Iperiu 5:12 - Vakavakadewa Makawa

¹² Ni sa dodonu mo dou rawata makawa mo doui vakavuvuli, ia ka sa qai yaga mo dou vakatavulici tale se cava na vu ni vakavuvuli ni Kalou; sa yaga talega vei kemudou na wai-ni-sucu, ka segai na kakana dina.

Ai Vola Tabu (Vakadewa Makawa Vakavoutaki 2021)

¹² Ni sa dodonu mo dou rawata makawa mo dou i vakavuvuli, ia dou sa gadreva ga e dua me vakatavulici kemudou tale e nai vakatekivu ni vakavuvuli me baleta na vosa ni Kalou. Dou sa gadreva ga na wai-ni-sucu, ka segai na kakana dina,

AI VOLA TABU

¹² Ni sa dodonu mo dou yaco mada e na gauna eliu mo doui vakavuvuli, ia ka sa yaga mo dou vakatavulici tale se sa cava na vu ni vakavuvuli ni Kalou; sa yaga talega vei kemudou na wai-ni-sucu, e segai na kakana kaukauwa.

Vakavakadewa Vou kei na iVola tale eso

¹² Sa dodonu mo ni sa dauveivakatavulici tiko ena gauna oqo, ia o ni se gadreva voli ga e dua me mai vakavulici kemuni tale ena i matai ni lesoni me baleta na vosa ni Kalou. Sa yaga ga vei kemuni mo ni gunu sucu, ka segai na kakana dina.

Ai Vola Tabu Ena Vakavakadewa Vou

¹² Sa dodonu mo ni sa dauveivakatavulici tiko ena gauna oqo, ia o ni se gadreva voli ga e dua me mai vakavulici kemuni tale ena i matai ni lesoni me baleta na vosa ni Kalou. Sa yaga ga vei kemuni mo ni gunu sucu, ka segai na kakana dina.

Iperiu 5:12 Iomraidhean Croise

2 Samuela 16:23

Ia nai vakavuvuli ca i Eitofeli, ka dauvakatavuvulitaka e na veisiga ko ya, sa dauvaka ni sa dua sa taroga na vosa ni Kalou; sa vakaoqo na ka kecega sa vakatavulica ko Eitofeli vei Tevita, kei Apisalomi talega.

Esera 7:10

Ni sa vakarautaka oti na lomana ko Esera me vakasaqaqara e na vunau i Jiova, ka me cakava talega, ka me vakavulica e Isireli nai lesilesi kei na lewa.

NA SAME 34:11

Dou lako mai, ragone, vakarorogo mai vei au; Ka'u na vakavulici kemudou mo dou rerevaki Jiova.

Aisea 28:13

Ia na vosa i Jiova ena vaka dina vei ira na vunau sa kuri e na vunau, na vunau e na vunau; na vosa e na vosa, na vosa e na vosa; vakalailai eke, ka vakalailai maikea; me ra la'ki bale ki muri, ka mavoa, ka coriti, ka tauri.

Aisea 55:1

Oi kemudou vakaaduaga sa viagunu, dou lako mai ki na wai; io ko koya sa sega vua nai lavo, dou lako mai, mai volia na kemudou, ka kania; io dou lako mai, mai volia, ka segai e nai lavo se nai voli, na waini kei na wai-ni-sucu.

Maciu 17:17

Sa qai vosa ko Jisu, ka kaya, Ai tabatamata sega ni vakabauta ka yalo vakatani! a cava na kena dede meu tiko kei kemudou? a cava na kena dede meu vosoti kemudou? kauti koya mai vei au kike.

Marika 9:19

Sa qai vosa ko koya, ka kaya, Ai tabatamata sega ni vakabauta! a cava na kena dede meu tiko kei kemudou? a cava na kena dede meu vosoti kemudou? kauti koya mai vei au.

Cakacaka 7:38

Ko koya oqo, sa tiko kei ira nai soqosoqo lewe ni soro e na veikau, kei na agilose sa vosa vua e na ulu-ni-vanua ko Saineai, kei ira na noda qase: a sa rawata ko koya na vunau bula me solia vei keda:

Roma 3:2

E levu e na ka kece; e levu sara, ni sa lesi vei ira me ra maroroya na vosa ni Kalou.

1 Korinica 14:19

ia kau sa vinakata vakalevu meu vosataka e na noqu kila e lima walega na vosa e na kedra maliwa nai soqosoqo lewe ni lotu, meu vakavulici ira talega kina na tani, ia kau cata meu cavuta na vosa e tini na udolu e na vosa tani.

1 Korinica 14:20

Oi kemudou na veiwekani, dou kakua ni gone lalai e na vuku; e na lomaca ga mo dou gone lalai, ia e na vuku mo dou tamata bula.

Kalatia 4:3

Sa vakakina koi keda eliu, ni da a gone tiko, sa lewai keda na veivu ni ka sa vakavuravura me vaka eda bobula:

Filipai 3:1

Meu tinia oi kemudou na wekaqu, mo dou reki e na Turaga. Meu vola vei kemudou na veika kau a vola eliu sa sega dina ni ka rarawa vei au, ia na ka dou sa tu vinaka kina.

Kolosa 3:16

Me tiko vakalevu e na lomamudou na vosa i Karisito e na vuku kecega; dou veivakatavulici ka veivunauci vakai kemudou e na same kei na sere kei na meke vakayalo, dou sere tiko vua na Kalou ni sa tiko e na yalomudou na loloma.

Iperiu 10:32

Ia dou vakananuma na veisiga eliu, dou a vakararamataki kina ka dou a qai vosota na veivala e na rarawa vakaidina;

Iperiu 5:11

E vuqa na ka sa vo me keitou tukuni koya kina, ia ka sa dredre ga na kenai balebale, ni sa sega vei kemudou na daliga rogo.

Iperiu 5:13

Ni sa sega ni kila vinaka nai vakavuvuli ni veivakadonui, ko koya sa gunuva walega na wai-ni-sucu; ni sa gone lailai ga.

Iperiu 6:1

Sa vakavulici ira me ra tu dei, ka gumatua sara, me ra kakua ni yalowai, ni sa vosa dina sara na Kalou ni sa yalataka na ka vinaka, 9-20. O koya oqo me da qai laiva nai vakatekivu ni vakavuvuli kei Karisito me da toro cake me da matua sara; me da kakua ni tauyavutaka tale e na veivutuni e na vuku ni valavala eda mate kina, e na vakabauta talega na Kalou,

1 Pita 2:2

mo dou vaka na gone sa qai sucu, mo dou gadreva nai vakavuvuli sa vaka na wai-ni-sucu dina, mo dou tubu cake kina:

1 Pita 4:11

Kevaka e dua sa vosa, me ia me vaka na vosa ni Kalou: kevaka e dua sa kitaka na cakacaka, me ia ga me vaka na kaukauwa sa solia na Kalou: me vakarokorokotaki kina na Kalou e na ka kecega e na vuku i Jisu Karisito, o koya sa nona na vakarokoroko kei na lewa e na gauna kecega ka sega ni mudu. Emeni.