Filipai 1:7 - Vakavakadewa Makawa

⁷ ia sa dodonu meu nanumi kemudou kecega vakaoqo, ni dou sa tiko e na lomaqu; ni dou sa rawata vata kei au na loloma koi kemudou kecega, niu sa vesu tu, ka totaka ka vakadinadinataka nai tukutuku-vinaka.

Ai Vola Tabu (Vakadewa Makawa Vakavoutaki 2021)

⁷ Ia sa dodonu me'u nanumi kemudou kecega vakaoqo, ni dou sa tiko e na lomaqu, ni dou sa rawata vata kei au na loloma koi kemudou kecega, ni'u sa vesu tu, ka totaka ka vakadinadinataka nai tukutuku-vinaka.

AI VOLA TABU

⁷ ia ka sa dodonu meʼu vakasami kemudou kecega vakaoqo, ni dou sa tiko e na lomaqu; ni dou sa rawata vata kei au na loloma koi kemudou kecega, niʼu sa vesu tu, ka totaka ka vakadinadinataka nai tukutuku-vinaka.

Vakavakadewa Vou kei na iVola tale eso

⁷ Au sa dau nanumi kemuni vakalevu! O koya oqo sa dodonu kina me vakaoqo na i vakarau ni yaloqu vei kemuni. Ni o ni sa vakaivotavota vata kei au ena loloma-savu ni Kalou ena noqu tiko e valeniveivesu kei na gauna talega au bula galala tu kina, ka me'u taqomaka ka vakadeitaka na kosipeli.

Ai Vola Tabu Ena Vakavakadewa Vou

⁷ Au sa dau nanumi kemuni vakalevu! O koya oqo sa dodonu kina me vakaoqo na i vakarau ni yaloqu vei kemuni. Ni o ni sa vakaivotavota vata kei au ena lolomasavu ni Kalou ena noqu tiko e valeniveivesu kei na gauna talega au bula galala tu kina, ka me'u taqomaka ka vakadeitaka na kosipeli.

Filipai 1:7 Iomraidhean Croise

Cakacaka 20:23

oqo ga ni sa vakatakila vei au na Yalo Tabu e na veikoro kecega, ka kaya sa waraki au nai vesu kei na rarawa.

Cakacaka 21:33

Sa qai lako voleka na turaga levu, ka tauri koya, a sa kaya me vesuki e na sinucodo e rua; a sa taroga se ko cei ko koya, ka cava talega ka kitaka.

1 Korinica 13:7

sa ubia na ka kecega, sa vakabauta na ka kecega, sa vakanuinuitaka na ka kecega, sa vosota na ka kecega.

1 Korinica 9:23

Ia kau sa cakava na ka kecega e na vuku ni tukutuku-vinaka, meu rawata vata kina kei kemudou na kenai sau.

2 Korinica 3:2

Oi kemudou ga na neitou i vola sa volai e na loma i keitou, era sa kila ka wilika ko ira na tamata kecega;

2 Korinica 7:3

Sa sega ni vosa ni veibeitaki na noqu vosa oqo: niu sa kaya oti eliu, dou sa tiko e na yalo i keitou me da bula vata ka mate vata.

Kalatia 5:6

Ni da sa tu vata kei Karisito Jisu, sa sega ni yaga me cili, se me sega ni cili; sa yaga ga na vakabauta sa daucakacaka yaco e na loloma.

Efeso 3:1

E na vuku ni ka oqo koi au ko Paula, sa nei Karisito Jisu, ka sa vesu tu e na vukumudou sa matanitu tani,

Efeso 4:1

O koya oqo kau masuti kemudou kina oi au sa vesu tu e na vuku ni Turaga, mo dou ia tiko nai valavala sa kilikili kei nai tutu dou sa kacivi kina,

Efeso 6:20

o koya, kau sa talai meu vunautaka, oi au sa vesu tu; meu vosataka vakadoudou, me vaka sa kilikili kei au meu vosa.

Filipai 1:12

Ia kau sa vinakata, mo dou kila, na veiwekani, ni sa tubu cake nai tukutuku-vinaka e na vuku ni ka sa yaco vei au;

Filipai 1:13

a sa vakaraitaki kina na noqu vesuki e na vuku i Karisito vei ira kecega na sotia e na vale ni tui, vei ira kece talega na kena vo;

Filipai 1:14

a ra sa lewe vuqa na veiwekani era sa tu vata kei na Turaga, era sa gumatua mai niu sa vesuki tu, a ra sa doudou cake kina me ra tukuna na Vosa ni Kalou ka sega ni rere.

Filipai 1:5

ni dou sa lomavata tu e nai tukutuku-vinaka mai nai vakatekivu ka yacova na siga edaidai;

Filipai 2:22

Ia dou sa kilai koya ni sa vakatovolei, ni sa vaka na gone vei tamana, sa daucakacaka vata kei au e nai tukutuku-vinaka.

Filipai 4:14

Ia dou sa caka vinaka, ni dou sa solia na ka eso niu sa vakararawataki.

Filipai 4:15

Ia dou sa kila talega, koi kemudou na kai Filipai, ni sa vakatekivu nai tukutuku-vinaka, niu a lako tani e Masitonia, sa sega e dua nai soqosoqo lewe ni lotu sa vukei au ni sa soli ka vei au, koi kemudou duaduaga.

Filipai 4:3

Au sa masuti iko talega, nai tokani dina, mo vukei rau na yalewa oqo oi rau ka daucakacaka vata kei au e nai tukutuku-vinaka, kei Kelemedi talega, kei ira tale na noqu i tokani, sa tu na yacadra e nai vola ni bula.

Kolosa 4:18

Au sa loloma yani ka vola e na ligaqu dina, koi au ko Paula. Dou nanumi au niu sa vesu tiko. Me nomudou na loloma. Emeni.

Kolosa 4:3

ka masulaki keitou talega, me dolava vei keitou na Kalou na katuba ni vosa, me keitou tukuna na ka vuni kei Karisito, o koya kau sa vesu tu kina:

1 Cesalonaika 5:5

Oi kemudou kecega na gone ni rarama, kei na gone ni siga: eda sa sega ni gone ni bogi, se gone ni butobuto.

2 Timoci 1:8

O koya mo qai kakua ni maduataka na kenai tukutuku ni noda Turaga, se koi au na nona tamata sa vesu tu: ia mo vosota na veivakararawataki e na vuku ni tukutuku-vinaka me vaka na kaukauwa ni Kalou;

2 Timoci 2:9

o koya kau sa vosota kina na ca, me vaka na tamata caka ca, ia kau sa vesuki kina; ia na vosa ni Kalou sa sega ni vesuki.

Filimoni 1:13

au sa via taura ga me tiko vei au, me kemui sosomi me sa qaravi au ni'u sa vesu tu e na vuku ni tukutuku-vinaka:

Iperiu 3:1

O koya oqo, kemudou na veiwekani yalosavasava, sa kacivi mei taukei ni ka vakalomalagi, dou vakananuma nai Apositolo kei na Bete Levu eda sa vakatusa tiko, ko Jisu:

1 Pita 4:13

ia dou reki ga, ni dou sa vakaivotavota talega e na veivakararawataki i Karisito; mo dou reki talega kina, e na reki vakaidina, ni na vakaraitaki ko koya e nai ukuuku.

1 Pita 5:1

Au sa vakarota vei ira nai talatala qase era tiko vei kemudou, niu sa qase talega koi au, ka sa dautukutuku e na ka ka vosota na Karisito, ka sai taukei talega ni ukuuku ena vakaraitaki mai e na gauna maimuri:

2 Pita 1:13

Ia kau sa vakasama, ni sa dodonu, e na veisiga kau sa tiko kina e na vale vakacevaceva oqo, meu vakauqeta na lomamudou mo dou nanuma;

1 Joni 3:14

Eda sa kila ni da sa lako tani mai na mate ki na bula, ni da sa lomani ira na veiwekani. O koya sa sega ni lomana na wekana sa tiko ga e na mate.