Iperiu 3:6 - Vakavakadewa Makawa

⁶ ia na Karisito sa dina me vaka sa Gone e na nona mataqali; ia sa nona mataqali koi keda, kevaka eda sa taura matua na noda doudou kei na reki ni nuinui me tu dei, me yacova nai vakataotioti.

Ai Vola Tabu (Vakadewa Makawa Vakavoutaki 2021)

⁶ Ia na Karisito sa yalodina ki na vale ni Kalou, me vaka ni sa Luvena, ka da sa nona vale koi keda kevaka eda sa taura matua na noda doudou kei na reki ni nuinui me tudei, me yacova nai vakataotioti.

AI VOLA TABU

⁶ ia ko Karisito me vaka sa Gone e na nona mataqali; ia sa nona mataqali koi keda, kevaka eda sa taura matua na doudou kei na reki ni nuinui me tu dei, me yacova nai vakataotioti.

Vakavakadewa Vou kei na iVola tale eso

⁶ Ia sa yalodina o Karisito ena qaravi ni vale ni Kalou me vaka ni sa Luvena. Eda sa nona vale oi keda kevaka eda sa tudei ka yalodina tiko ki na ka eda sa vakanuinui tiko kina.

Ai Vola Tabu Ena Vakavakadewa Vou

⁶ Ia sa yalodina ko Karisito ena qaravi ni vale ni Kalou me vaka ni sa Luvena. Eda sa nona vale oi keda kevaka eda sa tudei ka yalodina tiko ki na ka eda sa vakanuinui tiko kina.

Iperiu 3:6 Iomraidhean Croise

NA SAME 2:12

Reguca na Luvena, de cudru ko koya, ka dou sa rusa tani mai na sala, Ni sa waqawaqa vakalailai ga na nona cudru. Era sa kalougata ko ira kecega sa vakararavi vei koya.

Isikeli 46:10

Ia ni ra sa curu mai ko ira, ena curu talega mai ko koya na turaga ka tiko e na kedra maliwa; ka ni ra sa curu yani ko ira, me curu talega yani ko koya.

Maciu 10:22

ia dou na cati vei ira na tamata kecega e na vuku ni yacaqu: ia ko koya ena vosota me yacova nai vakataotioti, ena vakabulai.

Maciu 16:18

Au sa kaya talega vei iko, O iko ko Pita, ia e dela ni vatu oqo kau na tara kina na noqui soqosoqo lewe ni lotu; ia ena sega ni rawata na matamata-ni-koro ni etesi.

Maciu 24:13

Ia ko koya ena vosota me yacova nai vakataotioti, ena vakabulai ko koya.

Roma 11:22

O koya mo qai raica ruarua, na loloma, kei na cudru, ni Kalou: a cudru vei ira sa bale: kei na loloma vei iko, kevaka ko sa tu dei e na nona loloma: ia kevaka e segai ko na musuki laivi talega ko iko.

Roma 12:12

dou reki e nai nuinui; vosota na ka rarawa; ia tikoga na masu:

Roma 15:13

Ia me vakasinaiti kemudou mada na Kalou, o koya na vu ni nuinui, e na reki kecega kei na vakacegu ni dou sa vakabauta, me levu sara na nomudou i nuinui e na vuku ni nona kaukauwa na Yalo Tabu.

Roma 5:2

e na vukuna talega eda sa torova rawa kina, e na vakabauta na loloma oqo eda sa qai tu kina; me da sa reki talega ni da sa nuitaka na veivakalougatataki ni Kalou.

1 Korinica 3:16

Dou sa sega beka ni kila ni dou sa vale ni Kalou, ka sa tiko vei kemudou na Yalo ni Kalou?

1 Korinica 6:19

E vakaevei? dou sa sega beka ni kila ni sa vale ni Yalo Tabu na yagomudou, o koya sa curumi kemudou, o koya dou sa rawata mai vua na Kalou, ia dou sa sega ni nomudou?

2 Korinica 6:16

se rau na to vata vakaevei na vale ni Kalou kei na veimatakau? ni da sa vale ni Kalou bula; me vaka sa kaya na Kalou, Au na tiko e na lomadra, ka lako voli kina; ia kau na nodra Kalou, ka ra na noqu tamata.

Kalatia 6:10

O koya oqo, ni sa rawa, me da caka vinaka vei ira na tamata kecega, ka vakalevu vei ira era veitokani e na vakabauta.

Kalatia 6:9

Ia me da kakua ni ceguoca e na caka vinaka, ni da na tamusuka e na kena yabaki, kevaka eda sa sega ni oca.

Efeso 3:12

o koya, ni da sa vakabauti koya, eda sa doudou kina ka toro voleka e na vakararavi.

Kolosa 1:23

kevaka dou sa vakabauta tikoga ka vakataudeitaki ka vakaukauwataki, ka sega ni vukici tani mai nai nuinui ni tukutuku-vinaka dou a rogoca, ka sa vunautaki vei ira na tamata kecega sa tiko e ruku i lomalagi; ia koi au ko Paula au sa lesi meu kenai talatala.

1 Cesalonaika 5:16

Dou reki tikoga.

2 Cesalonaika 2:16

Ia na noda Turaga ko Jisu Karisito, kei na Kalou ko Tamada, o koya ka lomani keda, ka solia vei keda e na loloma na vakacegu sa sega ni mudu kei nai nuinui vinaka,

1 Timoci 3:15

ia kevaka kau sa dede, mo kila nai valavala sa kilikili kei ira na tamata e na vale ni Kalou, oqori nai soqosoqo lewe ni lotu ni Kalou bula, na duru kei na yavu ni vakavuvuli dina.

Iperiu 1:2

ia sai koya na Luvena sa vosa kina vei keda ko koya, e na gauna mai ki muri oqo; o koya sa lesia ko koya mei taukei ni ka kecega, o koya sa bulia talega kina na vuravura kecega;

Iperiu 10:19

O koya oqo, oi kemudou na veiwekani, ni da sa qai doudou rawa me da curu ki na loqi tabu sara e na vuku ni dra i Jisu,

Iperiu 10:21

ka ni sa dua talega na noda bete levu e na vale ni Kalou;

Iperiu 10:23

Tou taura matua na vakatusa ni noda vakabauta me kakua ni yavala; ni sa yalodina ko koya sa yalataka;

Iperiu 10:35

O koya oqo mo dou qai kakua ni biuta na nomudou dinata ena levu na kenai sau.

Iperiu 11:1

Ia na vakabauta sa vaka ni sa vakayacori na veika sa vakanuinuitaki, e vaka ni sa vakaraitaki na veika sa tawa kune.

Iperiu 3:14

Ni sa noda ga na Karisito, kevaka eda sa taura matua nai vakatekivu ni noda dinata me tu dei, me yacova nai vakataotioti.

Iperiu 4:11

O koya oqo me da qai gumatua sara me da curu ki nai vakavakacegu ko ya, de bale e dua na tamata ni sa talaidredre vakakina.

Iperiu 4:14

Ia ni sa dua na noda bete levu, o koya ka curu ki lomalagi, o Jisu na Luve ni Kalou, tou taura matua na noda lotu.

Iperiu 4:16

E na vuku ni ka oqori tou toro doudou kina ki nai tikotiko-vakaturaga loloma, me da vinakati kina, me da lomani talega ka vukei e na gauna e yaga kina.

Iperiu 6:11

Ia keitou sa vinakata mo dou dui gugumatua vakakina, mo dou vakanuinui matua sara kina ka me yacova nai vakataotioti:

Iperiu 6:18

me rua kina na ka sa tu dei sara, sa sega ni rawa kina me vosa lasu na Kalou, me da vakacegui sara kina, koi keda eda sa laki vakaruru ni da sa taura nai nuinui sa viritu e matada:

Iperiu 7:19

ni sa sega ni vinaka sara e dua na ka e na vuku ni vunau, ia sa kenai liuliu ni nuinui sa vinaka cake, o koya eda sa toro voleka kina vua na Kalou.

1 Pita 1:8

o koya dou a sega ni raica, ia dou sa lomana ga; o koya dou sa sega ni kunea edaidai, ia dou sa vakabauta ga, ka reki e na reki e sega ni cavuti rawa ka vinaka sara:

1 Pita 2:5

oi kemudou talega, me vaka dou sa veivatu bulabula, dou sa tara cake mo dou vale vakayalo, me matabete yalosavasava, mo dou cabora kina nai madrali vakayalo, sa vinaka vua na Kalou e na vuku i Jisu Karisito.

1 Pita 4:17

Ni sa yaco na gauna me vakatekivu na veicudruvi vei ira na mataqali ni Kalou: ia kevaka ena vakatekivu vei keda, a cava ena kenai vakataotioti vei ira era sa sega ni talairawarawa ki nai tukutuku-vinaka ni Kalou?

Vakatakila 2:18

Mo volavola talega vua nai talatala ni soqosoqo lewe ni lotu mai Caetaira: Sa tukuna na veika oqo na Luve ni Kalou, o koya sa vaka na yameyame ni buka na matana, kei na yavana e vaka na parasa makumakualiliva:

Vakatakila 2:25

Ia na ka sa tu vei kemudou, dou taura matua ka malua ka'u na lako tale yani.

Vakatakila 2:26

Ia ko koya sa gumatua sara, ka vakabauta na noqu cakacaka me yaco mada nai vakataotioti, au na solia vua me lewa na veimatanitu:

Vakatakila 3:11

Raica, ka'u na lako vakatotolo yani: taura matua na ka sa tu vei iko, me kakua ni kauta na nomu i sala vakaturaga na tamata tani.