Isikeli 1:1 - Vakavakadewa Makawa

¹ E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

Ai Vola Tabu (Vakadewa Makawa Vakavoutaki 2021)

¹ E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

AI VOLA TABU

¹ A SA yaco e nai katolusagavulu ni yabaki, e nai kava ni vula, e nai kalima ni siga ni vula, niʼu sa tiko kei ira na bobula mai na uciwai ko Kipari, sa qai wase rua mai na lomalagi, ia kaʼu sa raica na raivotu ni Kalou.

Vakavakadewa Vou kei na iVola tale eso

¹ Ena i kalima ni siga ni i kava ni vula ena i katolusagavulu ni yabaki, ni'u a tiko kei ira na bobula mai na Uciwai o Kipa, a qai tadola na lomalagi, ka'u a raica na raivotu ni Kalou.

Ai Vola Tabu Ena Vakavakadewa Vou

¹ Ena i kalima ni siga ni i kava ni vula ena i katolusagavulu ni yabaki, ni'u a tiko kei ira na bobula mai na Uciwai o Kipa, a qai tadola na lomalagi, ka'u a raica na raivotu ni Kalou.

Isikeli 1:1 Iomraidhean Croise

Vakatekivu 15:1

Sa oti na ka oqori sa vosa vei Eparama ko Jiova e na rai votu, ka kaya, Mo kakua ni rere, Eparama: koi au na nomu i sasabai, ia na kemui sau ena ka levu sara.

Vakatekivu 46:2

A sa vosa vei Isireli na Kalou, e na raivotu e na bogi, ka kaya, I Jekope, i Jekope! A sa kaya ko koya, Koi au saka oqo.

NA SAME 137:1

Mai na uciwai mai Papiloni, Eda a tiko sobu; io, eda a tagi, Ni da a nanumi Saioni.

Lako Yani 24:10

a ra sa raica na Kalou nei Isireli; ia sa koto e ruku ni yavana na ka sa vaka na raravatu, ia na kena vatu na safaia, a sa vaka dina na lomalagi na kena mamare.

Aisea 1:1

A raivotu i Aisea na luve i Emosi, ka raica ko koya ka sa baleti Juta kei Jerusalemi e na gauna i Usaia, kei Jocame, kei Easi, kei Esekaia, ko iratou na tui Juta.

Aisea 6:1

E na yabaki sa mate kina ko Usaia na tui ka'u a raica na Turaga ni sa tiko e nai tikotiko vakaturaga, sa cecere ka toka sara ki cake, a sa robota na vale ni soro na nonai tini yara.

Jeremaia 29:15

Ni dou sa kaya, Sa vakatubura vei keimami ko Jiova eso na parofita mai Papiloni:

Isikeli 1:3

sa qai yaco sara mai na vosa i Jiova vei Isikeli na bete, na luve i Pusi, e na nodra vanua na kai Kalitia mai na uciwai ko Kipa; a sa tiko vua maikea na liga i Jiova.

Isikeli 10:1

Au a qai vakaraica, ka kunea mai na maliwa e cake e na uludratou na jerupi sa dua na ka e votu mai ka vaka na vatu safaia, ka rairai me vaka nai vakatakarakara ni tikotiko vakaturaga.

Isikeli 10:10

Ia na kedratou i rairai, sa tautauvata vava, ka sa vaka e tu e dua na yava ni qiqi e na veimama ni dua na yava ni qiqi.

Isikeli 10:15

A ratou sa laveti cake na jerupi. Oqo na ka bula ka'u a raica mai na uciwai ko Kipa.

Isikeli 10:20

Oqo na ka bula ka'u a raica e ruku ni Kalou ni Isireli mai na uciwai ko Kipa; ia ka'u a kila ni sai iratou oqo na jerupi.

Isikeli 10:22

Ia nai tovo ni matadratou, sai koya ga ka'u a raica mai na uciwai ko Kipa, na kedratou i rairai talega kei iratou dina: eratou sa dui lako vakadodonu ga ki liu.

Isikeli 11:24

Ia na yalo, sa qai laveti au cake, ka kauti au ki Kalitia, vei ira na bobula, e na raivotu e na Yalo ni Kalou. Ka sa lako cake tani vei au na raivotu ka'u a raica.

Isikeli 3:15

Au a qai yaco vei ira era bobula mai Teli-apipi, era tiko mai na uciwai ko Kipa, ia ka'u a tiko e na yasana era sa tiko kina, ka'u a tiko maikea ka bogi vitu ia ka'u sa kidacala tiko e na kedra maliwa.

Isikeli 3:23

Au sa qai cavu tu, ka lako yani ki na buca: ka raica, sa tu maikina nai ukuuku i Jiova, me vaka nai ukuuku ka'u a raica mai na uciwai ko Kipa: ia ka'u sa bale vakatoboicu.

Isikeli 40:2

E na raivotu ni Kalou sa kauti au mai ki na nodra vanua na Isireli, ka vakatikori au ki na dua na dela ni ulu-ni-vanua cecere sara, ka sa vaka e tu maikina e dua na koro sa tara rawa tu ki na mata ni ceva.

Isikeli 43:3

A sa rairai tautauvata kei na raivotu ka'u a raica, io me tautauvata kei na raivotu ka'u a raica ni'u a lako mai me vakarusa na koro: ia na raivotu oqo sa tautauvata kei na raivotu ka'u a raica mai na uciwai ko Kipa; ia ka'u sa cuva vakatoboicu.

Isikeli 8:3

A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni tokalau; a sa tu maikina nai tikotiko ni matakau i na Vuvu, sa vakatubura na veivakavuvutaki.

Osea 12:10

Au a vosa talega e na gusudra na parofita; ia, ka'u a vakalevutaka na raivotu, e na gusudra talega na parofita ka'u a ia na vosa vakatautauvata.

Joeli 2:28

Ia ena yaco e na gauna maimuri, ka'u na sovaraka na Yaloqu kivei ira na tamata kecega, ka ra na parofisai kina ko ira na nomudou gonetagane kei ira na nomudou goneyalewa, ko ira na nomudou qase era na tadrataka eso na tadra, ko ira na nomudou cauravou era na raica eso na raivotu:

Tiko mai na Lekutu 12:6

A sa kaya ko koya, Drau rogoca mada na noqu vosa: Kevaka sa tiko kei kemudou e dua na parofita, oi au ko Jiova, au na vakatakilai au vua e na raivotu, au na vosa vua e na tadra:

Tiko mai na Lekutu 4:3

ko ira era sa yabaki tolusagavulu, ka toro cake me yacovi ira sa yabaki limasagavulu, o ira kece era sa yaga e na cakacaka ni vale ni veitavaki.

Maciu 17:9

Ia ni ratou sa lako sobu tiko mai na ulu-ni-vanua, sa vakarota vei iratou ko Jisu, ka kaya, Kakua ni tukuna vua e dua na veika sa rairai, ka malua me tu cake tale mai na mate na Luve ni tamata.

Maciu 3:16

Ia ko Jisu, ni sa papitaisotaki oti, sa cabe sara mai na wai: ka raica, sa qai wase rua vua na lomalagi, a sa raica ko koya na Yalo ni Kalou ni sa lako sobu mai me vaka na ruve, ka sa mai ro toka vua:

Marika 1:10

Ia ni sa cabe sara ko koya mai na wai, sa qai raici lomalagi ni sa wase rua, kei na Yalo Tabu ni sa lako sobu vua me vaka na ruve;

Luke 3:21

Ia ni ra sa papitaisotaki tiko na tamata kece, sa papitaisotaki talega ko Jisu; ka ni sa masu tiko, sa wase rua ko lomalagi,

Luke 3:23

A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili,

Joni 1:51

A sa kaya vua ko koya, E dina, e dina, au sa kaya vei kemudou, E na gauna maimuri dou na raici lomalagi ni sa tawase, kei ira na agilose ni Kalou ni ra sa lako cake ka lako sobu vua na Luve ni tamata.

Cakacaka 10:11

sa raici lomalagi sa tawase rua, a sa dua na ka sa lako sobu mai vua, sa vaka nai tutuvi levu sa buki na tutuna vava, a sa tukuci sobu mai ki vuravura;

Cakacaka 10:3

Sa raica ko koya e na raivotu, e nai kaciwa ni aua, e dua na agilose ni Kalou ni sa curu vua, a sa kaya vua, I Konilio.

Cakacaka 7:56

a sa kaya, Raica, au sa qai kunea sa wase rua na lomalagi, ka sa wavu tu na Luve ni tamata e na liga i matau ni Kalou.

2 Korinica 12:1

E dina ga meu vakalevulevui au ia sa sega beka ni yaga: ia kau na cavuta na veiraivotu kei na veivakarairai ni Turaga.

Vakatakila 19:11

Ia ka'u a raici lomalagi ni sa dola tu, ka raica sa dua na ose vulavula; o koya sa vodo kina sa vakatokai ko Dodonu ka Dina, a sa lewa vakadodonu ko koya ka kitaka nai valu.

Vakatakila 4:1

Sa oti oqo ka'u sa qai raica tale, ka raica, sa dola e dua na katuba mai lomalagi: ia na vosa taumada ka'u a rogoca sa vaka sa vosa vei au na davui; ka kaya, Lako cake mai ki ke, au na vakatakila vei iko na ka ena yaco e na gauna maimuri.