Iperiu 8:10 - Vakavakadewa Makawa

¹⁰ A sa kaya ko Jiova, Sa vakaoqo na veiyalayalati ka'u na cakava vei ira na mataqali nei Isireli ni sa oti na gauna ko ya; Au na tugana na noqu vunau ki na lomadra, Ka vola e na yalodra: Ia ka'u na yaco me nodra Kalou, Ia era na yaco me noqu tamata:

Ai Vola Tabu (Vakadewa Makawa Vakavoutaki 2021)

¹⁰ Sa vakaoqo na veiyalayalati ka'u na cakava kei na vale i Isireli ni sa oti na gauna ko ya, sa kaya ko Jiova: Au na tugana na noqu vunau ki na lomadra, ka vola e na yalodra, ia ka'u na yaco me nodra Kalou, ia era na yaco me noqu tamata.

AI VOLA TABU

¹⁰ A sa kaya ko Jiova, Sa vakaoqo na veiyalayalati kaʼu na cakava vei ira na mataqali nei Isireli ni sa oti na gauna ko ya; au na tugana na noqu vunau ki na lomadra, ka vola e na yalodra: ia kaʼu na yaco me nodra Kalou, ia era na yaco me noqu tamata:

Vakavakadewa Vou kei na iVola tale eso

¹⁰ Ia sai koya oqo na veiyalayalati ka'u na cakava kei ira na Isireli Ena veisiga eso na toro voleka mai, sa kaya na Turaga: Au na biuta na noqu lawa ki na lomadra, Ka vola ena vu-ni-yalodra. Ka'u na yaco me'u nodra Kalou, Era na yaco me noqu tamata.

Ai Vola Tabu Ena Vakavakadewa Vou

¹⁰ Ia sai koya oqo na veiyalayalati ka'u na cakava kei ira na Isireli Ena veisiga eso na toro voleka mai, sa kaya na Turaga: Au na biuta na noqu lawa ki na lomadra, Ka vola ena vu-ni-yalodra. Ka'u na yaco me'u nodra Kalou, Era na yaco me noqu tamata.

Iperiu 8:10 Iomraidhean Croise

Lako Yani 24:4

A sa vola na vosa kecega i Jiova ko Mosese, a sa sou e na mataka, ka cakava nai cabocabo-ni-soro e ruku ni ulu-ni-vanua, kei na duru e tinikarua, me vaka nai wiliwili ni veiyavusa i Isireli era tinikarua.

Lako Yani 24:7

A sa taura nai vola ni veiyalayalati, ka wilika ni ra sa rogoca tiko na tamata: a ra sa kaya, A ka kecega sa kaya ko Jiova keimami na cakava, ka talairawarawa.

Lako Yani 34:1

A sa kaya vei Mosese ko Jiova, mo taya e rua na vatu raraba, me vaka na kena eliu: ia ka'u na vola e na vatu raraba na vosa ka tu e na vatu raraba, ko a vorolaka:

Lako Yani 34:27

A sa kaya vei Mosese ko Jiova, Mo vola na vosa oqo; ni ka'u sa ia e dua na veiyalayalati kei iko kei ira na Isireli me vaka na vosa oqo.

Sere i Solomoni 2:16

Sa noqu ko koya ka'u sa lomana, koi au talega au sa nona ga: Sa vakania na nona qele ni sipi e loma ni viavia.

Jeremaia 24:7

ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.

Jeremaia 31:1

Sa kaya talega ko Jiova, e na gauna ko ya, ka'u na qai nodra Kalou na veimataqali kecega ni Isireli, ia era na qai noqu tamata.

Jeremaia 31:33

ia sa vakaoqo na veiyalayalati ka'u na cakava kei ira na mataqali ni Isireli; Ni sa oti na gauna ko ya, sa kaya ko Jiova, ka'u na tugana na noqu vunau ki na lomadra, ka'u na vola talega ki na yalodra: ia ka'u na yaco me'u nodra Kalou, ka ra na yaco ko ira me ra noqu tamata:

Jeremaia 32:38

a ra na yaco me ra noqu tamata, ia, ka'u na yaco me'u nodra Kalou:

Jeremaia 32:40

ka'u na cakava talega kei ira na veiyalayalati e sega ni mudu, me'u kakua ni suka tani vei ira, me'u kua kina ni caka vinaka vei ira; ia ka'u na tugana ga ki na lomadra na rerevaki au, me ra kakua ni vuki tani vei au.

Isikeli 37:27

Ena tu vata talega kei ira na noqu vale: io ka'u na yaco me'u nodra Kalou, ko ira talega era na vakabau me ra noqu tamata.

Isikeli 39:22

Era na qai kila ko ira na mataqali i Isireli ni sai au ko Jiova na nodra Kalou mai na siga ko ya ka ia tiko ki muri.

Osea 1:10

Ia na kedrai wiliwili na Isireli ena vaka na mata ni nuku ni waitui, sa sega ni vakarauti se wili rawa; ia ena yaco, e na yasana ka kainaki kina vei ira, Dou sa sega ni noqu tamata, ena kainaki kina vei ira, Dou sa luve ni Kalou bula.

Osea 2:23

Ia ka'u na kaburaki koya e na vanua me noqu; ka'u na lomani koya sa sega ni lomani; au na kaya talega vei ira era sa sega ni noqu tamata, Koi kemudou sa noqu tamata; ka ra na dui kaya mai, Koi kemuni sa noqu Kalou.

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.

Sakaraia 8:8

ia ka'u na kauti ira mai, ka ra na tiko e loma i Jerusalemi: ka ra na vakabau me noqu tamata, ia koi au, ka'u na nodra Kalou, e na yalodina kei na yalododonu.

Maciu 22:32

Oi au na Kalou i Eparaama, kei na Kalou i Aisake, kei na Kalou i Jekope? a Kalou sa sega ni nodra Kalou era sa mate, sa nodra Kalou ga era sa bula tiko.

Roma 11:27

Ia sa noqu veiyalayalati oqo vei ira, Ni'u sa kauta tani na nodra i valavala ca.

1 Korinica 6:16

E vakaevei? dou sa sega beka ni kila, o koya sa veitau kei na yalewa dautagane erau sa yago e dua bau? ni sa kaya ko koya, Oi rau na lewe rua, erau na yago e dua bau.

2 Korinica 3:3

sa vakaraitaki ga ni dou sai vola i Karisito keitou sa cakava, sa sega ni volai e na wai ni volavola, sa volai ga e na Yalo ni Kalou bula; sa sega ga e na dela ni vatu, ia e na dela ni yalomudou sa malumu.

Vakarua 30:6

Ena ciliva talega na yalomuni ko Jiova na nomuni Kalou, kei na yalodra na nomuni kawa, mo ni lomani Jiova kina na nomuni Kalou e na lomamuni taucoko, kei na yalomuni taucoko, mo ni bula kina.

Vei Taito 2:14

o koya ka soli koya e na vukuda, me voli keda mai nai valavala ca kecega, me vakasavasavataki keda vua me da nona tamata talei, ka lomakatakata e na cakacaka vinaka.

Iperiu 11:16

Ia era sa qai guta sara e dua na vanua sa vinaka cake, ko ya sa vakalomalagi: o koya ga oqo e sega kina ni madua na Kalou me vakatokai me nodra Kalou: ni sa tara ko koya e dua na koro me nodra.

Jemesa 1:18

Sa vakatuburi keda ko koya e na nona lewa ga e na vosa ni dina, me da vaka nai sevu ni veika sa bulia ko koya.

Jemesa 1:21

O koya oqo mo dou qai biuta tani na dukadukali kei na ka ca e uasivi tu, ka vakabauta e na yalomalua na vosa sa tei e na lomamudou, ko ya sa vakabula rawa na yalomudou.

1 Pita 1:23

ni dou sa sucu tale, sa segai e na sila e vuca rawa, oqori ga sa tawa vuca rawa, e na vosa ni Kalou, sa bula ka tu dei ka tawa mudu.

1 Pita 2:9

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki: