Isikeli 1:13 - Vakavakadewa Makawa

¹³ Ia na kedratou i rairai na ka bula, eratou sa vaka na qilaiso sa waqa tu, ka vaka na veicina sa caucaudre: sa veilakoyaki tu e na kedratou maliwa na ka bula; a sa caudre tu na buka, ka sa tibi na livaliva mai na loma ni bukawaqa.

Ai Vola Tabu (Vakadewa Makawa Vakavoutaki 2021)

¹³ Ia na kedratou i rairai na ka bula, eratou sa vaka na qilaiso sa waqa tu, ka vaka na veicina sa caucaudre ka sa veilakoyaki tu e na kedratou maliwa na ka bula; a sa caudre tu na buka, ka sa tibi na livaliva mai na loma ni bukawaqa.

AI VOLA TABU

¹³ Ia na kedratoui rairai na ka bula, eratou sa raici me vaka na qilaiso ni buka sa waqa tu, ka vaka na cina sa caudre: sa veilakoyaki tu e na kedratou maliwa na ka bula; a sa caudre tu na buka, ia mai na loma ni buka sa tibi mai na livaliva.

Vakavakadewa Vou kei na iVola tale eso

¹³ Ena lomadonu ni kedratou veimama na veika bula, a caudre tiko kina e dua na bukawaqa a veitosoyaki tiko me vaka e dua na cina matanibuka ena kedratou maliwa; a ramase sara na bukawaqa ka tibi mai kina na livaliva.

Ai Vola Tabu Ena Vakavakadewa Vou

¹³ Ena lomadonu ni kedratou veimama na veika bula, a caudre tiko kina e dua na bukawaqa a veitosoyaki tiko me vaka e dua na cina matanibuka ena kedratou maliwa; a ramase sara na bukawaqa ka tibi mai kina na livaliva.

Isikeli 1:13 Iomraidhean Croise

Vakatekivu 15:17

Ia ni sa dromu na mata-ni-siga a sa butobuto, raica, sa dua na miqa sa kubou tu, ka dua na cina sa caudre tiko sa lako e na maliwa ni tiki ni manumanu ko ya.

NA SAME 104:4

O ni sa cakava na nomuni agilose me ra vaka na cagi; Na nomuni talai me yameyame ni bukawaqa.

Isikeli 1:7

Ia sa dodonu na yavadratou; na qeteqete ni yavadratou, sa tautauvata kei na qeteqete ni luve ni pulumokau: a sa cila tu me vaka na parasa sa soloti.

Isikeli 10:2

A sa vosa ko koya vua na tamata sa vakaisulu e na lineni, ka kaya, Mo curu mada ki na maliwa ni yava ni qiqi e ruku ni jerupi, ka yakuta e na ligamu na qilaiso sa waqa tu mai na kedratou maliwa na jerupi, ka duibiubiuta ki na dela ni koro. A sa curu kina ni'u sa raica tiko.

Taniela 7:9

Au a raica tiko ka so nai tikotiko vakaturaga sa qai viritoka, ia sa dua sa ka dede sara na nona bula sa tiko mai, sa vulavula na nonai sulu me vaka na uca vulavula, kei na drau ni uluna sa vaka na vutika ni sipi e savasava: sa nonai tikotiko na yameyame ni bukawaqa, ia na yavana sa vaka na bukawaqa.

Maciu 28:3

A sa vaka na liva na matana, a sa vulavula na nonai sulu me vaka na uca-vulavula.

2 Cesalonaika 1:7

ia vei kemudou talega sa vakararawataki, me vakacegui vata kei keitou, ni na vakaraitaki mai lomalagi na Turaga ko Jisu kei ira vata kaya na nona agilose kaukauwa,

Vakatakila 10:1

Ia ka'u a raica e dua tale na agilose kaukauwa sa lako sobu mai lomalagi, sa vakaisulu e na o: a sa vakaisala e na drodrolagi, sa vaka na mata-ni-siga na matana, a sa vaka na duru bukawaqa na yavana;

Vakatakila 18:1

Sa oti na veika oqo, ka'u a raica e dua tani tale na agilose sa lako sobu mai lomalagi, sa levu na nona kaukauwa; a sa rarama ko vuravura e na nonai ukuuku.

Vakatakila 4:5

A sa lako mai nai tikotiko-vakaturaga na livaliva kei na kurukuru kei na vosa; a sa vitu na cina ni buka sa caudre tiko e na mata ni tikotiko-vakaturaga, o ira oqo na Yalo ni Kalou eratou lewe vitu.