Iperiu 11:12 - Vakavakadewa Makawa

¹² o koya sa tubu kina mai vua e lewe dua, o koya e vaka sa mate, e lewe vuqa me vaka na veikalokalo ni lomalagi, e vaka talega na nuku mai matasawa e sega ni wili rawa.

Ai Vola Tabu (Vakadewa Makawa Vakavoutaki 2021)

¹² O koya sa tubu kina mai vua e lewe dua na tagane, o koya ka sa qase sara, “e lewe vuqa me vaka na veikalokalo ni lomalagi, ka vaka talega na nuku mai matasawa e sega ni wili rawa.”

AI VOLA TABU

¹² o koya sa tubu kina mai vua e lewe dua, o koya sa vaka na mate, e lewe vuqa me vaka na veikalokalo ni lagi, e vaka talega na nuku e na matasawa e tawa wiliki rawa.

Vakavakadewa Vou kei na iVola tale eso

¹² Ia mai vua e duabau ga na tamata, o koya ka sa wili tu me vaka na tamata mate, sa qai tubu cake mai vua e vuqa sara na nona kawa, ka kedra lewe levu e sa vaka na i wiliwili ni kalokalo ni lomalagi kei na mataninuku ni matasawa, ni sa sega ni wiliki rawa!

Ai Vola Tabu Ena Vakavakadewa Vou

¹² Ia mai vua e duabau ga na tamata, o koya ka sa wili tu me vaka na tamata mate, sa qai tubu cake mai vua e vuqa sara na nona kawa, ka kedra lewe levu e sa vaka na i wiliwili ni kalokalo ni lomalagi kei na mataninuku ni matasawa, ni sa sega ni wiliki rawa!

Iperiu 11:12 Iomraidhean Croise

Vakatekivu 15:5

A sa kauti koya ki tautuba, ka kaya, Mo raici lomalagi mada, ka wilika na kalokalo kevaka ko sa wilika rawa. A sa kaya vua, Sa na vakakina na nomu kawa.

Vakatekivu 22:17

au na vakalougatataki iko vakalevu, ka vakavuqataka vakalevu na nomu kawa me ra vaka na kalokalo ni lomalagi, kei na nuku mai matasawa; ia ena taukena na matamata-ni-koro ni nodra meca ko ira na nomu:

Vakatekivu 26:4

ia ka'u na vakalewevuqataka na nomu kawa me ra vaka na kalokalo kei lomalagi, ka solia talega na veivanua kecega oqo vei ira na nomu kawa; ena kalougata talega na veimatanitu kecega e vuravura e na nomu kawa;

Vakatekivu 32:12

Ia ko ni a kaya, Ka'u na caka vinaka vakaidina vei iko, ka vakatubura na nomu kawa me ra vaka na nuku mai matasawa, sa sega ni wili rawa ni ra sa lewe vuqa.

2 Samuela 17:11

O koya oqo ka'u sa kaya kina me ra soqoni vata vei kemuni ko ira kecega na Isireli, mai Tani ka yaco sara ki Pieri-sepa, me vaka na mata ni nuku mai matasawa na kedra lewe vuqa; ia mo ni lako talega e nai valu koi kemuni.

1 Tui 4:20

Sa ra lewe vuqa ko ira na Juta kei ira na Isireli, me vaka na nuku mai matasawa na kedrai wiliwili, era sa kana, ka gunu, ka marau tiko.

1 Veigauna 27:23

A sa sega ni wiliki ira ko Tevita sa ruasagavulu na nodra yabaki ka toro sobu, ni sa kaya oti ko Jiova ena vakalewevuqataki ira na Isireli, me vaka na veikalokalo mai na lomalagi.

Niemaia 9:23

A luvedra talega ko ni a vakalewevuqataka me ra tautauvata kei na kalokalo kei lomalagi, ka kauti ira ki na vanua, ko ni a yalataka vei ira na nodra qase, me ra curu kina ka taukena.

Lako Yani 32:13

Ko ni nanumi Eparaama, kei Aisake, kei Isireli, na nomuni tamata, ko ni a bubului vei ira ka cavuti kemuni, ka kaya, Au na vakalewevuqataka na nomudou kawa me ra vaka na veikalokalo ni lomalagi, ia ka'u na solia vei ira na nomudou kawa na vanua taucoko oqo ka'u sa vosa kina, me ra kenai taukei ka sega ni mudu.

Aisea 10:22

Ia kevaka ena vaka na nuku ni wasawasa ko ira na nomu tamata, na Isireli, ena lesu ga mai na kena vo: ia na kawaboko sa lesi me yaco ena rairai levu kina na kena caka vakadodonu.

Aisea 48:19

na nomu kawa sa na vaka na nuku, kei na luvemu era na vaka na mata ni nuku; ena sa sega ni muduki se bokoci na yacana mai na mataqu.

Jeremaia 33:22

Me vaka sa sega ni wili rawa na kalokalo mai lomalagi, se vakarauti rawa na nuku ni matasawa: ka'u na vakalewevuqataka vakakina na kawa i Tevita na noqu tamata, kei na kawa i Livai era sa qaravi au.

Osea 1:10

Ia na kedrai wiliwili na Isireli ena vaka na mata ni nuku ni waitui, sa sega ni vakarauti se wili rawa; ia ena yaco, e na yasana ka kainaki kina vei ira, Dou sa sega ni noqu tamata, ena kainaki kina vei ira, Dou sa luve ni Kalou bula.

Apakuki 1:9

Era sa lako ga mai me ra ia kece na veivakacacani; sa taudonu mai na matadra me vaka na cagi mai na tu-i-cake, a ra sa vakasoqona na bobula me vaka na nuku.

Roma 9:27

Sa kacivaki ira na Isireli ko Aisea talega, Kevaka sa tautauvata na kedrai wiliwili na Isireli kei na nuku ni waitui, ia ena bula ga na kena vo:

Vakarua 1:10

sa vakalewevuqataki kemuni ko Jiova na nomuni Kalou, ka raica, kemuni sa lewe vuqa edaidai me vaka na veikalokalo mai lomalagi.

Vakarua 28:62

Ia kemuni ka vo tiko ena lewe lailai, ia eliu kemuni sa vaka na veikalokalo ni lomalagi e na kemuni lewe vuqa; ni kemuni a bese ni vakarorogo ki na vosa i Jiova na nomuni Kalou.

Josua 11:4

A ra lako yani, ko ira vata kei na nodra i valu kecega, era sa lewe vuqa, me vaka na nuku mai matasawa, kei na ose kei na qiqi-ni-valu na ka levu sara.

Vakatakila 20:8

ena qai lako tani yani ko koya me temaki ira na veivanua era sa tiko e na yasa i vuravura e va, ko Koki kei Mekoki, me vakasoqoni ira vata me ra vala: a kedrai wiliwili sa vaka na mata ni nuku ni matasawa.

Dauveilewai 7:12

A ra sa koto e na buca me vaka na vodre na kedrai wiliwili ko ira na kai Mitiani, kei ira na Amalekaiti, kei ira kecega mai na tu-i-cake; kei na nodra kameli sa sega ni wili rawa, na kedrai wiliwili sa vaka na nuku sa no mai matasawa.

1 Samuela 12:5

A sa kaya vei ira ko koya, Sa vakadinadina vei kemuni ko Jiova, a sa vakadinadina edaidai oqo na nona lumuti, ni kemuni sa sega ni kunea e dua na ka e ligaqu. A ra sa kaya, Sa vakadinadina ko koya.