Isikeli 1:4 - Vakavakadewa Makawa

⁴ Ia ka'u sa vakaraica, ka raica, e dua na covulaca sa lako mai na tokalau, ka dua na o levu, ka dua na bukawaqa sa veitaravi na kena yameyame, ka sa caudre vakavolivolita, ka sa vaka na parasa matavinaka ka tu mai na lomana, mai na loma ni bukawaqa.

Ai Vola Tabu (Vakadewa Makawa Vakavoutaki 2021)

⁴ Ia ka'u sa vakaraica, ka raica, e dua na covulaca sa lako mai na vualiku, ka dua na o levu, ka dua na bukawaqa sa veitaravi na kena yameyame, ka sa caudre vakavolivolita, ka sa vaka na parasa matavinaka ka tu mai na lomana, mai na loma ni bukawaqa.

AI VOLA TABU

⁴ Ia kaʼu sa vakasarava, ka, raica, e dua na covulaca sa lako mai na tokalau, ka dua na o levu, ka dua na buka waqa sa vei-katikati tu vakai koya, ka sa caudre volita, a sa vaka na parasa matavinaka ka tu mai lomana, mai na loma ni buka.

Vakavakadewa Vou kei na iVola tale eso

⁴ Ia ni'u vakaraica voli, a sa uku mai e dua na vualiku kaukauwa kei na dua na o levu lumilumisa ramase ka tatibi veitarataravi mai kina na livaliva. Ia ena tikina e tatibi tiko kina na livaliva, e koto kina e dua na ka sa vaka na tatalivaliva ni parasa.

Ai Vola Tabu Ena Vakavakadewa Vou

⁴ Ia ni'u vakaraica voli, a sa uku mai e dua na vualiku kaukauwa kei na dua na o levu lumilumisa ramase ka tatibi veitarataravi mai kina na livaliva. Ia ena tikina e tatibi tiko kina na livaliva, e koto kina e dua na ka sa vaka na tatalivaliva ni parasa.

Isikeli 1:4 Iomraidhean Croise

1 Tui 19:11

A sa kaya ko koya, Mo curu yani, ka la'ki tu e na dela ni ulu-ni-vanua e na mata i Jiova. Ka raica, sa lako voli ko Jiova, a sa dua na cagi levu ka kaukauwa sa sea na veiulu-ni-vanua, a sa vorolaka na veiuluvatu e na mata i Jiova; ia sa segai e na cagi ko Jiova: ni sa oti na cagi, sa qai tavuki na vanua; ia sa segai e na tavuki ni vanua ko Jiova;

2 Tui 2:11

Ia ni rau sa lako tiko, ka veivosaki, raica, sa dua na qiqi bukawaqa ka so na ose bukawaqa, sa tawasei rau; a sa lako cake ki lomalagi ko Ilaija e na covulaca.

2 Veigauna 5:13

ia ni sa vaka sa le dua ga ko ira sa uvu davui kei ira na dausere, me ra domo vata ga, ka rogo vata e na sere, kei na vakavinavinaka vei Jiova; ia ni ra sa tabalaka cake vata na domodra kei na davui, kei na sibali kei na veika domo vinaka, ka sa vakavinavinaka vei Jiova, ka vaka, Sa vinaka ko koya, ni sa tawa mudu na nona loloma; sa qai sinai na vale e na o, io na vale i Jiova,

Jope 38:1

Sa qai vosa mai vei Jope ko Jiova mai na covulaca, ka kaya,

NA SAME 50:3

Ena lako mai na noda Kalou, ena sega ni galu: Ena liutaki koya e dua na bukawaqa sa daukana voli, Ia sa na vakavolivoliti koya e dua na cava rerevaki.

Lako Yani 9:24

A sa tau vata mai na uca-cevata, kei na bukawaqa, a ka rerevaki sara, sa sega e tautauvata kaya e na vanua ko Ijipita mai na gauna sa matanitu kina.

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Aisea 21:1

Na vosa ni parofisai bibi kei na lekutu ni waitui. Me vaka sa lako sara mai na covulaca mai na ceva; sa lako vakakina na ca mai na lekutu, mai na vanua rerevaki.

Jeremaia 23:19

Raica, na covulaca rerevaki i Jiova sa lako yani, io na covulaca rarawa: ena lutu vakararawa sara ki na uludra na tamata ca:

Jeremaia 25:32

Sa kaya vakaoqo ko Jiova ni lewe vuqa, Raica, na ca ena lako voli yani mai na matanitu ki na matanitu, ia na cava levu ena vakatuburi mai nai yalayala kei vuravura.

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 4:6

Dou vakarewataka na kuila vaka ki Saioni: dou dro, kakua ni berabera: ni'u na vakayacora mai na tokalau, na ka ca kei na veivakarusai levu.

Jeremaia 6:1

Dou dro tani, koi kemudou na Penijamini, mai na loma i Jerusalemi; ia dou uvuca na davui mai Tikoa, ka dou vakaduria na bukawaqa mei vakatakilakila mai Peci-akarimi: ni sa dua na ca sa rairai mai na mata ni tokalau, ka dua na veivakarusai levu.

Isikeli 1:27

Ia ka'u a raica na rokana sa vaka na mata ni parasa matavinaka, ka rairai me vaka na bukawaqa sa volita, mai na ka sa rairai me vaka sa tolona ka lako ki cake, ka mai na ka sa rairai me vaka sa tolona ka lako sobu, ka'u a raica ka sa rairai me vaka sa bukawaqa, ka sa serau tu na kena veitikina.

Isikeli 13:11

Mo kaya vei ira era sa boroya e nai boro ca, Ena bale ga: ena tau bi mai na uca; ia koi kemudou, na uca-cevata ka mata lelevu, dou na tau mai, ka dua na cava levu ena basuraka.

Isikeli 13:13

O koya sa vosa kina vakaoqo na Turaga ko Jiova; Au na basuraka e na cava levu e na noqu cudru: ia ena yaco mai e na noqu lesa na uca tau bi, kei na uca-cevata ka mata lelevu e na noqu cudru levu me kenai vakaoti:

Isikeli 43:3

A sa rairai tautauvata kei na raivotu ka'u a raica, io me tautauvata kei na raivotu ka'u a raica ni'u a lako mai me vakarusa na koro: ia na raivotu oqo sa tautauvata kei na raivotu ka'u a raica mai na uciwai ko Kipa; ia ka'u sa cuva vakatoboicu.

Isikeli 8:2

Au a qai vakaraica, ka raica, sa dua nai vakatakarakara ka rairai me vaka sa bukawaqa: mai na kenai rairai ni tolona ka lako sobu, sa bukawaqa; mai na tolona talega ka lako cake, sa rairai me vaka na rarama, me vaka na parasa matavinaka.

Sakaraia 6:6

Ko ya e loaloa na kena ose sa lako yani ki na vanua mai na tokalau; na ka vulavula talega sa muria; ia na ka veivolavolai sa lako yani ki na vanua ki na mata ni ceva.

Iperiu 12:29

ni sa bukawaqa caucaudre na noda Kalou.

Vakatakila 1:15

ia na yavana sa vaka na parasa makumakualiliva me vaka ni sa vakaririgi e na kuro; a sa vaka na vadugu ni wai e vuqa na domona.