Iperiu 11:9 - Vakavakadewa Makawa

⁹ Ni sa vakabauta sa laki tiko vulagi kina e na vanua ka yalataki, me vaka sa sega ni nona, ka tiko walega e na veivale laca, ko Aisake talega kei Jekope, eratou taukena vata emuri na ka ko ya ka yalataki:

Ai Vola Tabu (Vakadewa Makawa Vakavoutaki 2021)

⁹ Ni sa vakabauta sa laki bula voli kina e na vanua ka yalataki, me vaka ni sa vanua vulagi, ka tiko walega e na veivale laca, ko Aisake talega kei Jekope, eratou taukena vata e muri na ka ko ya ka yalataki.

AI VOLA TABU

⁹ Sa vakabauta sa tiko kina ko koya me vaka na vulagi e na vanua ka yalataki, me vaka e na nodra na tani, ka tiko walega e na veivale gatu, ko Aisake talega kei Jekope, eratou taukena vata emuri na ka ko ya ka yalataki:

Vakavakadewa Vou kei na iVola tale eso

⁹ E na vuku ni vakabauta sa tiko vakavulagi voli kina o koya ena vanua sa yalataka vua na Kalou. A sa bula voli ga ena valelaca eso, a sa vakakina o Aisake kei Jekope, oi rau ka sa ciqoma talega na vosa ni yalayala vata o ya mai vua na Kalou.

Ai Vola Tabu Ena Vakavakadewa Vou

⁹ E na vuku ni vakabauta sa tiko vakavulagi voli kina o koya ena vanua sa yalataka vua na Kalou. A sa bula voli ga ena valelaca eso, a sa vakakina o Aisake kei Jekope, oi rau ka sa ciqoma talega na vosa ni yalayala vata o ya mai vua na Kalou.

Iperiu 11:9 Iomraidhean Croise

Vakatekivu 12:8

A sa lako tani maikea ko koya ki na ulu-ni-vanua vaka ki na tu-i-cake mai Peceli, a sa birika na nona vale laca, a sa koto vaka ki ra ko Peceli, ka vaka ki na tu-i-cake ko Ai; a sa cakava maikea e dua nai cabocabo-ni-soro vei Jiova, a sa masuta na yaca i Jiova.

Vakatekivu 13:18

A sa cavuta na nona vale laca ko Eparama, ka la'ki tiko mai na kau eso mai Mamire, ko koya mai Epironi, a sa cakava maikea e dua nai cabocabo-ni-soro vei Jiova.

Vakatekivu 13:3

A sa lako ko koya e na nona lako tu mai na Ceva ka yaco ki Peceli, ki na yasana ka tiko kina eliu na nona vale laca, e na macawa i Peceli kei Ai;

Vakatekivu 17:8

ia ka'u na solia vei iko kei ira na nomu kawa, na vanua ko sa tiko vulagi kina, a vanua taucoko ko Kenani, ka me ra taukena ka tawa mudu; ia ka'u na nodra Kalou.

Vakatekivu 18:6

A sa lako vakatotolo ki loma ni vale laca kivei Sera ko Eparaama, a sa kaya, Mo kusarawa mo vakarautaka e tolu nai vakarau madrai droka; mo natuka, ka tavuna eso na keki.

Vakatekivu 18:9

A ratou a kaya vua, Sa evei ko Sera na watimu? A sa kaya ko koya, Raica, sa tiko mai vale.

Vakatekivu 21:34

A sa vuqa na siga sa tiko kina ko Eparaama e na vanua ko Filisitia.

Vakatekivu 23:4

Koi au na kai tani ka sa tiko vakavulagi vei kemudou: dou solia mai me noqu e dua na tiki ni vanua mei bulubulu vei kemudou, me'u buluta kina na noqu mate me yali kina e mataqu.

Vakatekivu 25:27

A rau sa tubu na gone: a sa yaco me kena dau ni tobo manumanu e yavai va ko Iso, a tamata daulasa mai veikau; ia ko Jekope na tamata dautiko malua, ka sa tiko e na vale laca.

Vakatekivu 28:4

ka vakayacora vei iko na veivakalougatataki i Eparaama, io, vei iko, kei ira talega na nomu kawa; mo taukena na vanua ko sa tiko vulagi kina, ka solia vei Eparaama na Kalou.

Vakatekivu 31:25

A sa yaco sara vei Jekope ko Lepani. Ia ko Jekope, sa birika na nona vale laca e na ulu-ni-vanua: kei Lepani kei iratou na wekana, eratou a birika mai na ulu-ni-vanua ko Kiliati.

Vakatekivu 35:27

A sa lako mai ko Jekope kivei Aisake na tamana mai Mamire, ki na koro i Aripa, [ko ya ko Epironi,] ka dautiko vulagi kina ko Eparaama kei Aisake.

Vakatekivu 36:7

Ni sa rui levu na nodrau ka, ka dredre kina na nodrau tiko vata; sa sega ni rauti rau na vanua erau a tiko vulagi kina, e na vuku ni nodrau manumanu.

Vakatekivu 47:9

A sa kaya vei Fero ko Jekope, A yabaki ni noqu tiko vulagi voli sa dua na drau ka tolusagavulu na yabaki: sa vica ga ka ca na yabaki ni noqu bula, a sa sega ni yacova na yabaki ni nodra bula na noqu qase e na gauna ni nodra tiko vulagi.

NA SAME 105:12

Ni ra sa lewe lailai ga na tamata; Io, ni ra lewe lailai sara, ka vulagi kina.

Jeremaia 35:7

dou kakua talega ni tara vale; dou kakua ni kaburaka na sila; kei na were-ni-vaini, dou kakua ni tea, se taukena: ia mo dou tiko ga e na vale laca e na veisiga kece ni nomudou bula; mo dou bula vakadede e na vanua dou sa vulagi kina.

Iperiu 6:17

Sa vakakina na Kalou, ni sa vinakata ko koya me vakatakila dina sara kivei ira era na taukena na ka ka yalataki ni sa tu dei na nona lewa, sa vakadinadinataka e na bubului: