Iperiu 2:4 - Vakavakadewa Makawa

⁴ ni sa vakadinadina tiko vei ira na Kalou, e nai vakatakilakila eso kei na ka e veivakurabuitaki eso kei na cakacaka mana e vuqa, kei nai votavota ni Yalo Tabu, me vaka na lomana?

Ai Vola Tabu (Vakadewa Makawa Vakavoutaki 2021)

⁴ ni sa vakadinadina tiko vei ira na Kalou, e nai vakatakilakila eso kei na ka e veivakurabuitaki eso kei na cakacaka mana e vuqa, kei nai votavota ni Yalo Tabu, me vaka na lomana?

AI VOLA TABU

⁴ ni sa vakadinadina tiko vei ira ko na Kalou, e nai vakatakilakila e so kei na ka e veivakidacalataki e so kei na caka-mana e vuqa, kei nai votavota ni Yalo Tabu, me vaka na nona veitalia?

Vakavakadewa Vou kei na iVola tale eso

⁴ E salavata oqo kei na nona vakadinadinataka na Kalou na dina ni veitukutuku oqo ena nona cakava na veivakatakilakila eso kei na cakacaka mana, ka sa veivotayaka talega na i solisoli ni Yalo Tabu, me vaka na lomana.

Ai Vola Tabu Ena Vakavakadewa Vou

⁴ E salavata oqo kei na nona vakadinadinataka na Kalou na dina ni veitukutuku oqo ena nona cakava na veivakatakilakila eso kei na cakacaka mana, ka sa veivotayaka talega na i solisoli ni Yalo Tabu, me vaka na lomana.

Iperiu 2:4 Iomraidhean Croise

Taniela 4:35

ia na kai vuravura kecega sa nanumi me ra ka wale: ka sa cakava na ka e vinakata ko koya e na kedra maliwa nai vavakoso vakalomalagi, kei ira talega na kai vuravura: ka sa sega e dua e vakadaroya rawa na ligana, se kaya vua, A cava ko sa cakava?

Marika 16:20

Ia ko ira, era sa lako yani, ka vunau e na veiyasana kecega, a sa cakacaka vata kei ira na Turaga, a sa vakadinadinataka na vosa e na veivakatakilakila sa muri. Emeni.

Marika 6:14

A sa rogoca ko Eroti na tui; ni sa kuruvaki na yacana: a sa kaya, Sa tu cake tale mai na mate ko Joni na dauveipapitaiso; o koya ga sa cakava kina ko koya na kaukauwa mana oqo.

Joni 15:26

Ia ni sa lako mai na Dauveivakacegui, ko koya kau na tala vei kemudou maivei Tamaqu, a Yalo Tabu sa vu ni ka dina, ko koya sa lako maivei Tamaqu, ena tukuni au ko koya.

Joni 4:48

Sa qai kaya vua ko Jisu, Kevaka dou sega ni raica eso na ka-mana kei na ka e veivakurabuitaki, dou na sega ni vakabauta.

Cakacaka 14:3

A rau sa tiko vakadede kina ka vosa doudou e na vuku ni Turaga, ko koya sa vakatakila ni sa dina na vosa ni nona loloma, ka solia me caka rawa e na ligadrau eso nai vakatakilakila, kei na veika e veivakurabuitaki.

Cakacaka 4:10

mo ni kila kecega, kei ira kecega na Isireli, ni sa yaca i Jisu Karisito na kai Nasareci, ko koya kemuni a vakota ki na kauveilatai, ko koya sa vakatura cake tale na Kalou mai na mate, io, e na vukuna ga sa tu kina eke ko koya oqo e na matamuni ka sa bula vinaka.

Cakacaka 5:32

Keitou sa yaco talega me dauvakadinadina e na veika oqo; ka sa vaka kina na Yalo Tabu, ko koya sa solia na Kalou vei ira sa talairawarawa vua.

Efeso 1:5

ni sa lesi keda eliu me da vakabau me da luvena e na vuku i Jisu Karisito, me vaka na nona lewa vakayalovinaka;

Efeso 1:9

ni sa vakatakila vei keda na nona lewa ka vuni tu, me vaka na ka e vinaka vua, ka sa nakita vakai koya ga:

Efeso 4:7

Ia ka sa soli vei keda yadua na loloma me vaka nai vakarau ni solisoli nei Karisito.

Iperiu 6:4

Ni sa dredre sara me vakavoui tale me ra veivutuni ko ira ka vakararamataki eliu, era a tovolea nai solisoli vakalomalagi, ka rawata na Yalo Tabu,