Iperiu 8:9 - Vakavakadewa Makawa

⁹ Ena sega ni vaka na veiyalayalati ka'u a cakava vei ira na nodra qase E na siga ka'u a taura kina na ligadra me tuberi ira mai na vanua ko Ijipita; Ni ra sa sega ni tu dei e na noqu veiyalayalati, A sa kaya kina ko Jiova, ka'u a sega ni maroroi ira.

Ai Vola Tabu (Vakadewa Makawa Vakavoutaki 2021)

⁹ ena sega ni vaka na veiyalayalati ka'u a cakava vei ira na nodra qase e na siga ka'u a taura kina na ligadra me tuberi ira mai na vanua ko Ijipita; ni ra sa sega ni tudei e na noqu veiyalayalati, ka'u a sega ni maroroi ira, a sa kaya ko Jiova.

AI VOLA TABU

⁹ ena sega ni vaka na veiyalayalati kaʼu a cakava vei ira na nodra qase e na siga kaʼu a taura kina na ligadra me tuberi ira mai na vanua ko Ijipita; ni ra sa sega ni tu dei e na noqu veiyalayalati, a sa kaya kina ko Jiova, au sa sega ni maroroi ira.

Vakavakadewa Vou kei na iVola tale eso

⁹ Ena sega ni vaka na veiyalayalati ka'u a cakava kei ira na nodra qase Ena siga ka'u a taura kina na ligadra me'u tuberi ira tani mai na vanua o Ijipita. Era a sega ni yalodina ki na noqu veiyalayalati kei ira, Ka'u a sega ni kauwaitaki ira kina.

Ai Vola Tabu Ena Vakavakadewa Vou

⁹ Ena sega ni vaka na veiyalayalati ka'u a cakava kei ira na nodra qase Ena siga ka'u a taura kina na ligadra me'u tuberi ira tani mai na vanua o Ijipita. Era a sega ni yalodina ki na noqu veiyalayalati kei ira, Ka'u a sega ni kauwaitaki ira kina.

Iperiu 8:9 Iomraidhean Croise

Vakatekivu 19:16

Ia ni sa vakaberabera ko koya, erau a taura na ligana na tamata, kei na liga i watina, kei na ligadrau na luvena yalewa; ka ni sa lomani koya na Kalou: a rau a kauta yani, ka laiva e nai bili ni koro.

Jope 8:20

Raica, ena sega ni biuta tani na tamata yalododonu na Kalou, Ena sega talega ni vukei ira nai valavala ca:

NA SAME 105:43

A sa kauti ira yani na nona tamata ka ra sa reki, Io na nona digitaki ka ra sa marau;

NA SAME 77:20

O ni a tuberi ira na nomuni tamata me vaka na qele ni sipi. E na liga i Mosese kei Eroni.

NA SAME 78:57

Era sa vuki tani ga, ka cakacaka vakailasu me vaka na nodra qase: A ra sa vakatikitiki tani me vaka na dakai titi e daulasu.

Lako Yani 32:8

era sa lako tani vakatotolo mai na sala ka'u a vakarota vei ira: era sa bulia e dua na nodra luve ni pulumokau sa vakawaicalataki, a ra sa qarava, ka vakacabora kina nai soro, ka kaya, I Isireli, oqo na nomu kalou, sa kauti kemudou cake mai na vanua ko Ijipita.

Lako Yani 34:10

A sa kaya ko koya, Raica, ka'u sa ia na veiyalayalati; au na kitaka na cakacaka mana e na matadra kecega na nomu tamata, sa sega ni caka e vuravura taucoko me tautauvata, se e na dua na matanitu: ia ko ira na tamata kece ko sa tiko e na kedra maliwa, era na raica na cakacaka i Jiova: ni sa ka vakadomobula ka'u na kitaka vei iko.

Sere i Solomoni 8:5

Ko cei sa lako cake mai oqo mai lekutu, Ka sa raviti koya sa lomana? Au a vakayadrati iko mai na ruku ni vu ni moli: Sa vakasucumi iko maikea ko tinamu: Sa taratara maikea ko koya ka vakasucumi iko.

Aisea 40:11

ena vakani ira na nona qele ni sipi me vaka nai vakatawa; ena keveti ira na luve ni sipi e na ligana, ka kauti ira voli e na lomaserena; ko ira era vakasucuma tiko na luvedra ena tubera voli vakamalua ko koya.

Aisea 41:13

ni sai au ko Jiova na nomu Kalou, ka'u na taura na ligamu i matau, ka kaya vei iko, Mo kakua ni rere; ka'u na vukei iko:

Aisea 51:18

Sa sega e dua vei ira kecega na luvena sa vakasucuma me sa tuberi koya; sa sega e dua vei ira kecega na luvena ka susuga, me sa taura na ligana.

Aisea 63:9

e na nodra rarawa kecega sa rarawa kina ko koya, ia na agilose sa tiko e matana sa dauvakabulai ira: ni ra sa yalololoma ko koya, ka daulomani ira, sa dauvakabulai ira kina ko koya: ka sa keveti ira, ka kauti ira e na veisiga kece eliu:

Jeremaia 31:32

ena sega ni vaka na veiyalayalati ka'u a cakava kei ira na nodra qase e na siga ka'u a taura kina na ligadra me'u tuberi ira mai na vanua ko Ijipita; ni ra sa vakacataka na noqu veiyalayalati ko ya, ia koi au ka'u sa watidra ga, sa kaya ko Jiova:

Lele i Jeremaia 4:16

A cudru i Jiova, sa dui tawasei ira; ena sega ni golevi ira tale ko koya: A matadra na bete era sa sega ni doka; ko ira na qase era sa sega ni lomana.

Isikeli 16:59

Ni sa kaya vakaoqo na Turaga ko Jiova; Io ka'u na cakava vei iko me vaka na ka ko sa cakava, ni ko sa beca na bubului ni ko sa vakacacana na veiyalayalati.

Isikeli 16:8

Ia ni'u a lako voli yani ka raici iko, sa qai nomu gauna na gauna mo lomani kina; ia ka'u a tevuka yani vei iko na noqu i tutuvi ka vakaisulutaki iko: io, ka'u a bubului vei iko, ka ia na veiyalayalati kei iko, sa kaya na Turaga ko Jiova, ia ko a yaco mo noqu.

Emosi 5:22

Ni dou vakacabora vei au nai soro kama kei na nomudou i madrali laukana, au na sega ni vakadonuya: ia nai soro ni veivinakati, na nomudou manumanu uro, au na sega ni goleva.

Malakai 2:13

Ia na ka oqo dou sa baci cakava vakarua, ka sa ubia nai cabocabo-ni-soro i Jiova e na wai ni mata, e na tagi, kei na tagi qoqolou, ka sa sega kina ni goleva tiko nai madrali ko koya, se vakadonuya e na yalovinaka mai na ligamudou.

Marika 8:23

A sa taura na liga ni mataboko ko koya, ka tubera ki nai bili ni koro; ia ni sa qai kasivita na matana ruarua, ka tabaka e na ligana, sa taroga se sa raica e dua na ka se segai.

Cakacaka 13:11

ia oqo, raica, sa bikai iko na cudru ni Turaga, ko na mataboko kina, mo sega ni raica rawa na mata-ni-siga me oti mada na siga eso. A sa lutu vakasauri vei koya na kabukabu kei na butobuto; a sa vakayayamo voli ni qara eso me ra tubera.

Cakacaka 7:36

Sa kauti ira yani ko koya, ni sa kitaka oti eso na ka e veivakidacalataki kei nai vakatakilakila e na vanua ko Ijipita, kei na waitui damudamu, kei na veikau, ka yabaki vasagavulu.

Cakacaka 9:8

A sa tu cake mai na soso ko Saula; ia ni sa cereka na matana, sa sega ni raica e dua na ka: a ra sa tuberi koya, ka kauta ki Tamasiko.

Kalatia 4:24

Ia na ka oqo sa vakaibalebale: ni sa veiyalayalati e rua koi rau na yalewa oqo; e dua mai na ulu-ni-vanua ko Saineai, o koya sa vakasucu gone me ra bobula, oqori ko Eka.

Vakarua 29:1

Sa vakaoqo na vosa ni veiyalayalati, sa vakarota vei Mosese ko Jiova me caka kei ira na Isireli e na vanua ko Moapi, me kenai kuri ni veiyalayalati sa cakava kei ira mai Orepi.

Vakarua 29:12

mo ni vauci kina e na veiyalayalati i Jiova na nomuni Kalou: kei na nona bubului, sa cakava vei kemuni edaidai ko Jiova na nomuni Kalou:

Vakarua 29:25

Ena qai kainaki, Ni ra sa biuta na veiyalayalati kei Jiova na Kalou ni nodra qase, sa kitaka kei ira ko koya ni sa kauti ira ko koya mai na vanua ko Ijipita: