Iperiu 7:2 - Vakavakadewa Makawa

² sa solia talega vei koya ko Eparaama nai katini ni ka kecega: (nai balebale ni yacana na Tui ni caka dodonu, a yacana talega emuri na Tui Selemi, a kenai balebale na Tui ni veivakacegui;

Ai Vola Tabu (Vakadewa Makawa Vakavoutaki 2021)

² sa solia talega vei koya ko Eparaama “nai katini ni ka kecega.” Nai balebale ni yacana na “Tui ni caka dodonu”; ka o koya talega na Tui Selemi, a kenai balebale, na Tui ni veivakacegui.

AI VOLA TABU

² sa solia talega vei koya ko Eparaama nai katini ni ka kecega: nai balebale ni yacana na Tui ni caka dodonu, a yacana talega emuri na Tui Salemi, a kenai balebale na Tui ni veivakacegui;

Vakavakadewa Vou kei na iVola tale eso

² E a solia vua o Epara-ama e dua na i katini ni veika kecega ka rawata mai ena i valu. Na i matai ni balebale ni yaca i Melikiseteki na “Tui ni Dodonu.” Ia me vaka ni sa tui talega kei Salemi, sai balebale talega ni yacana na “Tui ni Vakacegu.”

Ai Vola Tabu Ena Vakavakadewa Vou

² E a solia vua o Epara-ama e dua na i katini ni veika kecega ka rawata mai ena i valu. Na i matai ni balebale ni yaca i Melikiseteki na “Tui ni Dodonu.” Ia me vaka ni sa tui talega kei Salemi, sai balebale talega ni yacana na “Tui ni Vakacegu.”

Iperiu 7:2 Iomraidhean Croise

Vakatekivu 28:22

ia na vatu oqo, ka'u sa vakaduria me duru, sa na vale ni Kalou: ia na ka kecega ko sa solia vei au, au na solia vakaidina na kenai katini vei kemuni.

2 Samuela 23:3

Sa kaya ko koya na nodra Kalou na Isireli, Sa kaya vei au na nodra Kaukauwa na Isireli, Ko koya ka lewai ira na tamata vakadodonu, Ka lewa tiko e na rerevaki koya na Kalou;

2 Samuela 8:15

A sa nodra tui na Isireli kecega ko Tevita: a sa kitaka na lewa dodonu ko Tevita vei ira kecega na nona tamata.

1 Veigauna 22:9

raica, ena sucu mai e dua na luvemu tagane, ena tiko vinaka ko koya; ia ka'u na solia vua na vakacegu maivei ira kecega na nona meca e vakavolivolita; ia ena yacana ko Solomoni, ia ka'u na solia na tiko vakacegu kei na sautu kivei ira na Isireli e na nona gauna:

NA SAME 72:7

Ena tubu vinaka mai e na nona gauna ko ira na yalododonu; Kei na sautu levu, ka yacova na gauna e oti kina na vula.

Vunau ni Soro 27:32

Ia na kenai katini ni qele ni pulumokau, se na qele ni sipi, io na ka kecega sa lako e ruku ni titoko, io na kenai katini, sa na tabu me nei Jiova.

Maika 5:5

O koya talega oqo ena vu ni sautu. Ia ni sa mai curuma na noda vanua na kai Asiria, ka butuka na noda veivale vakaturaga, eda na qai vakatura cake me veivala kaya e lewe vitu nai vakatawa, io, e lewe walu na tamata turaga.

Tiko mai na Lekutu 18:21

Ka raica, ka'u sa solia vei ira na mataqali i Livai nai katini ni nodra ka kecega na Isireli me nodra i votavota, mei sau ni cakacaka era kitaka, io na cakacaka ni vale ni veitavaki.

Maciu 1:23

Raica ena bukete e dua na goneyalewa, ka na vakasucuma e dua na gonetagane, Ka na vakayacani ko Imanueli: a kenai balebale, Na Kalou ka tiko vata kei keda.

Luke 2:14

Sa nona na Kalou na vakarokoroko e na veiyasana ecake sara! A sa veivinakati rawa ko ira e vuravura: sa lomani ko ira na tamata.

Roma 3:26

io, me vakatakila e na gauna oqo na nona yalododonu: me sa dodonu ko koya, ka vakadonui koya sa vakabauti Jisu.

Iperiu 7:1

Ia ko Melikiseteki oqo, sa tui Selemi, a bete ni Kalou Cecere sara, sa tavaki Eparaama ni sa tale mai na nona mokuti ira na tui, a sa vosavakalougatataki koya;

Iperiu 7:3

e sega ni tukuni na tamana, se na tinana, se na nona mataqali, sa sega ni vakatekivu na nona gauna, se oti na nona bula; a sa caka me vaka na Luve ni Kalou), a sa tiko ga me bete ka sega ni mudu.

1 Samuela 8:15

Ia ena kauta na kenai katini ni nomuni sore ni kau, kei na nomuni veiwere-ni-vaini, ka solia vei ira na nona matanivanua, kei ira na nona tamata.

1 Samuela 8:17

Ena kauta ko koya nai katini ni nomuni sipi, ia koi kemuni, ena nona tamata.