Isikeli 11:1 - Vakavakadewa Makawa

¹ A sa laveti au cake na yalo, ka kauti au ki na matamata-ni-koro ni vale i Jiova ki na isiti, o koya sa donuya na tu-i-cake: ka raica, sa tu mai na matamata-ni-koro e lewe ruasagavulu ka lima na tamata; ia ka'u a raica e dua vei ira ko Jeesanaia na luve i Asuri, kei Pilataia na luve i Pinaia, erau sa turaga vei ira na tamata.

Ai Vola Tabu (Vakadewa Makawa Vakavoutaki 2021)

¹ A sa laveti au cake na yalo, ka kauti au ki na matamata-ni-koro ni vale i Jiova ki na tokalau, o koya sa donuya na tokalau. Ka raica, sa tu mai na matamata-ni-koro e lewe ruasagavulu ka lima na tamata; ia ka'u a raica e dua vei ira ko Jeesanaia na luve i Asuri, kei Pilataia na luve i Penaia, erau sa turaga vei ira na tamata.

AI VOLA TABU

¹ A SA laveti au cake na Yalo, ka kauti au ki na matamata-ni-koro ni vale i Jiova ki cake, o koya sa donuya na tu i cake: ka raica mai na matamata-ni-koro era lewe ruasagavulu ka lima na tamata; ia e na kedra maliwa kaʼu a raici Yeesaniya na luve i Asuri, kei Pilatiya na luve i Pinaya, erau sa turaga ni mataqali.

Vakavakadewa Vou kei na iVola tale eso

¹ A sa laveti au cake na Yalo ni Kalou ka kauti au ki na matamata vaka ki na tokalau ni Valenisoro i Jiova. Au a qai raica ni ra sa tu mai na matamata ni koro e lewe ruasagavulu kalima na tamata, ka tiko vata kei ira o Jesenaia na luve i Asuri kei Pelataia na luve i Penaia, e rua na vakailesilesi liu ni matanitu.

Ai Vola Tabu Ena Vakavakadewa Vou

¹ A sa laveti au cake na Yalo ni Kalou ka kauti au ki na matamata vaka ki na tokalau ni Valenisoro i Jiova. Au a qai raica ni ra sa tu mai na matamata ni koro e lewe ruasagavulu kalima na tamata, ka tiko vata kei ira o Jesenaia na luve i Asuri kei Pelataia na luve i Penaia, e rua na vakailesilesi liu ni matanitu.

Isikeli 11:1 Iomraidhean Croise

1 Tui 18:12

Ia ni'u sa lako tani vei iko, ena kauti iko tani na yalo i Jiova, ia ka'u na sega ni kila se ko sa kau kivei; ia ni'u sa lako ka tukuna vei Eapi, ka sega ni kunei iko ko koya, ena qai vakamatei au: ia koi au na nomu tamata, au sa rerevaki Jiova ni'u sa cauravou, ka yacova na gauna oqo.

2 Tui 2:16

A ra sa kaya vua, Raica, sa tiko kei keitou na nomu tamata e le limasagavulu na tamata kaukauwa; me ra lako mada, ka vakasaqarai koya na nomu turaga: de kauti koya cake beka na Yalo i Jiova, ka biuti koya ki na dua na ulu-ni-vanua, se ki na dua na kikilo. A sa kaya ko koya, Dou kakua ga ni talaki.

2 Tui 25:23

Ia ko ira kecega na turaga ni veimataivalu, ko ira kei ira na nodra tamata, ni ra sa rogoca sa lesi Kitalaia me turaga ko tui Papiloni, era sa lako mai kivei Kitalaia ki Misipa, io ko Isimeli na luve i Necanaia, kei Joenani na luve i Karia, kei Siraia na luve i Tanumeci na kai Nitofa, kei Jeesanaia na luvena e dua na kai Meeka, io ko iratou kei ira na nodratou tamata.

Aisea 1:10

Dou rogoca na vosa i Jiova, koi kemudou ka daulewai Sotoma; dou vakatu daliga ki na vunau ni noda Kalou, koi kemudou na kai Komora.

Aisea 1:23

Ko ira na nomu turaga era sa dautalaidredre, a ra sa nodra i tokani na daubutako: era dui dauvinakata nai solisoli, ka daugu me saumi: Era sa sega ni ia na veilewai dodonu, e na vuku ni luveniyali, kei na kena lewa e na vuku ni yada sa sega ni yaco kivei ira.

Isikeli 10:19

A ratou sa vakatetaba ko iratou na jerupi, a sa vuka cake tani e vuravura e mataqu: ni ratou sa lako yani, sa lako vata kei iratou na yava ni qiqi, ka ratou sa la'ki tu ki na matamata-ni-koro ni vale i Jiova vaka ki na tu-i-cake; ia nai ukuuku ni Kalou i Isireli sa donui iratou maicake.

Isikeli 10:22

Ia nai tovo ni matadratou, sai koya ga ka'u a raica mai na uciwai ko Kipa, na kedratou i rairai talega kei iratou dina: eratou sa dui lako vakadodonu ga ki liu.

Isikeli 11:13

Ia ni'u sa parofisai tiko, sa qai ciba ko Pilataia na luve i Pinaia. Au sa qai bale vakatoboicu, ka tagi vakadomoilevu, ka kaya, Isa le, noqu Turaga Jiova! ko ni na qai vakaotia sara na kedra vo na Isireli?

Isikeli 11:24

Ia na yalo, sa qai laveti au cake, ka kauti au ki Kalitia, vei ira na bobula, e na raivotu e na Yalo ni Kalou. Ka sa lako cake tani vei au na raivotu ka'u a raica.

Isikeli 22:27

O ira na kena turaga era sa vaka na wolifa e dresulaka na kedra, me ra vakadavea na dra, me vakarusa na yalo, me ia na veikoveraki.

Isikeli 3:12

Sa qai laveti au cake na yalo, ia ka'u sa rogoca mai dakuqu e dua na rorogo levu, sa kaya, Me vakavinavinakataki nai ukuuku i Jiova mai na nona yasana.

Isikeli 3:14

Ia na yalo, sa laveti au cake, ka kauti au yani, ia ka'u sa lako ka rarawa tu ka katakata na yaloqu; ia na liga i Jiova sa tiko vakaukauwa ga vei au.

Isikeli 37:1

Sa tiko vei au na liga i Jiova, ka sa kauti au yani e na Yalo i Jiova, ka vakatikori au e na loma ni dua na buca sa sinai tu e na sui,

Isikeli 40:6

Sa qai lako mai ko koya ki na matamata-ni-koro sa qara donu vaka ki na tu-i-cake, ka sa cabeta na kenai kabakaba, ka vakarauta e dua nai lago ni matamata-ni-koro, a sa dua ga na gasau na kena raraba; kei na lago kadua, a sa dua ga na gasau na kena raraba.

Isikeli 41:1

Sa qai kauti au ko koya ki na vale tabu, ka sa vakarauta na duru, ka sa dui ono na kiupiti na kena raraba ki na tabana e dua, ka dui ono na kiupiti na kena raraba ki na tabana ka dua, na kena raraba ni vale tabu sa vaka kina.

Isikeli 8:16

A sa kauti au ko koya ki na lomanibai e loma ni vale i Jiova, ka raica, sa tiko mai na mata ni vale i Jiova, e na tadrua ni curucuru kei nai cabocabo-ni-soro, e lewe ruasagavulu ka lima beka na tagane, era sa vakanadaku ki na vale i Jiova, ka vakanamata ki na tu-i-cake; a ra sa cuva ki na mata-ni-siga vaka ki na tu-i-cake.

Isikeli 8:3

A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni tokalau; a sa tu maikina nai tikotiko ni matakau i na Vuvu, sa vakatubura na veivakavuvutaki.

Osea 5:10

O ira na turaga ni Juta era sa vakataki ira era kisira nai yalayala: ia ka'u na sovaraka na noqu cudru vei ira me vaka na wai.

Cakacaka 8:39

Ia ni rau sa cabe cake mai na wai, sa kauti Filipi tani na Yalo ni Turaga, a sa sega ni raica tale na matanivanua: a sa lako e nona sala ko koya ka reki tiko.

Vakatakila 1:10

Keirau a tiko kei na Yalo Tabu e na siga ni Turaga, ia ka'u a rogoca e dakuqu na domo levu, e vaka na davui,