Iperiu 6:1 - Vakavakadewa Makawa

¹ Sa vakavulici ira me ra tu dei, ka gumatua sara, me ra kakua ni yalowai, ni sa vosa dina sara na Kalou ni sa yalataka na ka vinaka, 9-20. O koya oqo me da qai laiva nai vakatekivu ni vakavuvuli kei Karisito me da toro cake me da matua sara; me da kakua ni tauyavutaka tale e na veivutuni e na vuku ni valavala eda mate kina, e na vakabauta talega na Kalou,

Ai Vola Tabu (Vakadewa Makawa Vakavoutaki 2021)

¹ O koya oqo me da qai laiva nai vakatekivu ni vakavuvuli kei Karisito me da toro cake me da matua sara; me da kakua ni lesuva tale na yavu ni vakabauta: na veivutuni e na vuku ni valavala eda mate kina kei na vakabauta na Kalou,

AI VOLA TABU

¹ E NA vuku ni ka o qo me da qai laiva nai vakatekivu ni vakavuvuli kei Karisito me da lako kiliu ki na ka vaqase; me da kakua ni tauyavutaka tale e na veivutuni e na vuku ni valavala eda mate kina, e na vakabauta talega na Kalou,

Vakavakadewa Vou kei na iVola tale eso

¹ O koya oqo me da toso tikoga ki liu, ki na i vakavuvuli matua ka vakanadakuya na i matai ni lesoni me baleta na vosa ni Kalou. Me da kua tale ni vakalesuva na vulici ni yavu vakalotu me vaka na veivutuni mai na veicakacaka tawayaga eso kei na vakabauta na Kalou;

Ai Vola Tabu Ena Vakavakadewa Vou

¹ O koya oqo me da toso tikoga ki liu, ki na i vakavuvuli matua ka vakanadakuya na i matai ni lesoni me baleta na vosa ni Kalou. Me da kua tale ni vakalesuva na vulici ni yavu vakalotu me vaka na veivutuni mai na veicakacaka tawayaga eso kei na vakabauta na Kalou;

Iperiu 6:1 Iomraidhean Croise

Vosavakaibalebale 4:18

Ia na nodra sala na yalododonu sa vaka na rarama sa cila tu, Sa levu cake tiko na kena rarama ka yacova na siga levu.

Sakaraia 12:10

Au na sovaraka talega ki na mataqali i Tevita, kei na kai Jerusalemi, na yalo sa tubu kina na loloma kei na vakamamasu: ka ra na vakaraici au era sa coka, ka ra na tagicaki koya, me vaka e dua sa tagicaka na luvena e dua bauga, ka ra na rarawa sara e na vukuna, me vaka e dua sa rarawa sara e na vuku ni nona ulumatua.

Maciu 21:29

A sa vosa ko koya, ka kaya, Au sa sega ni vinakata; ia sa qai veivutuni emuri ka lako.

Maciu 21:32

Ni sa lako mai vei kemudou ko Joni e nai valavala ni yalododonu, ia dou sa sega ni vakadinata: Ia ko ira sa kumuna nai vakacavacava kei ira na dautagane, era sa vakadinata: ia koi kemudou, ni dou sa raica, dou sa sega ni veivutuni emuri, mo dou vakadinata.

Maciu 3:2

ka kaya, Dou veivutuni! ni sa voleka na matanitu vakalomalagi.

Maciu 4:17

Mai na gauna ko ya sa vakatekivu kina ko Jisu me dauvunau, ka kaya, Dou veivutuni! ni sa voleka na matanitu vakalomalagi.

Maciu 5:48

O koya mo dou qai vinaka sara, me vaka sa vinaka sara na Tamamudou sa tiko mai lomalagi.

Maciu 7:25

a sa tau mai na uca, ka coka mai na dobui, ka liwa na cagi, ka tabaka na vale ko ya; a sa sega ni bale: ni sa tauyavutaki e na vatu.

Marika 1:1

Ai vakatekivu ni tukutuku-vinaka kei Jisu Karisito, na Luve ni Kalou;

Marika 6:12

A ra sa lako yani, ka dauvunau me veivutuni na tamata.

Luke 6:48

Erau sa tautauvata kei na tamata sa tara e dua na vale, a sa kelivaka titobu, ka tauyavutaka e na dela ni vatu: ia ni sa yaco na waluvu, sa coka vakaukauwa na vale ko ya na dobui, a sa sega ni yavalata rawa: ni sa tauyavutaki e na dela ni vatu.

Joni 12:44

Sa qai kaci ko Jisu, ka kaya, O koya sa vakabauti au, sa sega ni vakabauti au ga, sa vakabauti koya talega sa talai au mai:

Joni 14:1

Me kakua ni rarawa na lomamudou: dou sa vakabauta na Kalou; dou vakabauti au talega.

Joni 5:24

E dina, e dina, au sa kaya vei kemudou, O koya sa rogoca na noqu vosa, ka vakabauti koya sa talai au mai, sa rawata na bula tawa mudu, ena sega talega ni cudruvi; ka sa lako mai na mate ki na bula.

Cakacaka 11:18

Ia ni ra sa rogoca na veika oqo, era sa galu ga, a ra sa vakarokorokotaka na Kalou, ka kaya, Sa dina sa qai solia na Kalou vei ira talega na veimatanitu tani na veivutuni me ra bula.

Cakacaka 17:30

Ia na gauna ni lialia sa vosota oti na Kalou; a sa vakarota e na gauna edaidai vei ira na tamata kecega e na veivanua kecega me ra veivutuni;

Cakacaka 2:38

Sa qai kaya vei ira ko Pita, Dou veivutuni, ka papitaisotaki, koi kemudou yadua, e na yaca i Jisu Karisito, me bokoci kina na nomudoui valavala ca, ka dou na rawata na Yalo Tabu mei solisoli.

Cakacaka 20:21

ni’u a vakarota tiko kivei ira na Jiu, vei ira talega na veimatanitu tani, na veivutuni vua na Kalou, kei na vakabauta na noda Turaga ko Jisu Karisito.

Cakacaka 26:20

ia ka’u sa tukuna mada eliu vei ira mai Tamasiko, kei Jerusalemi, kei na yasayasa kece vaka-Jutia, vei ira talega na veimatanitu tani, me ra veivutuni ka saumaki mai kivua na Kalou, ka kitaka nai valavala e kilikili kei na veivutuni.

Cakacaka 3:19

O koya mo dou qai veivutuni ka saumaki mai, me bokoci kina na nomudoui valavala ca, me yaco kina na gauna ni vakacegu mai na mata ni Turaga;

1 Korinica 13:10

Ia ni sa yaco na ka taucoko, ena qai takali na ka sa vakatikina ga.

1 Korinica 2:6

Ia keitou sa tukuna na vuku e na kedra maliwa era sa yalomatua sara: a sa sega ga na vuku ni vuravura oqo, se na nodra vuku na turaga ni vuravura oqo, o koya sa yaco me ka wale:

2 Korinica 7:1

O koya oqo kemudou sa daulomani, ni sa qai tu vei keda na vosa ni yalayala oqo, me da vakasavasavataki keda mai na dukadukali kecega ni yago kei na yalo, me da ia sara na ka savasava e na rere vua na Kalou.

2 Korinica 7:10

Ia na rarawa sa vaka na loma ni Kalou sa vakayacora na veivutuni ki na bula o koya sa sega ni veivutunitaki tale: ia na rarawa vakavuravura sa vakayacora na mate.

Efeso 2:1

A sa vakabulai kemudou, oi kemudou ka mate tu e na caka cala kei nai valavala ca;

Efeso 2:5

io ni da a mate tu e na caka cala, sa vakabulai keda vata kei Karisito, (a loloma walega dou sa vakabulai tu kina;)

Efeso 4:12

me ra vakavinakataki kina ko ira sa lotu, me ia na cakacaka ni talatala, me vakatataki cake nai vavakoso nei Karisito:

Kolosa 1:28

o koya keitou sa vunautaka, ni keitou sa vakasalataka tiko na tamata yadua, ka vakavulica na tamata yadua e na vuku kecega; me keitou vakaraitaka kina na tamata yadua ni sa vinaka sara e na vuku i Karisito:

Kolosa 3:14

Ia me liu e na ka kecega oqo na dauloloma, o koya sai vau vinaka sara.

Kolosa 4:12

Sa loloma yani vei kemudou ko Epafira, sa dua vei kemudou, ai talatala i Karisito Jisu, sa daugumatua tikoga ni sa masulaki kemudou, mo dou tu dei ka vinaka sara ka vakasinaiti tu e na ka kece sa loma ni Kalou.

1 Timoci 3:16

Ia na ka oqo sa sega ni veiletitaki ni sa ka levu na ka ni Kalou ka vuni tu eliu: Sa rairai vakatamata na Kalou, sa vakadinadina vei koya na Yalo Tabu, sa raici koya na agilose eso, sa vunautaki ko koya vei ira na veimatanitu, sa vakabauti koya eso na kai vuravura, sa kau cake ki na vanua vakaiukuuku.

1 Timoci 6:19

me ra binia tu me nodra na yavu ena yaga e na gauna e muri mai, me ra taura kina na bula sai koya na bula dina.

2 Timoci 2:19

Ia na yavu dei ni Kalou sa tu ga, ia sa vakaoqo na vosa sa volai kina, Sa kilai ira na nona tamata na Turaga: ka, Me ra lako tani mai nai valavala ca ko ira yadua era sa cavuta na yaca i Karisito.

Iperiu 11:6

Ia kevaka sa sega na vakabauta, sa dredre sara me da vinakati: o koya sa torova na Kalou e dodonu me vakabauta ni sa bula ko koya, ni sa saumi ira talega era sa dauvakasaqarai koya.

Iperiu 12:13

ka vakadodonutaka na sala ki na yavamudou, me kakua ni vakasesei ko koya sa gera, me vakabulai ga.

Iperiu 7:11

Ia kevaka sa rawa me ra vinaka sara e na vuku ni cakacaka ni bete vaka-Livai, (ni sa tukuni vata kaya na vunau vei ira na tamata,) ena yaga vakacava me tubu e dua tale na bete me vaka nai valavala i Melikiseteki, ka me sega ni vakatokai me vaka nai valavala i Eroni?

Iperiu 9:14

ena vakatanievei na dra nei Karisito, o koya ka vakacabori koya vua na Kalou e na vuku ni Yalo Tabu tawa mudu ia ka sega vua na ca, ena sega beka ni rawarawa sara me vui laivi kina na nomudou lewa-eloma mai na cakacaka sa ka ni mate, mo dou qarava na Kalou bula?

Jemesa 1:4

Ia me tini vinaka na cakacaka ni dauvosota, mo dou vinaka taucoko sara kina, me kakua na ka e yali.

1 Pita 1:21

ia sai koya dou sa vakabauta kina na Kalou, o koya ka vakaturi koya cake tale mai na mate, ka solia vua nai ukuuku; me sai koya ga na Kalou dou sa vakabauta ka vakanuinui kina.

1 Pita 5:10

Ia na Kalou sa dauia na loloma kecega, o koya sa kacivi kemudou ki na nonai ukuuku tawa mudu e na vuku i Karisito Jisu, ni dou sa vakararawataki mada e na gauna eso, ena qai vakavinakataki kemudou sara, mo dou vakataudeitaki, mo dou vakaukauwataki.

1 Joni 4:12

Sa sega na tamata sa raica na Kalou e na dua na gauna. Kevaka eda sa veilomani, sa tiko e na lomada na Kalou, a sa levu sara na loloma vua e na lomada.