Iperiu 3:5 - Vakavakadewa Makawa

⁵ Ia e dina ga sa lomadina ko Mosese e na nona mataqali taucoko, me vaka sai talatala, me vakatakilai kina na ka ena tukuni maimuri;

Ai Vola Tabu (Vakadewa Makawa Vakavoutaki 2021)

⁵ Ia oqo sa yalodina ko Mosese e na nona vale taucoko na Kalou me vaka sai talatala, me vakatakila na veika ena tukuni mai muri.

AI VOLA TABU

⁵ Ia e dina ya ni sa lomadina ko Mosese e na mataqali taucoko sa nona, me vaka sai talatala, me vakatakilai kina na ka ena tukuni maimuri;

Vakavakadewa Vou kei na iVola tale eso

⁵ A sa yalodina o Mosese ki na nona i tavi ni dauveiqaravi ena vale ni Kalou, ka sa vakaraitaka na veika ena qai tukuna emuri na Kalou.

Ai Vola Tabu Ena Vakavakadewa Vou

⁵ A sa yalodina o Mosese ki na nona i tavi ni dauveiqaravi ena vale ni Kalou, ka sa vakaraitaka na veika ena qai tukuna emuri na Kalou.

Iperiu 3:5 Iomraidhean Croise

Niemaia 9:14

ka vakatakila vei ira na nomuni siga tabu, a sa vakarota vei ira nai vakaro, kei nai lesilesi, kei na vunau, e na gusu i Mosese na nomuni talatala:

NA SAME 105:26

Sa talai Mosese ko koya na nonai talatala; Kei Eroni ka digitaka ko koya.

Lako Yani 14:31

Ia na Isireli sa kunea na cakacaka levu ko ya ka cakava ko Jiova kivei ira na kai Ijipita; a ra sa rerevaki Jiova na tamata, ka vakabauti Jiova, kei na nonai talatala ko Mosese.

Lako Yani 40:16

A sa cakava ko Mosese: io me vaka na ka kecega sa vakarota vua ko Jiova, sa cakacaka vakakina ko koya.

Tiko mai na Lekutu 12:7

ia sa dua tani ko Mosese na noqu i talatala: sa yalodina e na ka kece ni noqu vale:

Maciu 24:45

Ia ko cei na tamata yalododonu ka vuku, sa lesia na nona turaga me lewai ira na nona lewe-ni-vale, me solia vei ira na kedra e na gauna dodonu?

Maciu 25:21

A sa kaya vua na nona turaga, E vinaka, a tamata vinaka ka dina; ko sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga.

Luke 12:42

Sa kaya na Turaga, Ko cei beka na tamata yalododonu ka vuku, ena lesia na turaga me lewai ira na nona lewe-ni-vale, me solia na kedrai votavota e na gauna dodonu?

Luke 24:27

Ka sa vakatekivu e nai vola i Mosese ka yacovi ira kecega na parofita, ka sereka vei rau mai nai Vola Tabu kecega na vosa ka tukuni kina ko koya.

Luke 24:44

A sa kaya vei ira ko koya, Oqo na vosa ka’u a daukaya vei kemudou ni’u a tiko kei kemudou, ni na yaco kecega na vosa sa tukuni au, sa volai e na vunau i Mosese, kei na nodrai vola na parofita, kei na Same.

Joni 5:39

Dou sa vakasaqaqara e nai Vola Tabu; ni dou sa nanuma dou sa rawata kina na bula tawa mudu: ia nai vola oqo sa tukuni au.

Cakacaka 28:23

A ra sa lokuca vua e dua na siga, a ra lewe vuqa sa lako mai ki na nona vale; a sa sereka vei ira ko koya ka tukuna na matanitu ni Kalou, ka vakadinadinataki Jisu vei ira mai na vunau i Mosese, kei ira na parofita, sa vakatekivu e na mataka, ka yacova na yakavi.

Cakacaka 7:37

Ko Mosese oqo sai koya ka kaya vei ira na luve i Isireli, Ena vakatubura kivei kemudou ko Jiova na nomudou Kalou, maivei ira na wekamudou, e dua na parofita me vakataki au.

Roma 3:21

Ia ka sa qai vakatakilai mai e na gauna oqo na ka sa veivakadonui kina na Kalou, ka ni sa sega ni yaco e na vuku ni vunau, ia sa vakadinadina kina na vunau kei ira na parofita;

1 Korinica 4:2

Ia eke sa kilikili kei ira nai talatala, me ra kune ni ra tamata dina.

Vakarua 3:24

Kemuni Jiova na Turaga, kemuni sa ia me vakatakila vua na nomuni tamata na kemuni levu, kei na ligamuni kaukauwa: ia ko cei na kalou mai lomalagi se e vuravura me cakava rawa na ka sa tautauvata kei na nomuni cakacaka, kei na nomuni kaukauwa?

Vakarua 34:5

A sa mate maikea ko Mosese nai talatala i Jiova e na vanua ko Moapi, me vaka na vosa i Jiova.

1 Timoci 1:12

Ia kau sa vakavinavinaka vei Karisito Jisu na noda Turaga, o koya sa vakaukauwataki au, ni sa nanumi au niu sa lomadina, a sa lesi au ki na cakacaka vakaitalatala;

Iperiu 1:1

Sai ira na parofita ka vosa kina eliu na Kalou vei ira na qase, e na gauna e vuqa, kei nai valavala e vuqa:

Iperiu 3:2

o koya ka lomadina vua sa lesi koya, me vakataki Mosese talega e na nona mataqali taucoko.

Iperiu 3:4

Ni sa dua e tara na vale yadua; ia ko koya sa tara na ka kecega sa Kalou.

Iperiu 8:5

o ira sa kitaka nai vakatakarakara kei na yaloyalo ni veika vakalomalagi, me vaka sa vakatakila vei Mosese na Kalou ni sa voleka ni tara na vale tabu: ka kaya, Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulu-ni-vanua.

Iperiu 9:24

Ni sa sega ni curu na Karisito ki na loqi tabu sa caka e na liga, oqori sai vakatakarakara ga ni ka dina; sa curu ki na lomalagi dina ga, me rairai edaidai e na mata ni Kalou e na vukuda;

Josua 1:15

me vakacegui ira mada ko Jiova na wekamuni, me vakataki kemuni, ka me ra taukena talega na vanua sa solia vei ira ko Jiova na nomuni Kalou: kemuni na qai lesu ki na vanua kemuni sai taukei kina, ka taukena, o koya sa solia vei kemuni ko Mosese nai talatala i Jiova, e na tai ni Joritani oqo, sa donuya nai cadracadra ni mata-ni-siga.

Josua 1:2

Sa mate ko Mosese na noqu i talatala; ia oqo, mo cavu tu, mo qalo-kosova na Joritani oqo, ko iko kei ira kecega na tamata oqo, ki na vanua ka'u na solia vei ira, oi vei ira na Isireli.

Josua 1:7

Mo kaukauwa ka qaqa sara ga, mo vakabauta mo cakava me vaka nai vakaro kecega sa vakarota vei iko ko Mosese na noqu i talatala: mo kakua ni gole tani ki nai matau se nai mawi, mo tamata yaco e na yasana kecega ko lako kina.

Josua 8:31

me vaka ka vakaroti ira na Isireli ko Mosese nai talatala i Jiova, me vaka sa volai e nai vola ni vunau i Mosese, nai cabocabo-ni-soro sa caka e na vatu sa sega ni ta, ni sa sega ni ta e na kaukamea; a ra sa cabora kina eso nai soro kama vei Jiova, ka vakamatea eso nai madrali ni veivinakati.

Josua 8:33

Ia ko ira kecega na Isireli, kei ira na nodra qase, kei na turaga lalai, kei na nodra mataveilewai, na vulagi kei nai taukei talega, era sa tu mai na yasa ruarua ni kato, e matadra na bete na Livai, era sa colata na kato ni veiyalayalati i Jiova; e dua na kedra wase sa donuya na ulu-ni-vanua ko Kirisimi, ka dua na kedra wase sa donuya na ulu-ni-vanua ko Ipali; me ra vosavakalougatataki ira mada na Isireli, me vaka ka vakarota eliu ko Mosese nai talatala i Jiova.

Vakatakila 15:3

A ra sa meketaka na meke i Mosese nai talatala ni Kalou, kei na meke ni Lami, ka kaya, A ka levu ka veivakurabuitaki na nomuni cakacaka, na Turaga na Kalou Kaukauwa; sa dodonu ka dina na nomuni valavala, oi kemuni na Tui ni veigauna kecega.