Iperiu 8:5 - Vakavakadewa Makawa

⁵ o ira sa kitaka nai vakatakarakara kei na yaloyalo ni veika vakalomalagi, me vaka sa vakatakila vei Mosese na Kalou ni sa voleka ni tara na vale tabu: ka kaya, Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulu-ni-vanua.

Ai Vola Tabu (Vakadewa Makawa Vakavoutaki 2021)

⁵ Era qarava nai tavi ni vakacacabo ka sa vakatakarakara ka i yaloyalo ni kena e vakalomalagi. Oqo me vaka sa vakatakila vei Mosese na Kalou ni sa voleka ni tara na vale tabu, ka kaya, “Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulunivanua.”

AI VOLA TABU

⁵ o ira sa kitaka nai vakatakarakara kei na yaloyalo ni veika vakalomalagi, me vaka sa vakatakila vei Mosese ko na Kalou ni sa voleka ni tara na vale tabu: ka kaya, Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulu-ni-vanua.

Vakavakadewa Vou kei na iVola tale eso

⁵ Na cakacaka era qarava na matabete oqo sai vakatakarakara ka i yaloyalo walega ni veika sa tiko mai lomalagi. Sa vakakina oqo na veika a yaco vei Mosese. Ni gauna sa vakarau tara kina o Mosese na Valelaca Tabu, sa qai vakaroti koya na Kalou, ka kaya, “Qarauna mo cakava na veika kece me vaka na kena i vakarau ka'u a vakatakila vei iko ena ulunivanua.”

Ai Vola Tabu Ena Vakavakadewa Vou

⁵ Na cakacaka era qarava na matabete oqo sai vakatakarakara ka i yaloyalo walega ni veika sa tiko mai lomalagi. Sa vakakina oqo na veika a yaco vei Mosese. Ni gauna sa vakarau tara kina o Mosese na Valelaca Tabu, sa qai vakaroti koya na Kalou, ka kaya, “Qarauna mo cakava na veika kece me vaka na kena i vakarau ka'u a vakatakila vei iko ena ulunivanua.”

Iperiu 8:5 Iomraidhean Croise

1 Veigauna 28:12

kei nai vakatakarakara ni ka kecega sa tukuna vua na yalo, na rara vakabai ni vale i Jiova, kei na veitaba-ni-vale kecega e cake sa volita, kei na veivale ni yau ni vale ni Kalou, kei na veivale ni yau ni ka sa vakatabui:

1 Veigauna 28:19

Sa vakatakila ko Jiova na ka kecega oqo e nai vola, ni sa tiko vei au na ligana, io nai valavala kecega ni vakatakarakara oqo.

Lako Yani 25:40

Ia mo cakava dina sara me vaka na kedrai vakatakarakara ka vakatakilai vei iko mai na ulu-ni-vanua.

Lako Yani 25:9

Me vaka na ka kecega ka'u sa vakatakila vei iko, me vaka nai vakatakarakara ni vale ni kalou, kei nai vakatakarakara ni kenai yaya kecega, dou cakava vakakina.

Lako Yani 26:30

Mo qai vakaduria cake na vale ni kalou me vaka na kenai vakatakarakara ka vakatakilai vei iko e na ulu-ni-vanua.

Lako Yani 27:8

Mo cakava e na veipapa me vakalomalomana: me vaka ka vakaraitaki vei iko e na ulu-ni-vanua, me caka vakakina.

Tiko mai na Lekutu 8:4

Ia nai tutu-ni-cina sa caka e na koula sa lautuki; na tolona, kei na sena, sa tukilaki: me vaka nai vakatakarakara sa vakatakila vei Mosese ko Jiova, sa cakava oti vakakina nai tutu-ni-cina ko koya.

Maciu 2:12

Ia ni sa vakasala vei ira e na tadra na Kalou me ra kakua ni lako tale vei Eroti, era sa lesu tale ki na nodra vanua e na sala tani.

Cakacaka 7:44

Sa tu ga vei ira na noda qase e na veikau na vale ni Kalou sa tu kina na vunau, me vaka sa vosa kina ko koya, ni sa kaya vei Mosese, me cakava me vaka na kenai vakatakarakara sa raica:

Kolosa 2:17

oqori ga nai vakatakarakara ni veika me yaco mai emuri; ia sa nei Karisito na yago.

Iperiu 10:1

Sa tu ga e na vunau nai vakatakarakara ni veika vinaka me na muri mai, ia ka sega ni koya na yaloyalona dina, ka sega talega ni rawa e nai soro era sa cabora tiko e na veiyabaki, me vakasavasavataki ira era toro tiko kina.

Iperiu 11:7

Ni sa vakabauta sa rere kina ko Noa, ni sa vakasalataka oti na Kalou e na vuku ni veika sa bera ni rairai mai, a sa taya e dua na waqa ko koya me vakabulai ira kina na nona lewe-ni-vale; a sa vakalewai ira kina na kai vuravura, ka yaco mei taukei ni veivakadonui sa yaco e na vakabauta.

Iperiu 12:25

Dou raica, mo dou kakua ni bese vua sa vosa. Ia kevaka era a sega ni dro bula ko ira era a bese vua sa vosa e vuravura, ena dredre vakalevu cake vei keda, kevaka eda sa vuki tani mai vua sa vosa mai lomalagi:

Iperiu 13:10

Sa dua na nodai cabocabo-ni-soro, sa sega ni dodonu me kana kina ko ira sa qarava na vale tabu.

Iperiu 9:9

A kenai vakatakarakara walega oqori, ka yacova na gauna oqo, sa vakacabori kina nai madrali kei nai soro, o koya sa sega ni vakasavasavataka rawa na nona lewa-eloma ko koya sa mai lotu;

Josua 22:28

o koya keimami a kaya kina, Ni ra na vosa vei keda, se ki na nodai tabatamata maimuri, eda na qai kaya, Raica nai vakatakarakara ni cabocabo-ni-soro i Jiova, era cakava na neimami qase, me kakua ni cabori kina nai soro kama, se dua nai soro, ia me kenai vakadinadina ga vei keimami kei kemuni.

Vakatakila 15:5

Ia ka oti ka'u sa vakaraica, ka raica, sa dola tu na vale ni tikina tabu ni veiyalayalati mai lomalagi: