Iperiu 10:7 - Vakavakadewa Makawa

⁷ Au sa qai kaya, Raica, au sa lako mai, (Au a volai e nai vola vivigi,) Me'u cakava na ka ko sa vinakata, na Kalou.

Ai Vola Tabu (Vakadewa Makawa Vakavoutaki 2021)

⁷ Au sa qai kaya, ‘Raica, au sa lako mai, (au a volai e nai vola vivigi) me'u cakava na ka ko sa vinakata, na Kalou.’ ”

AI VOLA TABU

⁷ au sa qai kaya, Raica, au sa lako mai, (au a volai e nai vola vivigi,) meʼu cakava na ka ko sa vinakata, na Kalou.

Vakavakadewa Vou kei na iVola tale eso

⁷ Au sa qai kaya, ‘Oi au oqo, Me'u vakayacora na lomamuni, kemuni na Kalou, Me vaka sa volai tu ena i vola vivigi ena vukuqu.’ ”

Ai Vola Tabu Ena Vakavakadewa Vou

⁷ Au sa qai kaya, ‘Oi au oqo, Me'u vakayacora na lomamuni, kemuni na Kalou, Me vaka sa volai tu ena i vola vivigi ena vukuqu.’ ”

Iperiu 10:7 Iomraidhean Croise

Vakatekivu 3:15

ia ka'u na vakaveimecakitaki kemudrau kei na yalewa, kei na nomu kawa kei na nona kawa; ena butuqaqia na ulumu ko koya, ia ko na qaqia na bukubuku-ni-yavana.

Esera 6:2

A sa kune e dua nai vola vivigi mai Akimeca, e na vale vakaturaga mai na vanua ko Mitia, sa volai kina na ka me nanumi, ka sa vaka tu oqo:

Vosavakaibalebale 8:31

Ka rekitaka na nona veivanua e vuravura sa tawa rawa; Ia ka'u a daumarautaki ira na luve ni tamata.

Aisea 50:5

Sa basuka na daligaqu na Turaga ko Jiova, ia ka'u a sega ni beca, ka'u a sega ni vakanadakuya.

Jeremaia 36:2

Mo taura e dua nai vola vivigi, ka vola kina na vosa kecega ka'u sa tukuna vei iko ka baleti ira na Isireli, kei ira na Juta, kei na veimatanitu kecega, mai na siga ka'u a vosa kina vei iko, io mai na gauna i Josaia, ka yacova na siga oqo.

Isikeli 2:9

Ia ni'u a vakaraica, raica, sa dua na liga sa dodo mai vei au; ka raica, sa tu kina e dua nai vola vivigi;

Isikeli 3:1

A sa kaya vei au ko koya, Ko iko na Luve ni tamata, na ka ko sa kunea mo kania, mo kania nai vola vivigi oqo, ka la'ki vosa vei ira na mataqali i Isireli.

Joni 4:34

Sa kaya vei ira ko Jisu, A qau kakana meu kitaka na loma i koya sa talai au mai; ka meu vakaotia na nona cakacaka.

Joni 5:30

Au sa sega ni kitaka rawa e dua na ka vakai au ga: au sa lewa me vaka na ka kau sa rogoca: a sa dodonu na noqu lewa; niu sa sega ni muria na lomaqu, a loma i Tamaqu ga ko koya sa talai au mai.

Joni 6:38

Niu sa sega ni lako sobu mai lomalagi meu kitaka na lomaqu, meu kitaka ga na loma i koya sa talai au mai.