonu na nonai lakolako, ka sa vosataka na ka dodonu; ko koya sa beca nai yau sa kovei; ka sa bese na ligana ni taura nai tautauri ni vere, ka sa tabonaka na daligana mai nai rogorogo ni dra, ka sa vakabobo na matana me kakua ni raica na ca;

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 17:9

Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Jeremaia 21:2

Mo tarogi Jiova mada e na vukuda, ni sa mai veivaluti kei keda ko Nepukatiresa na tui Papiloni, de sa na cakacaka beka mai vei keda ko Jiova me vaka na nona cakacaka vakurabui kecega, me sa lako tani mada ga kina vei keda ko koya.

Isikeli 11:21

Ia ko ira sa lomadra ga me ra muria na nodra i valavala velavela kei na nodra ka vakasisila ka'u na sauma ga kivei ira, sa kaya na Turaga ko Jiova.

Isikeli 14:2

A sa yaco vei au na vosa i Jiova, ka vaka,

Isikeli 14:4

O koya oqo mo kaya kina vei ira, Sa kaya vakaoqo na Turaga ko Jiova; Na tamata yadua ni mataqali i Isireli sa vakaduria na nona matakau e na lomana, ka sa tauca e matana na nona caka cala e tarabe kina, ka sa lako vua na parofita; koi au ko Jiova, ka'u na vosa yani vua sa lako mai me vaka na nona matakau e vuqa;

Isikeli 14:7

ko ira yadua e na mataqali i Isireli, kei ira na kai tani era tiko mai Isireli, sa na tawasei koya tani vei au, ka vakaduria na nona matakau e na lomana, ka sa tauca e matana na nona caka cala e tarabe kina, ka qai lako vua na parofita me tarogi au vua; koi au ko Jiova ka'u na vosa yani vua:

Isikeli 20:16

ka ni ra sa beca na noqu lewa, ka ra sega ni muria na noqu vunau, ka ra vakacacana na noqu siga tabu: ia e na lomadra era sa goleva na nodra matakau.

Isikeli 20:3

Ko iko na luve ni tamata, mo vosa vei ira na qase ni Isireli, ka kaya vei ira, Sa kaya vakaoqo na Turaga ko Jiova; Dou sa lako mai me tarogi au, ne? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Isikeli 20:31

Ka ni dou sa cabora na nomudou i solisoli, ni dou vakacabori ira na luvemudou e loma ni bukawaqa, dou sa vakadukadukalitaki e na nomudou matakau kecega, ka yacova sara na siga oqo: ia me'u tarogi li koi au vei kemudou, na mataqali i Isireli? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Isikeli 3:20

Ia ni sa vuki tani na tamata yalododonu mai na nonai valavala dodonu, ka sa caka cala, ni'u sa tauca e matana na ka e tarabe kina, ena mate ko koya: ni ko sa sega ni vakasalataki koya, ena mate ga e na nonai valavala ca, ia ena sega ni nanumi na nonai valavala dodonu sa cakava ko koya; ia na nona mate ka'u na taroga vei iko.

Isikeli 33:30

Ko iko talega, na luve ni tamata, ko ira na luvedra na kai nomu era sa veivosakitaki iko tikoga mai na lalaga ni veivale kei na kena katuba talega, ka ra sa dui veivosaki vakataki ira na veiwekani, ka kaya, Tou mai rogoca mada, se vosa cava sa yaco maivei Jiova.

Isikeli 36:25

Au na qai kuretaka vei kemudou na wai makare, dou na qai savasava: ka'u na vakasavasavataki kemudou mai na nomudou dukadukali kecega, kei na nomudou matakau kecega.

Isikeli 44:12

Ka ni ra sa qaravi ira e na mata ni nodra matakau, ka vakacalai ira na mataqali i Isireli: o koya oqo ka'u sa dulaka cake kina na ligaqu vei ira, sa kaya na Turaga ko Jiova, ka na baleti ira ga na nodra caka cala.

Isikeli 6:9

Ia ko ira vei kemudou sa bula, era na nanumi au e na veimatanitu era na kau vakabobula kina, ni'u na musuka na lomadra dauyalewa, sa lako tani vei au, kei na matadra, sa daugole vakaca ki na nodra matakau: ka ra na vakasisilataki ira e na vuku ni ka ca era sa cakava e na nodra i valavala vakasisila kecega.

Isikeli 7:19

A nodra siliva era na biuta ki na sala ni koro; kei na nodra koula ena vaka na ka velavela vei ira; a nodra siliva kei na nodra koula, ena sega ni vakabulai ira rawa e na siga ni cudru i Jiova: a yalodra, ena sega ni mamau kina; a ketedra talega, ena sega ni vakamamautaki kina: ni sa nodra caka cala oqo era sa tarabe kina.

Osea 4:5

O koya oqo ko na toqi kina e na siga, ia drau na toqi vata talega kei na parofita e na bogi, ia ka'u na vakarusai koya talega na tinamu.

Sefanaia 1:3

Au na vakarusa na tamata kei na manumanu; au na vakarusa na manumanu vuka, kei na ika ni waitui, kei na veika era tarabe kina, kei ira talega na tamata ca; ia ka'u na muduka tani na tamata mai na vanua, sa kaya ko Jiova.

Sakaraia 7:13

A sa yaco, me vaka ni sa kaci ko koya, ka ra bese ni rogoca; sa ra kaci vaka talega kina ko ira, ia ka'u a bese ga ni rogoca, sa kaya ko Jiova ni lewe vuqa:

Luke 20:8

A sa kaya vei ira ko Jisu, Au sa sega talega ni tukuna vei kemudou se ka’u sa lesi maivei me’u kitaka na veika oqo.

Efeso 5:5

Ni dou sa kila na ka oqo, ena sega sara na nonai votavota e na matanitu nei Karisito kei na Kalou, e dua na daudara, se dua sa velavela, se dua na daukocokoco, ni sa dauqarava na kalou lasu ko koya oqo.

1 Pita 2:8

kei Na vatu era sa tarabe kina, kei na vatu era sa bale kina; ni ra sa tarabe e na vosa, ni ra sa talaidredre: era sa lesi talega me ra vakakina.

Vakatakila 2:14

Ia ka so ga na ka ko sa ca kina, e na vuku ni sa tiko vei iko ko ira era sa vakabauta nai vakavuvuli i Pelami, o koya ka vakavulici Pelaki me biuta na veivakacalai e na matadra na luve i Isireli, me ra kania na ka sa vakacabori ki na veimatakau, me ra dauyalewa talega.

1 Samuela 28:6

A sa tarogi Jiova ko Saula, a sa sega ni vosa vua ko Jiova e na tadra, se e na Urimi, se e na gusudra na parofita.