Iperiu 5:9 - Vakavakadewa Makawa

⁹ ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

Ai Vola Tabu (Vakadewa Makawa Vakavoutaki 2021)

⁹ ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

AI VOLA TABU

⁹ ia ni sa vakarautaki oti, sa yaco me vu ni bula tawa mudu vei ira kecega sa talairawarawa vua;

Vakavakadewa Vou kei na iVola tale eso

⁹ Ni sa vakayacori oti o koya me vinaka taucoko sara, a sa yaco me vu ni bula tawamudu vei ira kecega sa talairawarawa vua,

Ai Vola Tabu Ena Vakavakadewa Vou

⁹ Ni sa vakayacori oti o koya me vinaka taucoko sara, a sa yaco me vu ni bula tawamudu vei ira kecega sa talairawarawa vua,

Iperiu 5:9 Iomraidhean Croise

NA SAME 45:17

Au na cakava na yacamuni me nanumi e nai tabatamata kecega: Era na vakavinavinaka kina vei kemuni na veimatanitu ka sega ni mudu.

NA SAME 51:6

Raica, ko ni sa vinakata na ka dina mai na vu ni yalo: Ia mo ni vakavukui au e na tikina eloma.

NA SAME 51:8

Vakayacora vei au me'u rogoca na ka ni marau kei na reki; Me reki rawa kina na suiqu ko ni sa musulaka.

Aisea 45:22

Dou golevi au mai, mo dou vakabulai, nai yalayala kecega kei vuravura: ni sai au na Kalou, ka sa sega e dua tani tale.

Aisea 49:6

Ia sa kaya ko koya, Sa ka lailai mo noqu i talatala mo vueta cake na veimataqali i Jekope, ka vakalesui ira mai na Isireli era maroroi tiko: Ka'u sa soli iko talega mo nodra rarama na veimatanitu, mo yaco talega mo vu ni bula e na vukuqu ki nai yalayala kei vuravura.

Aisea 50:10

Ko cei vei kemudou sa rerevaki Jiova, ka sa vakarorogo ki na vosa ni nonai talatala, ka sa lako e na butobuto, ka sa sega vua na rarama? me vakararavi ko koya ki na yaca i Jiova, ka ravita na nona Kalou.

Aisea 55:3

Dou vakatu daligamudou, ka lako mai vei au; dou rogoca, ena qai bula na yalomudou; ka'u na ia kei kemudou na veiyalayalati e sega ni mudu, io na ka vinaka sa yalataki dina vei Tevita.

Taniela 9:24

Sa loku e vitusagavulu na wiki vei ira na kai nomu kei na nomu koro tabu, me qai tarovi na talaidredre, ka bokoci nai valavala ca, ka sorovaki na caka cala, ka vakayacori mai na cakacaka dodonu e sega ni mudu, ka me dregati na raivotu kei na parofisai, ka me lumuti ko Koya sa Yalosavasava sara.

Sakaraia 6:15

Ia ko ira sa tiko vakayawa era na mai veivuke me tara na vale i Jiova; ia dou na kila ni sa talai au mai vei kemudou ko Jiova ni lewe vuqa. Ia ena yaco na ka oqo, kevaka dou na gu ni talairawarawa ki na vosa i Jiova na nomudou Kalou.

Maciu 17:5

Ni sa vosa tiko ko koya, raica, sa dua na o lumilumisa sa vakarurugi iratou: ka raica, sa rogo e dua na vosa mai na o, sa kaya, Oqo na noqu Gone ni toko, au sa dauvinakata vakalevu; dou vakarogoci koya.

Luke 13:32

A sa kaya vei ira ko koya, Dou laki tukuna vua na fokise ko ya, Raica, au sa vakasevi ira na tevoro, ka ia na veivakabulai edaidai kei na sabogibogi, au na qai vakaotia ga e nai katolu ni siga.

Joni 19:30

Ni sa qai gunuva na wai wiwi ko Jisu, sa kaya, Sa oti: a sa vakacuva na uluna, ka solia yani na yalona.

Cakacaka 3:15

ka dou a vakamatea na Vu-ni-bula, ko koya sa vakatura cake tale mai na mate na Kalou; ia keitou sai vakadinadina e na ka oqo.

Cakacaka 4:12

A sa sega na bula e na vukuna e dua tani: ni sa sega sara e dua tale na yaca e ruku i lomalagi sa soli kivei ira na tamata, me da bula rawa kina.

Cakacaka 5:32

Keitou sa yaco talega me dauvakadinadina e na veika oqo; ka sa vaka kina na Yalo Tabu, ko koya sa solia na Kalou vei ira sa talairawarawa vua.

Roma 1:5

o koya keitou sa rawata talega kina na loloma kei na cakacaka vakaiapositolo, me ra vakabauta ka talairawarawa kina ko ira na lewe ni veivanua kecega, e na vuku ni yacana:

Roma 10:16

A ra sa sega ni vakabauta kecega nai tukutuku-vinaka; ni sa kaya ko Aisea. I Jiova, ko cei sa vakabauta na neitou i tukutuku?

Roma 15:18

Ni'u na sega ni doudou walega me'u cavuta na ka tani; na ka ga sa vakayagataki au kina na Karisito, me vakatalairawarawataki ira na veimatanitu tani, e na vosa kei nai valavala,

Roma 2:8

ia na cudru kei na lesavi vei ira era sa dauveileti, ka talaidredre ki nai vakavuvuli dina, ia ka talairawarawa ki nai vakavuvuli tawa-dodonu;

Roma 6:17

Ia me ia na vakavinavinaka vua na Kalou, ni dou sa muria, mai na vu ni yalomudou, koi kemudou ka bobula ki nai valavala ca, nai vakarau ni vakavuvuli dou sa vakatavulici kina.

2 Korinica 10:5

sa talaraka sobu kina na veinanuyaki, kei na ka cecere kecega sa vakalevulevui me vorata na vuku ni Kalou, ka sa vakamalumalumutaka na nanuma kecega me talairawarawa vei Karisito;

Filipai 2:12

Ia koi kemudou, kau sa daulomana, me vaka na nomudou talairawarawa e na veigauna sa oti, dou sa sega ni ia walega niu sa tiko vei kemudou, dou sa uasivi cake kina niu sa takali, dou kitaka vakakina na cakacaka dou sa bula sara kina e na rere kei na sautaninini.

2 Cesalonaika 1:8

e na yameyame ni bukawaqa, me cudruvi ira era sa sega ni kila na Kalou, a sa sega ni vakabauta nai tukutuku-vinaka ni noda Turaga ko Jisu Karisito:

2 Cesalonaika 2:16

Ia na noda Turaga ko Jisu Karisito, kei na Kalou ko Tamada, o koya ka lomani keda, ka solia vei keda e na loloma na vakacegu sa sega ni mudu kei nai nuinui vinaka,

2 Timoci 2:10

O koya oqo kau sa vosota kina na ka kecega e na vukudra na digitaki, me ra rawata talega na bula sa yaco e na vuku i Karisito Jisu, kei na veivakalougatataki sa sega ni mudu.

Iperiu 1:14

Era sa sega li ni yalo dauveiqaravi ko ira kecega, sa talai yani me qaravi ira era na yaco emuri mei taukei ni bula?

Iperiu 11:40

Ia sa vakarautaka na Kalou vei keda na ka e vinaka cake, me ra kakua kina ni vakavinakataki sara duaduaga me da vakavinakataki sara vata ga.

Iperiu 11:8

Ni sa vakabauta sa talairawarawa kina ko Eparaama, ni sa kacivi me lako ki na vanua sa bera ni soli vua me taukena; ka sa lako yani, ia sa sega ni kila na vanua sa lako kina.

Iperiu 12:2

ka me da vakaraici Jisu, o koya sa vakatekivuna ena sauma talega na noda vakabauta; o koya, e na vuku ni marau sa viritu e matana, sa vosota na kauveilatai, ka sa sega ni madua ni sa vakalialiai kina, a sa qai tiko sobu ko koya e na liga i matau ni tikotiko-vakaturaga ni Kalou.

Iperiu 2:10

Ni sa kilikili kei koya, sai taukei ni ka kecega, ka sa vakavuna na ka kecega, ni sa vakauta na luvena e lewe vuqa ki na vanua vakaiukuuku, me vakarautaki koya e na dauvosota me sa nodra vu ni bula.

Iperiu 2:3

eda na bula vakaevei koi keda, kevaka eda sa vakaweleweletaka na bula levu oqo; o koya sa vakatekivuna na Turaga me tukuna, ka vakadinadinataka mai kivei keda ko ira era a rogoca;

Iperiu 9:12

e sega talega e na dra ni me kei na luve ni pulumokau, e na nona dra ga sa curu vakadua ki na loqi tabu sara, ni sa rawata me solia na bula tawa mudu.

Iperiu 9:15

O koya oqo sa yaco kina ko koya me dautataro e na veiyalayalati vou, me ra rawata kina ko ira ka kacivi nai votavota tawa mudu ka yalataki, e na vuku ni nona mate, sai soro ni valavala ca ka caka oti e na gauna ni veiyalayalati taumada.

Iperiu 9:28

sa vakacabori vakadua vaka talega kina na Karisito me cudruvi e na vuku ni valavala ca ni lewe vuqa; ka na rairai mai vakarua ko koya kivei ira sa waraki koya me ra bula, ia ena sega ga mei soro.

1 Pita 1:22

Dou vakasavasavataka na yalomudou ni dou sa talairawarawa ki nai vakavuvuli dina e na vuku ni Yalo Tabu, mo dou lomani ira kina na veiwekani e na loloma tawa lasu ia dou veilomani vakai kemudou e na yalosavasava kei na lomakatakata:

1 Joni 5:20

Eda sa kila talega ni sa yaco mai na Luve ni Kalou, a sa solia mai vei keda na vuku, me da kilai koya kina sa dina, ia eda sa tu vata kei koya sa dina, vei Jisu Karisito na Luvena. Sai koya oqo na Kalou dina, kei na vu-ni-bula tawa mudu.

Ai Vola I Juta 1:21

dou maroroi kemudou mo dou tu ga e na loloma ni Kalou, ka nuitaka na loloma ni noda Turaga ko Jisu Karisito ki na bula tawa mudu.