Isikeli 11:12 - Vakavakadewa Makawa

¹² ia dou na kila ni sai au ko Jiova: ni dou sa sega ni muria na noqu vunau, ka dou sa sega ni cakava na noqu lewa, ia dou sa muria na nodra i tovo na veimatanitu sa tiko voliti kemudou.

Ai Vola Tabu (Vakadewa Makawa Vakavoutaki 2021)

¹² Ia dou na kila ni sai au ko Jiova. Ni dou sa sega ni muria na noqu vunau, ka dou sa sega ni cakava na noqu lewa, ia dou sa muria na nodra i tovo na veimatanitu sa tiko voliti kemudou.”

AI VOLA TABU

¹² ia dou na kila ni sai au ko Jiova: ni sa noqu vunau dou sa sega ni muria, kei na noqu lewa dou sa sega ni cakava, na nodra lewa ga na veimatanitu sa tiko voliti kemudou dou sa cakava.

Vakavakadewa Vou kei na iVola tale eso

¹² O ni na qai kila kina ni sai au o Jiova, o koya o ni sa sega ni via muria na nona lawa kei na nona i vakaro, ia o ni sa muria ga na nodra i tovo na veimatanitu sa tiko voliti kemuni.”

Ai Vola Tabu Ena Vakavakadewa Vou

¹² O ni na qai kila kina ni sai au ko Jiova, o koya o ni sa sega ni via muria na nona lawa kei na nona i vakaro, ia o ni sa muria ga na nodra i tovo na veimatanitu sa tiko voliti kemuni.”

Isikeli 11:12 Iomraidhean Croise

1 Tui 11:33

ni ra sa biuti au ko ira, ka soro vei Asetoreci na nodra kalouyalewa na kai Saitoni, kei Kimosi na nodra kalou na Moapi, kei Milikomi na nodra kalou na luve i Amoni; a ra sa sega ni muria na noqu sala, me ra cakava na ka e dodonu vei au, kei na noqu i lesilesi, kei na noqu lewa, me vakataki Tevita na tamana.

2 Tui 16:3

A sa muria ga na nodra i valavala na tui Isireli; ia sa vakacabora na luvena e loma ni bukawaqa, me vaka na ka vakasisila ni veimatanitu ka vakaseva ko Jiova e matadra na Isireli.

2 Tui 18:12

ka ni ra sa sega ni vakarorogo ki na vosa i Jiova na nodra Kalou, ka vakacataka na nona veiyalayalati, io na ka kecega sa vakarota ko Mosese nai talatala i Jiova, ka ra sega ni via rogoca se cakava.

2 Tui 21:2

A sa daucaka ca ko koya e na mata i Jiova, me vaka na nodra ka vakasisila na veimatanitu ka vakaseva tani ko Jiova e matadra na Isireli.

2 Tui 21:22

a sa biuti Jiova na nodra Kalou na nona qase, ka sega ni lako e na sala i Jiova.

2 Tui 21:9

A ra sa sega ga ni vakarorogo: a sa vakacalai ira ko Manasa me ra cakava na ka ca e levu, ka lailai na ka ca era a cakava na veimatanitu ka vakarusa ko Jiova e matadra na Isireli.

2 Veigauna 13:9

Dou sa sega li ni biuti ira tani na bete i Jiova, ko ira na luve i Eroni, kei ira na Livai, ka lesia na nomudou bete me vaka na veimatanitu ni veivanua? sa yaco me bete vei ira era sa sega ni kalou, ko ira yadua sa la'ki kauta e dua na luve ni pulumokau, ka vitu na sipi tagane, me vakatabui koya kina.

2 Veigauna 28:3

Sa vakama talega na ka boi vinaka e na buca ni luve i Inomi, ka vakamai ira na luvena e na bukawaqa, me vaka na nodra i valavala velavela na veimatanitu tani, o ira ka vakaseva ko Jiova e matadra na Isireli.

2 Veigauna 36:14

Ka ra sa caka cala vakalevu ko ira kecega sa liu vei ira na bete, kei ira na tamata, me vaka nai valavala vakasisila ni veimatanitu tani; a ra sa vakavelavelataka na vale i Jiova ka vakatabuya ko koya mai Jerusalemi.

Esera 9:7

Mai na gauna ni neimami qase, keimami sa talaidredre vakalevu ka yacova na siga oqo; ia e na vuku ni neimami caka cala, keimami sa soli oti yani ki na ligadra na tui ni veivanua, koi keimami kei ira na neimami tui kei ira na neimami bete, ki nai seleiwau, ki na veivakabobulataki, kei na veivakacacani, kei na veivakamaduataki, me vaka e na siga oqo.

Niemaia 9:33

Ia koi kemuni, sa dodonu e na ka kecega sa yacovi keimami; ko ni sa caka dodonu, ia keimami sa caka ca ga:

Niemaia 9:34

ka sega ni vakabauta na nomuni vunau ko ira na neimami tui, kei ira na neimami turaga, kei ira na neimami bete, kei ira na neimami qase, se vakarorogo ki na nomuni vakaro kei na nomuni lesilesi, oqori ko ni a tukuna kina na nodra ca.

NA SAME 78:10

Era sega ni vakabauta na veiyalayalati kei na Kalou, Ka ra bese ni muria na nona vunau;

Jeremaia 10:2

sa kaya vakaoqo ko Jiova, Dou kakua ni vulica na nodra i valavala na veimatanitu, ia mo dou kakua talega ni taqaya e nai vakatakilakila ni lomalagi; ni ra sa taqaya kina na veimatanitu.

Jeremaia 6:16

Sa kaya vakaoqo ko Jiova, Dou tu e na sala, ka vakararai, ka taroga nai lakolako makawa, se sa evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lako kina.

Isikeli 11:21

Ia ko ira sa lomadra ga me ra muria na nodra i valavala velavela kei na nodra ka vakasisila ka'u na sauma ga kivei ira, sa kaya na Turaga ko Jiova.

Isikeli 18:8

sa sega ni soli ka me saumi vakatawadodonu kina, ka sa sega ni taura na kenai kere, ka sa tarova na ligana mai na caka cala, ka sa lewa vakadodonu vei ira na tamata,

Isikeli 18:9

sa muria na noqu vunau ko koya, ka sa vakabauta na noqu lewa, me ia na cakacaka dina; sa qai tamata yalododonu ko koya, sa na bula vakaidina ga, sa kaya na Turaga ko Jiova.

Isikeli 20:16

ka ni ra sa beca na noqu lewa, ka ra sega ni muria na noqu vunau, ka ra vakacacana na noqu siga tabu: ia e na lomadra era sa goleva na nodra matakau.

Isikeli 20:21

Ia ka sa talaidredre vei au ko ira na luvedra: ka ra sega ni muria na noqu vunau, ka ra sega ni vakabauta na noqu lewa, me ra cakava, ia ke sa cakava e dua na tamata, ena bula kina; era sa vakacacana talega na noqu siga tabu; au a qai kaya, Au na sovaraka na noqu cudru vei ira, me'u vakayacora na noqu cudru vei ira e na vanua liwa lala.

Isikeli 20:24

ka ni ra sega ni muria na noqu lewa, ka ra sa beca na noqu vunau, ka ra vakacacana na noqu siga tabu, ka sa goleva na matakau ni nodra qase na matadra.

Isikeli 5:6

Ia sa vorata vakalevu ko koya na noqu lewa ka ni uasivi cake e na ca ka sa uasivi sobu na veimatanitu, sa vorata vakalevu talega na noqu i lesilesi ko koya, ka vakalailai na veivanua sa vakavolivoliti koya: ni ra sa biuta na noqu lewa, ka ra sa sega ni muria na noqu i lesilesi.

Isikeli 8:10

Au a qai curu kina ka vakaraica; ka'u sa kunea na yavusa manumanu kece sa dauqasi voli, kei na manumanu yavai va vakasisila, kei na nodra matakau kece na mataqali i Isireli, sa volai tu e na lalaga taucoko:

Isikeli 8:14

Sa qai kauti au ko koya ki na matamata-ni-koro ni vale i Jiova sa donuya na mata ni tokalau; ka raica, era sa tiko maikea eso na yalewa era tagicaki Tamusi.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Taniela 9:10

keimami a sega talega ni vakarorogo ki na domo i Jiova na neimami Kalou, me keimami muria na nona vunau, sa tauca vei keimami e na gusudra na nonai talatala na parofita.

Vunau ni Soro 18:3

Mo dou kakua ni muria nai valavala ni vanua ko Ijipita, dou a tiko kina: kei nai valavala ni vanua ko Kenani, ka'u sa kauti kemudou kina, mo dou kakua ni muria; ia mo dou kakua ni muria na nodra vunau.

Vunau ni Soro 26:40

Ka ra na vakatusa na nodra i valavala ca, kei nai valavala ca ni nodra qase, kei na nodra caka cala era sa kitaka vei au, ka ni ra sai valavala vakatani vei au;