Emosi 1:1 - Vakavakadewa Makawa

¹ A vosa i Emosi, e dua vei ira nai vakatawa ni sipi mai Tikoa, na ka sa raica ka sa baleti ira na Isireli, e na gauna i Usaia na tui Juta, kei na gauna i Jeropoami na luve i Joasi na tui Isireli, ni sa vo e rua na yabaki ka qai tavuki na vanua.

Ai Vola Tabu (Vakadewa Makawa Vakavoutaki 2021)

¹ A vosa i Emosi, e dua vei ira nai vakatawa ni sipi mai Tikoa, na ka sa raica ka sa baleti ira na Isireli, e na gauna i Usaia na tui Juta, kei na gauna i Jeropoama na luve i Joasa na tui Isireli, ni sa vo e rua na yabaki ka qai tavuki na vanua.

AI VOLA TABU

¹ A VOSA i Amosi, e dua vei ira nai vakatawa ni sipi mai Tikoa, na ka sa raica me na tauci ira na Isireli, e na gauna i Usiya na tui Juta, kei na gauna i Yaropiami na luve i Yoasi na tui Isireli, e na vakaki rua ni sa bera ni tavuki na vanua.

Vakavakadewa Vou kei na iVola tale eso

¹ Oqo na vosa i Emosi, e dua na i vakatawanisipi mai na koro o Tikoa. Ni vo koto e rua na yabaki me yaco mai kina na uneune, ka donuya oqo na gauna e se tui Juta tiko kina o Usaia ka tui Isireli tiko kina o Jeropoama na luve i Joasa, a sa vakatakila kina na Kalou vei Emosi na veika kece sara oqo me baleti Isireli.

Ai Vola Tabu Ena Vakavakadewa Vou

¹ Oqo na vosa i Emosi, e dua na i vakatawanisipi mai na koro o Tikoa. Ni vo koto e rua na yabaki me yaco mai kina na uneune, ka donuya oqo na gauna e se tui Juta tiko kina o Usaia ka tui Isireli tiko kina o Jeropoama na luve i Joasa, a sa vakatakila kina na Kalou vei Emosi na veika kece sara oqo me baleti Isireli.

Emosi 1:1 Iomraidhean Croise

2 Samuela 14:2

A sa talaki ki Tikoa ko Joapi, ka kauta maikina e dua na yalewa vuku, ka kaya vua, Mo vakataka mada e dua sa yasovaka na mate, ka mo la'ki tabui sulu, ka mo kakua ni lumuti iko e na waiwai, ia mo vakataka na yalewa sa yasovaka vakadede na mate:

1 Tui 19:19

A sa lako tani maikea ko koya, a sa kunei Ilaisa na luve i Safati, sa taura tiko nai sivi yara, era sa yarataka tiko e ruasagavulu ka va na pulumokau, era noka vata vakayayarua, ka sa lako vata ko koya kei rau na kenai murimuri: a sa lako yani vei koya ko Ilaija, ka biuta vua na nonai tutuvi.

2 Tui 14:21

A ra sa kauti Asaraia ko ira kecega na Juta, ni sa tinikaono na nona yabaki, a ra sa buli koya me tui mei sosomi kei Amasaia na tamana.

2 Tui 14:23

E na kenai katinikalima ni yabaki i Amasaia na tui Juta, na luve i Joasi, sa tekivu me lewa mai Samaria ko Jeropoami na luve i Joasi na tui Isireli, ka sa lewa yabaki vasagavulu ka dua.

2 Veigauna 11:6

A sa tarai Pecileema ko koya, kei Etami, kei Tikoa,

2 Veigauna 20:20

A ra sa sou e na mataka, ka lako yani ki na veikau mai Tikoa: ia ni ra sa lako yani, sa tu ko Jiosafati, ka kaya, Ni rogoci au, koi kemuni na Juta kei kemuni na kai Jerusalemi, Ni vakabauti Jiova na nomuni Kalou, kemuni na vakataudeitaki kina; vakadinati ira na nona parofita, kemuni na cakacaka yaco kina.

Lako Yani 3:1

Ia ko Mosese, sa vakania na sipi nei Jecoro na vugona, ko koya na bete mai Mitiani: a sa kauta na sipi ki daku ni lekutu, a sa yaco ki na ulu-ni-vanua ni Kalou, ki Orepi.

Aisea 1:1

A raivotu i Aisea na luve i Emosi, ka raica ko koya ka sa baleti Juta kei Jerusalemi e na gauna i Usaia, kei Jocame, kei Easi, kei Esekaia, ko iratou na tui Juta.

Jeremaia 1:1

A vosa i Jeremaia na luve i Ilikaia, e dua vei ira na bete era tiko mai Anacoci e na vanua ko Penijamini:

Jeremaia 28:8

Ko ira na parofita era liu vei kedaru, era sa parofisaitaka ni na yaco ki na veivanua e vuqa, kei na veimatanitu lelevu, nai valu, kei na ca, kei na mate dauveiveitauvi:

Jeremaia 6:1

Dou dro tani, koi kemudou na Penijamini, mai na loma i Jerusalemi; ia dou uvuca na davui mai Tikoa, ka dou vakaduria na bukawaqa mei vakatakilakila mai Peci-akarimi: ni sa dua na ca sa rairai mai na mata ni tokalau, ka dua na veivakarusai levu.

Jeremaia 7:27

Ia ko na vosataka vei ira na vosa kecega oqo: ka ra na sega ga ni vakarorogo vei iko: ia ko na kaci yani vei ira; ka ra na sega ni rogo mai vei iko.

Osea 1:1

A vosa i Jiova sa yaco vei Osea na luve i Pieri, e na gauna i Usaia, kei Jocame, kei Easi, kei Esekaia, ko iratou na tui Juta, kei na gauna i Jeropoami na luve i Joasi, na tui Isireli.

Emosi 7:14

Sa qai kaya vei Amasaia ko Emosi, Sa sega ni parofita koi au, au sa sega talega ni luve ni parofita; ai vakatawa ni sipi ga koi au, kei na dausamaki lolo:

Maika 1:1

A vosa i Jiova sa yaco vei Maika na kai Moreseci e na gauna i Jocame, kei Easi, kei Esekaia, eratou tui Juta, ka sa raica ko koya ka baleti Samaria kei Jerusalemi.

Sakaraia 14:5

Ia dou na dro ki na buca e na noqu ulu-ni-vanua ko ya, ni na yaco sara ki Esali na buca ni ulu-ni-vanua, io, dou na dro, me vaka dou a dro tani kina ni sa tavuki na vanua e na gauna i Usaia na tui Juta: ena qai lako mai ko Jiova na noqu Kalou, io, koi kemuni kei ira kece na nomuni yalosavasava.

Maciu 4:18

A sa lako voli ko Jisu e na baravi mai Kalili, a sa raica e le rua erau veitacini, ko Saimoni sa vakatokai ko Pita, kei Adriu na tacina, erau sa viritaka na lawa ki wai: ni rau sa gonedau.

1 Korinica 1:27

ia sa digitaka na Kalou na veika vakalialia e vuravura, me vakamaduataki ira na vuku; ia na veika sa malumalumu e vuravura sa digitaka na Kalou me vakamaduataka na veika sa kaukauwa;