Iperiu 13:4 - Vakavakadewa Makawa

⁴ Sa kilikili kei ira na tamata kece na vakawati, kei nai mocemoce e sega ni veibutakoci: ia ko ira na daudara kei ira na dauyalewa ena lewai ira na Kalou.

Ai Vola Tabu (Vakadewa Makawa Vakavoutaki 2021)

⁴ Sa kilikili kei ira na tamata kecega na vakawati, kei nai mocemoce ni vakamau me savasava, ni ko ira na dauveidauci kei ira na dauveibutakoci ena lewai ira na Kalou.

AI VOLA TABU

⁴ Sa kilikili kei ira na tamata kece na vakawati, kei nai mocemoce e sega ni veibutakoci: ia ko ira na daudara kei na dauyalewa ena lewai ira ko na Kalou.

Vakavakadewa Vou kei na iVola tale eso

⁴ Sa dodonu me ra doka na tamata kecega na vakawati, ka me rau yalodina tikoga na veiwatini ena kena maroroi na savasava ni nodrau i mocemoce. Ni na lewai ira ga na dau kitaka na i tovo vakasisila ni yago kei ira na dauveibutakoci na Kalou.

Ai Vola Tabu Ena Vakavakadewa Vou

⁴ Sa dodonu me ra doka na tamata kecega na vakawati, ka me rau yalodina tikoga na veiwatini ena kena maroroi na savasava ni nodrau i mocemoce. Ni na lewai ira ga na dau kitaka na i tovo vakasisila ni yago kei ira na dauveibutakoci na Kalou.

Iperiu 13:4 Iomraidhean Croise

Vakatekivu 2:21

Ia na Kalou ko Jiova sa vakayacora me biti Atama e dua na moce lutu, a sa moce kina ko koya: a sa kauta tani ko koya e dua na sui ni sarisarina, a sa cakava na lewena me veiuturi me kenai sosomi:

Vakatekivu 2:24

O koya oqo sa na biuta kina na tamana kei tinana na tagane, ka kabita na watina: a rau na lewe dua ga.

2 Tui 22:14

A sa lako ko iratou ko Ilikaia na bete, kei Eaikami, kei Akipori, kei Safani, kei Asaia, kivei Ulita na parofita yalewa, na wati i Salumi na luve i Tikiva, na luve i Ariasi, o koya sa daumaroroya nai sulu; (ia sa tiko ko koya mai Jerusalemi, e na kenai karua ni yasana;) a ratou sa veivosaki kaya.

Jope 31:12

Ni sa bukawaqa oqori sa katia me yacova na rusa, Sa na cavuivuvu kina na noqu i yau kecega.

Aisea 8:3

Ia ka'u a lako vua na parofita yalewa; ka sa kunekune ko koya, ka vakasucuma e dua na gonetagane. Sa qai kaya vei au ko Jiova, Mo vakayacani koya ko Measalali-asi-pasi.

Vunau ni Soro 15:18

A yalewa talega erau sa koto kaya na tagane sa bura loa na nona wai, me rau sili e na wai, ia me rau sega ni savasava ka yacova na yakavi.

Vunau ni Soro 18:20

Mo kakua talega ni mocera na watina na kai nomu, mo vakavelavelataki iko vata kaya.

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

1 Korinica 5:13

Ia ko ira sa sega ni curu sa lewa na Kalou. O koya mo dou qai biuta tani vei kemudou na tamatai valavala ca ko ya.

1 Korinica 6:18

Dou dro tani mai na daudara. Sa ka e taudaku ni yago nai valavala ca kecega sa kitaka na tamata, ia ko koya sa daudara sai valavala ca ki na yagona.

1 Korinica 6:9

Dou sa sega beka ni kila, ni na sega ni rawata na matanitu ni Kalou ko ira sa sega ni yalododonu? Dou kakua ni vakaisini kemudou: o ira na daudara, kei ira na dausoro ki na matakau, kei ira na dauyalewa, kei ira na viavia vaka na yalewa, kei ira na veimoceri vakatagane,

1 Korinica 7:38

Sa qai vakaoqo, o koya sa solia na luvena-yalewa me vakawati sa caka vinaka ga; ia ko koya sa sega ni solia me vakawati sa caka vinaka cake.

1 Korinica 9:5

keitou sa sega beka ni veitalia me keitou kauta voli e dua na yalewa lotu, sa wati i keitou, me vakataki ira nai apositolo tani, kei iratou na taci ni Turaga, kei Kifa?

2 Korinica 5:10

Ni da na rairai koi keda kecega e na mata ni tikotiko ni veilewai nei Karisito; me da rawata yadua nai sau ni veika sa caka e na yagona, me vaka na veika sa cakava ko koya, se vinaka se ca.

Kalatia 5:19

Ia sa votu na cakacaka ni tovo vakayago, ka sa vakaoqo: A dauveibutakoci, na daudara, nai valavala tawa-savasava, na daugarogaro,

Kalatia 5:21

na dauvuvu, na daumateni, na daumarau vakalialia, kei na veika sa vakakina: a veika oqo au sa tukuna vei kemudou, me vaka kau a tukuna makawa talega ni na sega ni rawata na matanitu ni Kalou ko ira era sa kitaka na veika vakaoqo.

Efeso 5:5

Ni dou sa kila na ka oqo, ena sega sara na nonai votavota e na matanitu nei Karisito kei na Kalou, e dua na daudara, se dua sa velavela, se dua na daukocokoco, ni sa dauqarava na kalou lasu ko koya oqo.

Vakarua 22:22

Kevaka sa kune e dua na tamata ni sai valavala ca vata kei na yalewa sa vakawati, erau na mate ruarua, na tagane sa ca vata kaya na yalewa, kei na yalewa talega: kemuni na vakaotia kina na ca maivei Isireli.

1 Cesalonaika 4:6

me kakua e dua me laki lawaki ca se vakacacana na kai nona e na ka oqo; ni sa cudrutaka na ka kecega oqo na Turaga, me vaka talega ni keitou a vakasalataki kemudou kina eliu ka dautukuna.

1 Timoci 3:12

Me sa yadua ga na watidra na tuirara, ia me ra lewai ira vinaka na luvedra, kei na nodra lewe-ni-vale.

1 Timoci 3:2

O koya sa kilikili kaya nai talatala qase me tawa cala, me dua bauga na watina, me yalomamakutu, me yalomatua, mei valavala dodonu, me daulomasoli, me vakatavuvuli vakavuku;

1 Timoci 3:4

me lewai ira vinaka na nona lewe-ni-vale, ka me talairawarawa ko ira na luvena ka ia nai valavala sa kilikili;

1 Timoci 4:3

era sa dautarova na vakawati, a ra sa vakatabuya na kakana eso, sa cakava na Kalou me ra kania ka vakavinavinaka kina ko ira sa vakabauta ka kila nai vakavuvuli dina.

1 Timoci 5:14

O koya oqo kau sa vinakata kina me ra vakawati ko ira na yada era tamata bula, me ra vakasucu gone, me ra lewa na vale, ka me ra kakua ni kitaka e dua na ka me vosa vakacaca kina na meca.

Vei Taito 1:6

kevaka e dua sa sega ni cala, sa vakawati vakadua, a ra sa vakabauta ko ira na luvena, a sa sega ni beitaki vei ira nai valavala vakatani, se na talaidredre.

Iperiu 12:16

de dua na daudara, se dua sa beca na ka tabu, me vakataki Iso, o koya ka volitaka na nona ulumatua e na kakana e dua bau:

Vakatakila 22:15

Sa tu e taudaku ko ira na koli, kei ira era sa daukitaka na ka vakatevoro, kei ira na dauyalewa, kei ira na daulaba, kei ira era sa daumasu ki na veimatakau, kei ira kece era sa vinakata na lasu ka kitaka tiko.