Iperiu 13:5 - Vakavakadewa Makawa

⁵ Mo dou kakua ni daukocova nai lavo: ia dou lomavinaka e na ka sa tu vei kemudou: ni sa kaya ko koya, Au na sega sara ni biuti iko, se vakalaivi iko.

Ai Vola Tabu (Vakadewa Makawa Vakavoutaki 2021)

⁵ Mo dou kakua ni daukocova nai lavo, ia dou lomavinaka e na ka sa tu vei kemudou; ni sa kaya ko koya, “Au na sega sara ni biuti iko, se vakalaivi iko.”

AI VOLA TABU

⁵ Me takali na daukocokoco e na ka e caka: ia dou lomavinaka e na ka sa tu ga; ni sa kaya ko koya, Au na sega sara ni biuti iko, se vakalaivi iko.

Vakavakadewa Vou kei na iVola tale eso

⁵ Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.”

Ai Vola Tabu Ena Vakavakadewa Vou

⁵ Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.”

Iperiu 13:5 Iomraidhean Croise

Vakatekivu 28:15

Ka, raica, ka'u na tiko vata kei iko, ka vakabulai iko e na nomu i lakolako kecega, au na vakalesui iko talega ki na vanua oqo; ni'u na sega ni biuti iko, ka me'u cakava mada vei iko na ka ka'u a vosa kina vei iko.

Vakatekivu 30:31

A sa kaya ko koya, A cava me'u solia vei iko? A sa kaya ko Jekope, E sega na ka mo solia vei au: kevaka ko na cakava vei au na ka oqo, ka'u na vakania ka vakatawa tale na nomu qele ni manumanu:

Vakatekivu 31:5

a sa kaya vei rau, Au sa raica na matana na tamamudrau, ni sa qai dua tani mai vei au ka sa sega ni vaka eliu: ia sa tiko vata kei au na Kalou nei tamaqu:

1 Tui 6:13

ia ka'u na tiko ga e na kedra maliwa na Isireli, ka sega ni biuti ira na noqu tamata na Isireli.

1 Tui 8:57

Me tiko vata ga kei keda ko Jiova na noda Kalou, me vaka sa tiko vata kei ira na noda qase: me kakua ni biuti keda, se lako tani vei keda:

1 Veigauna 28:20

A sa kaya kivei Solomoni na luvena ko Tevita, Mo kaukauwa ga ka yalodoudou, ka kitaka: kakua ni rere, se taqaya: ni na tiko vata kei iko ko Jiova na Kalou, na noqu Kalou, ena sega ni weletaki iko ko koya, se biuti iko, mo vakaotia mada na kena ka kecega sa yaga e na cakacaka ni nona vale ko Jiova.

NA SAME 10:3

Sa dokai koya na tamata ca e na vuku ni gagadre ni yalona, Ka sa doka na daukocokoco, ia sa beci Jiova.

NA SAME 119:36

Mo ni vaqara na lomaqu ki na nomuni tukutuku, Ia me kakua ki nai yau.

NA SAME 37:25

Au a gone, ka'u sa qai qase mai; Ia ka'u a sega ni raica na yalododonu ni sa biu laivi, Se na nona kawa ni ra sa vosai kedra madrai.

NA SAME 37:28

Ni sa vinakata na ka dodonu ko Jiova, Ka sa sega ni biuti ira na nona tamata era yalosavasava; Era sa maroroi ka sega ni mudu: Ia na nodra kawa na tamata ca ena muduki tani.

Lako Yani 2:21

A sa vinakata ko Mosese me tiko kaya na tamata: a sa musuki Sipora na luvena vei Mosese.

Lako Yani 20:17

Mo kakua ni kocova na nona vale na kai nomu; mo kakua ni domona na watina na kai nomu, se kocova nona tamata, se nona vada, se nona pulumokau, se nona asa, se dua na ka sa nona na kai nomu.

Vosavakaibalebale 23:4

Mo kakua ni vakaceguocataki iko mo vutuniyau: Mo kua ni vakararavi ki na nomu vuku.

Aisea 41:10

kakua ni ko rere; ni'u sa tiko vata kei iko: kakua ni ko taqaya; ni'u sa nomu Kalou: ka'u na vakaukauwataki iko; io, ka'u na vukei iko; io, ka'u na tokoni iko e na ligaqu i matau sa daudina.

Aisea 41:17

Ni ra sa qara wai na malumalumu kei na dravudravua, ka sa sega; ni sa mamaca na yamedra e na viagunu; koi au ko Jiova, ka'u na rogoci ira, koi au na nodra Kalou na Isireli, ka'u na sega ni laivi ira:

Aisea 42:16

ka'u na tuberi ira na mataboko e na sala era sa lecava; ka'u na kauti ira e nai lakolako era sa sega ni kila: ka'u na vakararamataka na butobuto e matadra, ka vakadodonutaka na ka sa takelo. Na ka oqo ka'u na cakava vei ira, ka sega ni biuti ira.

Jeremaia 6:13

Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Isikeli 33:31

Ka ra sa lako mai vei iko me vaka ni ra curu mai ko ira na tamata, ka ra sa mai tiko e matamu me vakataki ira na noqu tamata, ka ra rogoca na nomu vosa, ka ra sa sega ni cakava: ni sa tiko e na gusudra na vosa vakayalololoma, ia na lomadra sa muria na nodra daukocokoco ga.

Maciu 6:19

Dou kakua ni kumuna vata vei kemudou nai yau e vuravura, e dauvakacacana kina na sarasara kei na veveka, a sa ravabasuka kina na daubutako ka butakoca:

Maciu 6:25

O koya kau sa kaya kina vei kemudou, Mo dou kakua ni lomaocaoca e na vuku ni nomudou bula, e na ka mo dou kania, se na ka mo dou gunuva: se e na vuku ni yagomudou, e na ka mo dou vakaisulu kina. Sa ka levu na bula, na kakana na ka lailai, se segai? a yago talega na ka levu, a ka lailai nai sulu, se segai?

Maciu 6:34

O koya mo dou qai kakua ni lomaocaoca e na vuku ni mataka: ena lomaocaoca na mataka e na vuku ni kena ka. Sa rauta na siga na kena ca.

Marika 7:22

na daubutako, na daukocokoco, nai valavala ca, na dauveivakaisini, na daugagano, na mata ca, na vosa vakacaca, na viavialevu, na lialia:

Luke 3:14

O ira talega na sotia, era sa mai tarogi koya, ka kaya, A cava me keimami cakava? A sa kaya vei ira ko koya, Dou kakua ni vakacacana e dua, se beitaka vakailasu; dou lomavinaka talega e na kemudoui voli.

Luke 8:14

Ia ko koya sa lutu ki na veiwa-vakavotona, sai ira era sa rogoca, a ra sa lako yani, a ra sa vakaruguti e na lomaocaoca kei nai yau kei na marau ni bula, oqo a sa sega kina ni vua dina.

Roma 1:29

me ra sinai e na ka kecega e ca, e na yaloca, e na daukocokoco, e na dauveivakacacani; me ra sinai e na vuvu, e na laba, e na veileti, e na dauveivakaisini, e na yalocudrucudru; me ra dauvakasolokakana,

1 Korinica 5:11

Ia oqo ga, kau sa vola vei kemudou, mo dou kakua ni dautiko vata kei na dua sa vakatokai me wekada, o koya sa dauyalewa tiko, se daukocokoco, se dausoro ki na matakau, se dauveivakasewasewani, se daumateni, se daukovekove: mo dou kakua ni kana vata kaya sa vakakina.

1 Korinica 6:10

kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove, era na sega ni rawata na matanitu ni Kalou.

2 Korinica 4:9

keitou sa vakacacani, ia keitou sa sega ni biu laivi; keitou sa vakabalei sobu, ia keitou sa sega ni vakarusai;

Efeso 5:3

Ia na dauyalewa, kei na ka kecega sa velavela, kei na daukocokoco, me kakua ni cavuti e na kemudou maliwa, me vaka sa kilikili kei ira era sa lotu;

Efeso 5:5

Ni dou sa kila na ka oqo, ena sega sara na nonai votavota e na matanitu nei Karisito kei na Kalou, e dua na daudara, se dua sa velavela, se dua na daukocokoco, ni sa dauqarava na kalou lasu ko koya oqo.

Vakarua 31:6

Mo ni kaukauwa ka qaqa, kakua ni rere se sautaninini e na vukudra: ni sa lako vata kei kemuni ko Jiova na nomuni Kalou, ena sega ni weletaki kemuni, se biuti kemuni.

Vakarua 31:8

Ia ko Jiova ga, sa liutaki iko, ena tiko vata kei iko ko koya, ena sega ni weletaki iko, se biuti iko mo kakua ni rere, se yalolailai.

Vakarua 4:31

(ni sa Kalou yalololoma ko Jiova na nomuni Kalou;) ena sega ni weletaki kemuni, se vakarusai kemuni, se guilecava na veiyalayalati kei ira na nomuni qase sa bubului kina vei ira ko koya.

Kolosa 3:5

O koya mo dou qai vakamatea na veitikimudou vakavuravura, a dauyalewa, nai valavala tawa-savasava, na garogaro ca, na dodomo ca, kei na kocokoco, o koya na dauqarava na kalou lasu:

1 Timoci 3:3

me kakua ni daugunu waini, me kakua ni dauveivala, me kakua ni daugarova nai yau vakasisila: me yalomalua, me kakua ni daucudrucudru, me kakua ni daukocokoco;

Josua 1:5

Ena sega e dua me vorati iko rawa e na veisiga kecega ko na bula kina: au na tiko vata kei iko, me vaka ka'u a tiko vata kei Mosese: au na sega ni weletaki iko, se biuti iko.

Josua 7:21

Ni'u a raica sa tu vata kei nai toki ni valu e dua nai tutuvi vinaka mai Sainari, kei na siliva e rua na drau na sikeli, kei na dua na uma koula sa limasagavulu na sikeli na kena bibi, au a qai kocova, ka kauta; ka raica, sa vuni e na qele e na noqu loma ni vale laca, ia na siliva sa no vata era.

2 Pita 2:14

a sa sinai na matadra e na dauyalewa, ka sa sega ni mudu rawa ni valavala ca; a ra sa dauvakacalai ira na tamata era sa yalowai: a yalodra sa dauia na kocokoco: era sa luve ni veivakarusai:

2 Pita 2:3

Ia ni ra sa daukocokoco era na vakaiyau voli e na vukumudou e na vosa e dauveivakaisini: ia na lewa makawa me ra ca sa sega so ni berabera, a sa sega ni moce na nodra rusa.

Ai Vola I Juta 1:11

Ena ca ko ira! ni ra sa muria na sala i Keni, a ra sa muria e na marau ca na caka cala i Pelami me ra vakaivoli kina, a ra sa rusa e na vosa ni veivorati i Kora.

1 Samuela 10:7

Ia ni na yacovi kemuni na veivakatakilakila oqo, mo ni kitaka na ka sa tu me caka; ni sa tiko vata kei kemuni na Kalou.

1 Samuela 12:22

Ni na sega ni laivi ira na nona tamata ko Jiova e na vuku ni yacana levu; ni sa vinakata ko Jiova me qisi kemuni mo ni nona tamata.