Iperiu 9:4 - Vakavakadewa Makawa

⁴ sa tu kina na miqa koula, kei na kato ni veiyalayalati sa botani na yasana kece e na koula, sa tu kina na bilo koula sa tawa e na mana, kei nai titoko talega i Eroni o koya sa kubu, kei na vatu raraba ni veiyalayalati;

Ai Vola Tabu (Vakadewa Makawa Vakavoutaki 2021)

⁴ sa tu kina na miqa koula, kei na kato ni veiyalayalati sa botani na yasana kece e na koula, sa tu kina na bilo koula sa tawa e na mana, kei nai titoko talega i Eroni o koya sa kubu, kei na vatu raraba ni veiyalayalati;

AI VOLA TABU

⁴ sa tu kina na miqa koula, kei na kato ni veiyalayalati sa ubi na yasana kece e na koula, sa tu kina na bilo koula sa tawa e na mana, kei nai titoko talega i Eroni o koya sa kubu, kei na vatu raraba ni veiyalayalati;

Vakavakadewa Vou kei na iVola tale eso

⁴ Sa tu kina na miqa koula ka i cabocabo ni veika boi vinaka kei na Kato ni Veiyalayalati sa bonoti wavoki ena koula, ka sa tiko e loma e dua na sedre koula lailai ka tu kina na mana, kei na i titoko i Eroni ka sa yaco me vakadrauna, kei na vatu raraba e rua sa volai kina na veiyalayalati.

Ai Vola Tabu Ena Vakavakadewa Vou

⁴ Sa tu kina na miqa koula ka i cabocabo ni veika boi vinaka kei na Kato ni Veiyalayalati sa bonoti wavoki ena koula, ka sa tiko e loma e dua na sedre koula lailai ka tu kina na mana, kei na i titoko i Eroni ka sa yaco me vakadrauna, kei na vatu raraba e rua sa volai kina na veiyalayalati.

Iperiu 9:4 Iomraidhean Croise

1 Tui 7:50

kei na bilo, kei nai koti-ni-cina, kei na peseni me kau kina na dra me kureitaki, kei nai taki, kei na miqa ni ka boi vinaka, e na koula dina; kei nai ruberube ni sogo ni vale eloma, na tikina tabu sara, io mei sogo ni vale, ko ya na vale ni soro, e na koula.

1 Tui 8:21

Au sa cakava talega maikea na tikina me tu kina na kato, sa tu kina na veiyalayalati i Jiova, ka cakava ko koya kei ira na noda qase, ni sa kauti ira tani mai na vanua ko Ijipita.

1 Tui 8:9

Sa sega na ka e loma ni kato, na vatu raraba ga ruarua ka viria kina ko Mosese mai Orepi, ni sa veiyalayalati ko Jiova kei ira na Isireli, ni ra sa lako tani mai na vanua ko Ijipita.

2 Veigauna 5:10

Sa sega na ka eloma ni kato, na vatu raraba ruarua ga ka tugana kina ko Mosese mai Orepi, ni sa veiyalayalati ko Jiova kei ira na Isireli, ni ra sa lako tani mai na vanua ko Ijipita.

Lako Yani 26:33

Ia mo vakarubeca nai lati e ruku ni veiqila, mo qai vakacuruma kina ki loma ni lati na kato ni vunau: ia nai lati ena wasea vei kemudou na tikina tabu mai na tikina tabu sara.

Lako Yani 31:18

Ia ni sa tinia na nona vosa vei Mosese mai na dela ni ulu-ni-vanua ko Saineai, sa qai solia vua e rua na vatu ni vunau, a vatu raraba, sa volai e nai qaqalo ni liga ni Kalou.

Lako Yani 32:15

A sa vuki ko Mosese, ka lako sobu mai na ulu-ni-vanua, a sa taura tiko e ligana na vatu raraba ruarua ni vunau: na vatu raraba sa volai e na yasana ruarua, sa volai e na dua na yasana kei na kenai karua.

Lako Yani 34:29

Ia, ni sa siro sobu ko Mosese mai na ulu-ni-vanua ko Saineai, a sa taura ko Mosese na vatu raraba ruarua ni vunau, ni sa siro sobu mai na ulu-ni-vanua ko koya, sa sega ni kila ko Mosese ni sa serau na kuli ni matana ni rau sa veivosaki kaya ko Koya.

Lako Yani 37:25

A sa cakava ko koya nai cabocabo ni ka boi vinaka me vakamai e na kau sitimi: e dua na kiupiti na kena balavu, ka dua na kiupiti na kena raraba; sa takiveilevu e na yasana vava, a sa rua na kiupiti na kena cecere; me dua ga na kena kau kei na tutuna sa balavu cake.

Lako Yani 39:35

na kato ni vunau, kei na kenai vua, kei nai cabocabo-ni-bulubulu,

Lako Yani 40:3

Ia mo kauta kina na kato ni vunau, ka tabonaka na kato e nai lati.

Vunau ni Soro 16:12

me qai kauta ko koya na miqa sa sinai e na qilaiso ni bukawaqa, mai nai cabocabo-ni-soro sa tu e na mata i Jiova, ka yakuta vakarua na kau boi vinaka me vakamai sa vuruvuru me matai lalai, ka kauta ki loma ni lati:

Tiko mai na Lekutu 17:10

A sa kaya vei Mosese ko Jiova, Mo kauta tale nai titoko i Eroni ki na mata ni kato ni vunau, me maroroi tu mei vakatakilakila vei ira na tamata dautalaidredre; mo muduka laivi kina vei au na nodra didi, me ra kakua ni mate kina.

Tiko mai na Lekutu 17:5

Ia ena kubu mai nai titoko ni tamata ka'u sa digitaka: ia ka'u na vakaotia me kua ni rogo tiko vei au na nodra didi na Isireli, era didivaki kemudrau kina.

Tiko mai na Lekutu 17:8

Ia e na mataka sa curu ki na vale ni vunau ko Mosese; ka raica sa kubu tu nai titoko i Eroni, e na vuku ni mataqali i Livai, a sa kubu tiko, ka seraka na sena, ka vuataka eso na amodi sa matua.

Vakarua 9:11

Ia ni sa oti na siga e vasagavulu kei na bogi e vasagavulu, sa qai solia vei au ko Jiova na vatu raraba ruarua ko ya, io na vatu raraba ni veiyalayalati.

Vakarua 9:9

Ni ka'u a cabe ki na ulu-ni-vanua me'u taura na vatu raraba, io na vatu raraba ni veiyalayalati sa ia kei kemuni ko Jiova, au a qai tiko e na ulu-ni-vanua ka siga vasagavulu ka bogi vasagavulu; au a sega ni kana madrai, se gunu wai:

Vakatakila 11:19

A sa dola na vale-ni-lotu ni Kalou mai lomalagi, a sa rairai e na nona vale na kato ni vola ni veiyalayalati: a sa qai muri na livaliva, kei na vosa, kei na kurukuru, kei na tavuki ni vanua, kei na uca-cevata levu.

Vakatakila 8:3

A sa dua tani tale na agilose sa lako mai ka laki tu e na mata ni cabocabo-ni-soro, a sa taura na miqa koula; a sa soli vakalevu vua na ka boivinaka, me cabora vata kei na masumasu ni tamata yalosavasava kecega e nai cabocabo-ni-soro koula sa tu e na mata ni tikotiko-vakaturaga.