Iperiu 11:3 - Vakavakadewa Makawa

³ Na vakabauta eda sa kila kina ni sa ia na veibuli e na vosa ni Kalou, ia sa sega ni caka na veika sa rairai mai e na veika sa kune tiko.

Ai Vola Tabu (Vakadewa Makawa Vakavoutaki 2021)

³ Na vakabauta eda sa kila kina ni sa ia na veibuli e na vosa ni Kalou, ia sa sega ni caka na veika sa rairai mai e na veika sa kune tiko.

AI VOLA TABU

³ Sa vakabauta eda sa kila kina ni ka ia na veibuli e na vosa ni Kalou, a sa sega ni veika sa rairai sa caka maikina na veika sa raici.

Vakavakadewa Vou kei na iVola tale eso

³ E na vuku ni vakabauta eda sa kila kina ni sa buli na vuravura ena vosa ni Kalou, me yaco rawa kina me caka na veika sa raici rawa mai na veika sa tawa raici.

Ai Vola Tabu Ena Vakavakadewa Vou

³ E na vuku ni vakabauta eda sa kila kina ni sa buli na vuravura ena vosa ni Kalou, me yaco rawa kina me caka na veika sa raici rawa mai na veika sa tawa raici.

Iperiu 11:3 Iomraidhean Croise

Vakatekivu 1:1

Enai vakatekivu sa bulia na lomalagi kei na vuravura na Kalou.

NA SAME 33:6

Sa caka na lomalagi e na vosa i Jiova; Kei na lewena kecega e nai cegu ni gusuna.

NA SAME 33:9

Ni sa kaya ko Koya, ka sa yaco; Sa vakarota ko Koya, ka sa tu dei.

Aisea 40:26

Dou ta cake, ka rai yani; ko cei ka bulia na ka oqori? ka sa kauta vakamataivalu mai na kedrai vavakoso? sa kacivi ira kecega e na yacadra, ka ni sa levu na nona kaukauwa, ka sa daugumatua sara; sa sega e dua sa yali.

Jeremaia 10:11

Mo dou kaya vei ira vakaoqo, A kalou, era sa sega ni bulia na lomalagi kei na vuravura, era na rusa tani yani mai na dela i vuravura, ka mai na ruku i lomalagi talega.

Jeremaia 10:16

Sa sega ni vakakina na nodra i votavota na Jekope: ni sa bulia na ka kecega ko koya; ia ko ira na Isireli, era sa dua nai votavota sa taukena ko koya: ko Jiova ni lewe vuqa na yacana.

Joni 1:3

Sa cakava na ka kecega ko koya; a sa sega e dua na ka sa caka, me sega ni cakava ko koya.

Cakacaka 14:15

ka kaya, Oi kemuni na turaga, a cava ko ni sa kitaka kina na veika oqo? eda sa tamata vata kai tovo vata talega kei kemuni, ia keirau sa vunau vei kemuni mo ni saumaki tani mai na veika oqo sa sega ni yaga, kivei koya na Kalou bula, ko koya ka buli lomalagi, kei vuravura, kei na wasawasa, kei na ka kecega sa tu kina:

Cakacaka 17:24

A Kalou ka buli vuravura kei na ka kecega sa tu kina, sa Turaga ga ko koya mai lomalagi kei vuravura, a sa sega ni tiko e na veivale ni soro sa caka e na liga;

Roma 4:17

(me vaka sa volai, Au sa qisi iko mo tamadra na veivanua e vuqa,) e na matana sa vakabauta ko koya, io, na Kalou, o koya sa vakabulai ira tale na mate, a sa kaciva na veika sa segai me vaka era sa tu:

1 Korinica 2:7

ia na vuku ga ni Kalou keitou sa tukuna e na ka vuni, io, oqori ka vunitaki eliu, ka lesia na Kalou ni sa bera ni caka ko vuravura me da vakalougatataki kina;

1 Timoci 4:5

ni sa vakasavasavataki e na vosa ni Kalou kei na masu.

Iperiu 1:2

ia sai koya na Luvena sa vosa kina vei keda ko koya, e na gauna mai ki muri oqo; o koya sa lesia ko koya mei taukei ni ka kecega, o koya sa bulia talega kina na vuravura kecega;

Iperiu 6:5

ka tovolea na vosa vinaka ni Kalou, kei na kaukauwa ni bula ena muri mai,

2 Pita 3:5

Ia na ka oqo era sa vinakata me ra lecava, ni sa vosa ni Kalou ka tu kina na lomalagi eliu, kei na vuravura sa wase mai na wai, a sa tu e na vuku ni wai;

Vakatakila 4:11

Kemuni na neitou Turaga kei na neitou Kalou, sa dodonu me ia vei kemuni na vakarokoroko kei na veidokadokai, kei na kaukauwa: ni sai kemuni ka bulia na ka kecega, era sa buli ga ka tu dei talega e na nomuni lewa.