Isikeli 13:2 - Vakavakadewa Makawa

² Ko iko na luve ni tamata, mo parofisaitaka na ca vei ira na parofita i Isireli era ia na parofisai, ia mo kaya vei ira era ia na parofisai sa vu ga mai lomadra, Dou rogoca na vosa i Jiova.

Ai Vola Tabu (Vakadewa Makawa Vakavoutaki 2021)

² “Ko iko na luve ni tamata, mo parofisaitaka na ca vei ira na parofita i Isireli era ia na parofisai, ia mo kaya vei ira era ia na parofisai sa vu ga mai lomadra, ‘Dou rogoca na vosa i Jiova!’

AI VOLA TABU

² Na luve ni tamata, mo parofisaitaka na kedra na parofita vaka-Isireli era ia na parofisai, ia mo kaya vei ira era ia na parofisai sa vu ga mai lomadra, Dou rogoca na vosa i Jiova;

Vakavakadewa Vou kei na iVola tale eso

² “Luve ni tamata, mo parofisaitaka na ca vei ira na parofita i Isireli. Mo vunauci ira na dau bulia ga vakataki ira na nodra vosa ni parofisai. Tukuna vei ira me ra rogoca na vosa i Jiova.”

Ai Vola Tabu Ena Vakavakadewa Vou

² “Luve ni tamata, mo parofisaitaka na ca vei ira na parofita i Isireli. Mo vunauci ira na dau bulia ga vakataki ira na nodra vosa ni parofisai. Tukuna vei ira me ra rogoca na vosa i Jiova.”

Isikeli 13:2 Iomraidhean Croise

1 Tui 22:19

A sa kaya ko koya, O koya oqo, mo rogoca kina na vosa i Jiova: Au a raici Jiova, ni sa tiko e nonai tikotiko vakaturaga, a ra sa tiko voleka vua e na nonai matau kei na nonai mawi ko ira kecega na lewe i lomalagi.

Aisea 1:10

Dou rogoca na vosa i Jiova, koi kemudou ka daulewai Sotoma; dou vakatu daliga ki na vunau ni noda Kalou, koi kemudou na kai Komora.

Aisea 28:14

O koya oqo dou rogoca kina na vosa i Jiova, oi kemudou na dauveivakalialiai, sa lewai ira na tamata oqo mai Jerusalemi.

Aisea 9:15

A qase kei koya na tamata sa rogo, sai koya na uludra; a parofita sa vakavulica na ka lasu, ko koya ga na buidra.

Jeremaia 23:2

O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Jeremaia 27:14

O koya oqo dou kakua kina ni rogoca na nodra vosa na parofita era vosa vei kemudou, ka kaya, Dou na sega ni qaravi tui Papiloni: ni ra sa parofisaitaka vei kemudou na ka lasu:

Jeremaia 27:18

Ia kevaka era sa parofita dina, kevaka sa tiko vei ira na vosa i Jiova, me ra ia mada na veimasulaki vei Jiova ni lewe vuqa, me kakua ga ni kau ki Papiloni nai yaya sa vo tu e na vale i Jiova, kei na vale i tui Juta, kei Jerusalemi.

Jeremaia 37:19

Ia sa evei na nomudou parofita era sa ia na parofisai vei kemudou, ka kaya, Ena sega ni lako mai na tui Papiloni me vala kei kemudou, kei na vanua oqo?

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 8:10

E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Lele i Jeremaia 4:13

E na vuku ni valavala ca ni nona parofita, kei na caka cala ni nona bete, Era sa vakadavea e lomana na kedra dra na yalododonu,

Isikeli 13:1

A sa yaco vei au na vosa i Jiova, ka vaka,

Isikeli 13:17

Ia ko iko, na luve ni tamata, mo vaqaqataka na matamu vei ira na goneyalewa ni kai nomu, era ia na parofisai e vu ga mai na lomadra; ia mo parofisaitaka na ca vei ira,

Isikeli 13:3

Sa kaya vakaoqo na Turaga ko Jiova; Ena ca ko ira na parofita lialia, era muria na yalodra ka segai na ka era raica!

Isikeli 16:35

O koya oqo, ko iko na dautagane, mo rogoca kina na vosa i Jiova:

Isikeli 22:25

Sa dua na nodra vere na parofita e loma ni koro, me vaka na laioni e tagi ni sa dresulaka na kena; era sa kania na yalo ni tamata; era sa taura nai yau kei na ka talei; era sa vakalevuqataka na kena yada.

Isikeli 22:28

Ia ko ira na kena parofita era sa boroi ira e nai boro ca, ni ra sa raica na ka wale, ka ia na caka mana vakailasu vei ira, ka vaka, Sa kaya vakaoqo na Turaga ko Jiova, ia ko Jiova sa sega ni vosa kina.

Isikeli 34:7

O koya oqo, koi kemudou nai vakatawa, dou rogoca kina na vosa i Jiova;

Isikeli 34:9

o koya oqo, koi kemudou nai vakatawa, dou rogoca kina na vosa i Jiova;

Maika 3:11

o ira na nodra turaga era sa ia na veilewai me ra vakaisolisoli kina, kei ira na nodra bete era sa ia nai vakavuvuli me ra vakaivoli kina, kei ira na nodra parofita era sa ia na caka mana vakailasu me ra vakailavo kina: ia era na vakararavi ga vei Jiova, ka kaya, Sa sega li ni tiko vata kei keda ko Jiova? ena sega ni yacovi keda e dua na ca.

Maika 3:6

O koya oqo ena yacovi kemudou kina na bogi ka na sega na raivotu; ia ena butobuto vei kemudou ka na sega ni ia na caka mana vakailasu; io, ena dromu na mata-ni-siga vei ira na parofita, ena siga butobuto ga vei ira.

Sefanaia 3:4

O ira na nona parofita era sa yalodauveidokadokai, era sa tamata dauveivakaisini: ko ira na nona bete era sa vakacataka na ka e tabu, era sa kauta vakatani na vunau.