Iperiu 10:10 - Vakavakadewa Makawa

¹⁰ Ia eda sa vakasavasavataki e na vuku ni lewa oqo, e na yago i Jisu Karisito ni sa cabori vakadua.

Ai Vola Tabu (Vakadewa Makawa Vakavoutaki 2021)

¹⁰ Ia eda sa vakasavasavataki e na vuku ni lewa oqo, e na yago i Jisu Karisito ni sa cabori vakadua.

AI VOLA TABU

¹⁰ Ia eda sa vakasavasavataki e na vuku ni veitalia o qo, e na yago i Jisu Karisito ni sa cabori vakadua.

Vakavakadewa Vou kei na iVola tale eso

¹⁰ Ni sa vakayacora o Karisito na ka e vinakata na Kalou, eda sa vakasavasavataki kece kina mai na noda i valavala ca ena vuku ni nona solia na yagona me i soro sa cabori vakadua ga me baleta na tamata kecega.

Ai Vola Tabu Ena Vakavakadewa Vou

¹⁰ Ni sa vakayacora ko Karisito na ka e vinakata na Kalou, eda sa vakasavasavataki kece kina mai na noda i valavala ca ena vuku ni nona solia na yagona me i soro sa cabori vakadua ga me baleta na tamata kecega.

Iperiu 10:10 Iomraidhean Croise

Sakaraia 13:1

E na siga ko ya ena vure cake e dua na mata-ni-wai dauvure vei ira na mataqali i Tevita, kei ira na kai Jerusalemi, me vuivui ni valavala ca kei na tawa savasava.

Joni 17:19

Ia kau sa vakatabui au e na vukudra, me ra vakatabui talega e nai vakavuvuli dina.

Joni 19:34

ia sa suaka na sarisarina e dua na sotia e na dua na moto, a sa dave sara maikina na dra kei na wai.

Joni 6:51

Koi au na madrai bula sa lako sobu mai lomalagi; kevaka sa dua e kania na madrai oqo, ena bula ka tawa mudu: ia na madrai kau na solia sa lewequ, o koya kau na solia me bula kina ko ira na kai vuravura.

1 Korinica 1:30

Ia maivei koya ga dou sa tu vata kina kei Karisito Jisu, o koya sa cakava na Kalou me vu ni vuku vei keda, ka vu ni vakadonui, ka vu ni vakasavasavataki, ka vu ni bula;

1 Korinica 6:11

Ia dou sa vakakina eliu koi kemudou eso: ia dou sa sili, dou sa vakasavasavataki, dou sa vakadonui, e na yaca ni Turaga ko Jisu Karisito, kei na Yalo ni noda Kalou.

Efeso 5:2

ka dou ia tikoga nai valavala ni loloma, me vaka sa loloma talega na Karisito vei kemudou, a sa soli koya e na vukuda mei madrali kai soro vua na Kalou me ka boi vinaka.

Efeso 5:26

me vakasavasavataka ka derea ni sa vuya e na wai kei na vosa,

Iperiu 10:12

ia ko koya oqo, ni sa vakacabora oti vakadua nai soro e dua ga e na vuku ni valavala ca, sa qai tiko sobu e na liga i matau ni Kalou;

Iperiu 10:14

Ni sa vakacabora vakadua nai soro sa cakava kina ko koya na ka kecega e yaga vei ira era sa vakasavasavataki tiko.

Iperiu 10:20

e na sala vou ka bula, o koya sa qai vakatara vei keda ko koya, ia sa ka e curu kina nai lati, oqori na yagona;

Iperiu 10:29

dou vakasama se na vakaevei na kena levu cake ni cudruvi, sa dodonu me yaco vua, sa butuka na Luve ni Kalou, a sa vakawaletaka na dra ni veiyalayalati sa vakasavasavataki kina, a sa beci koya na Yalo ni loloma?

Iperiu 10:5

O koya oqo sa kaya kina ko koya ni sa lako mai ki vuravura, Ai soro kei nai madrali ko sa sega ni vinakata, Ia ko sa vakarautaka ga vei au na yago:

Iperiu 13:12

O koya ga oqo sa mate kina ko Jisu e taudaku ni matamata-ni-koro, me vakasavasavataki ira na tamata e na nona dra.

Iperiu 2:11

Ni sa dua bauga na Tamadra, ko koya sa vakasavasavataka kei ira era sa vakasavasavataki: ia e na vuku ni ka oqo sa sega kina ni madua ko koya me vakatokai ira me ra tacina;

Iperiu 2:14

Ia ni sa lewe vata ka dra vata ko ira na gone, sa yaco talega ko koya me vakakina; me vakamalumalumutaki koya kina sa lewa na mate, o koya na tevoro, e na vuku ni mate;

Iperiu 5:7

O koya oqo e na veisiga ni nona tiko vakatamata, ni sa cabora oti na kerekere, kei na masumasu, kei na tagi vakararawa, ni sa vakawai na matana, vua sa rawata me vakabulai koya mai na mate, a sa rogoci ga e na ka sa rerevaka ko koya;

Iperiu 7:27

o koya e sega kina ni yaga e na veisiga, me vakacabora taumada nai soro ni nonai valavala ca, ia emuri nai soro ni nodra i valavala ca na tamata, me vakataki ira na bete levu: ni sa cakava oqo vakaduaga ko koya, ni sa vakacabori koya.

Iperiu 9:12

e sega talega e na dra ni me kei na luve ni pulumokau, e na nona dra ga sa curu vakadua ki na loqi tabu sara, ni sa rawata me solia na bula tawa mudu.

Iperiu 9:14

ena vakatanievei na dra nei Karisito, o koya ka vakacabori koya vua na Kalou e na vuku ni Yalo Tabu tawa mudu ia ka sega vua na ca, ena sega beka ni rawarawa sara me vui laivi kina na nomudou lewa-eloma mai na cakacaka sa ka ni mate, mo dou qarava na Kalou bula?

Iperiu 9:26

ia ke sa vakakina ke sa dodonu me mate vakavuqa mai nai vakatekivu kei vuravura: sa qai vakarairaitaki vakadua ko koya e nai vakataotioti ni veigauna sa loku me kauta tani nai valavala ca ni sa vakacabori koya.

Iperiu 9:28

sa vakacabori vakadua vaka talega kina na Karisito me cudruvi e na vuku ni valavala ca ni lewe vuqa; ka na rairai mai vakarua ko koya kivei ira sa waraki koya me ra bula, ia ena sega ga mei soro.

1 Pita 2:24

o koya ga vakai koya ga ka colata na nodai valavala ca e na yagona e na kauveilatai, me da mate tu ki nai valavala ca, ka ia nai valavala dodonu e na noda bula: ia sa we ni kena kuita dou sa vakabulai kina.

1 Pita 3:18

Ni sa vakararawataki vakadua na Karisito talega e na vuku ni valavala ca, o koya na caka dodonu e na vukudra na caka cala, me kauti keda kina vua na Kalou, ni sa vakamatei na yagona, a sa vakabulai na yalona.

1 Joni 5:6

O koya oqo ka lako mai kei na wai kei na dra, o Jisu Karisito; sa segai kei na wai walega, ia, kei na wai kei na dra talega. Ia sai koya na Yalo Tabu sa vakadinadina, ni sa vu ni dina na Yalo Tabu.