Efeso 5:3 - Vakavakadewa Makawa

³ Ia na dauyalewa, kei na ka kecega sa velavela, kei na daukocokoco, me kakua ni cavuti e na kemudou maliwa, me vaka sa kilikili kei ira era sa lotu;

Ai Vola Tabu (Vakadewa Makawa Vakavoutaki 2021)

³ Ia na veidauci kei na ka kecega sa velavela, kei na daukocokoco, me kakua ni cavuti e na kemudou maliwa, me vaka sa kilikili kei ira era sa lotu.

AI VOLA TABU

³ Ia na dauyalewa, kei na ka kecega sa velavela, kei na daukocokoco, me kakua ni cavu e na kemudou maliwa, me vaka sa kilikili kei ira era sa lotu;

Vakavakadewa Vou kei na iVola tale eso

³ Me vaka ni o ni sa tamata lotu, sa sega ni kilikili kina me cavuti ena kemuni maliwa na veibutakoci, na i tovo vakasisila eso ni veidauci, kei na daukocokoco.

Ai Vola Tabu Ena Vakavakadewa Vou

³ Me vaka ni o ni sa tamata lotu, sa sega ni kilikili kina me cavuti ena kemuni maliwa na veibutakoci, na i tovo vakasisila eso ni veidauci, kei na daukocokoco.

Efeso 5:3 Iomraidhean Croise

NA SAME 10:3

Sa dokai koya na tamata ca e na vuku ni gagadre ni yalona, Ka sa doka na daukocokoco, ia sa beci Jiova.

NA SAME 119:36

Mo ni vaqara na lomaqu ki na nomuni tukutuku, Ia me kakua ki nai yau.

Lako Yani 18:21

ia mo lesia mada eso na tamata era kilikili yaga maivei ira na tamata kecega, na tamata sa rerevaka na Kalou, na tamata vosa dina, ka sa cata na kocokoco: ka lesia vei ira na tamata, me tauyaudolu era lewa, me tauyadrau era lewa, me tauyalimasagavulu era lewa, ka me tauyatini era lewa:

Lako Yani 20:17

Mo kakua ni kocova na nona vale na kai nomu; mo kakua ni domona na watina na kai nomu, se kocova nona tamata, se nona vada, se nona pulumokau, se nona asa, se dua na ka sa nona na kai nomu.

Lako Yani 23:13

Ia e na ka kecega ka'u sa kaya vei kemudou, dou qarauni kemudou: ia dou kakua ni cavuta na yacadra na kalou tani: me kakua ni rogo mai na gusumudou.

Vosavakaibalebale 28:16

A turaga sa sega ni vuku sa dauvakasaurara vakalevu talega: Ia ko koya sa cata na kocokoco ena vakabalavutaka na nona bula.

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Jeremaia 6:13

Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Jeremaia 8:10

E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Isikeli 33:31

Ka ra sa lako mai vei iko me vaka ni ra curu mai ko ira na tamata, ka ra sa mai tiko e matamu me vakataki ira na noqu tamata, ka ra rogoca na nomu vosa, ka ra sa sega ni cakava: ni sa tiko e na gusudra na vosa vakayalololoma, ia na lomadra sa muria na nodra daukocokoco ga.

Vunau ni Soro 15:18

A yalewa talega erau sa koto kaya na tagane sa bura loa na nona wai, me rau sili e na wai, ia me rau sega ni savasava ka yacova na yakavi.

Maika 2:2

A ra kocova na veiwere, ka kovea; kei na veivale, ka taura: a ra sa vakacacana na tamata kei na nona mataqali, io, na tamata kei na ka e taukena.

Tiko mai na Lekutu 25:1

A sa tiko mai Sitimi ko ira na Isireli, a ra sa qai dauveibutakoci kei ira na goneyalewa ni Moapi ko ira na tamata.

Maciu 15:19

Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaca:

Luke 12:15

Sa kaya talega vei ira ko koya, Dou raici kemudou vinaka, ka tarovi kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.

Luke 16:14

Ia na Farisi, era sa daulomana nai lavo, ni ra sa rogoca na ka kecega oqo, era sa vakalialiai koya.

Cakacaka 15:20

me da volavola ga vei ira, me tabu vei ira na qarava na matakau, na daudara talega, kei na ka sa kuna kei na dra.

Cakacaka 20:33

Au sa sega ni kocova na siliva, se na koula, se nai sulu ni tamata e dua.

Roma 1:29

me ra sinai e na ka kecega e ca, e na yaloca, e na daukocokoco, e na dauveivakacacani; me ra sinai e na vuvu, e na laba, e na veileti, e na dauveivakaisini, e na yalocudrucudru; me ra dauvakasolokakana,

Roma 16:2

mo dou vakacegui koya e na vuku ni Turaga, me vaka sa kilikili kei ira era sa lotu, ka mo dou vukei koya e na cakacaka kecega dou na yaga kina vua: ni sa dau vukei ira na lewe vuqa ko koya, kei au talega.

Roma 6:13

Kakua talega ni solia na veitikimudou ki nai valavala ca me caka kina na ka ca: dou soli kemudou ga vua na Kalou, me vaka dou sa bula mai na mate, kei na veitikimudou vua na Kalou me caka kina na ka e dodonu.

1 Korinica 10:8

Me da kakua talega ni dauyalewa, me vaka era sa kitaka eso, a sa bale kina e na siga e dua bau e lewe ruasagavulu ka mani tolu na udolu.

1 Korinica 5:1

Sa rogo sara ni sa dua vei kemudou sa dauyalewa, ia na dauyalewa vaka ko ya sa sega ni vosataki vei ira era sa sega ni lotu, ni sa dua sa taura na wati i tamana.

1 Korinica 6:13

Sa ka ni kete na kakana, ka sa ka ni kakana na kete: ia ena vakarusai rau ruarua na Kalou. Ia na yago sa sega ni ka me daudara, ia me nei koya ga na Turaga; ka sa yaga na Turaga ki na yago.

1 Korinica 6:18

Dou dro tani mai na daudara. Sa ka e taudaku ni yago nai valavala ca kecega sa kitaka na tamata, ia ko koya sa daudara sai valavala ca ki na yagona.

2 Korinica 12:21

de vakamalumalumutaki au e na matamudou na noqu Kalou, niu sa lako tale yani, ka deu tagicaki ira kina era lewe vuqa era sai valavala ca oti, ka sega ni veivutunitaka na dukadukali kei na dauyalewa, kei na daudara, era a kitaka.

Efeso 5:12

Ni sa ka e veivakamaduataki me vosataki na veika era sa daukitaka vuni.

Efeso 5:5

Ni dou sa kila na ka oqo, ena sega sara na nonai votavota e na matanitu nei Karisito kei na Kalou, e dua na daudara, se dua sa velavela, se dua na daukocokoco, ni sa dauqarava na kalou lasu ko koya oqo.

Filipai 1:27

Mo dou ia ga nai valavala sa kilikili kei nai tukutuku-vinaka kei Karisito: meu rogoci kemudou kina, seu lako yani ka raici kemudou, seu tiko tani, ni dou sa tu dei e na yalovata, ka gumatua sara e na lomavata me tubu na vakabauta ni tukutuku-vinaka;

Kolosa 3:5

O koya mo dou qai vakamatea na veitikimudou vakavuravura, a dauyalewa, nai valavala tawa-savasava, na garogaro ca, na dodomo ca, kei na kocokoco, o koya na dauqarava na kalou lasu:

1 Cesalonaika 4:3

Ni sa loma ni Kalou oqo, mo dou yalosavasava, mo dou kakua ni dauyalewa:

1 Cesalonaika 4:7

Ni sa sega ni kacivi keda na Kalou me da dukadukali, me da yalosavasava ga.

1 Timoci 2:10

ia (me vaka ga sa kilikili kei ira na yalewa era kaya era sa lotu) e nai valavala vinaka.

1 Timoci 3:3

me kakua ni daugunu waini, me kakua ni dauveivala, me kakua ni daugarova nai yau vakasisila: me yalomalua, me kakua ni daucudrucudru, me kakua ni daukocokoco;

1 Timoci 6:10

Ni sa vu ni ka ca kecega na daulomana nai lavo: era sa daukocova eso, a ra sa vakacalai kina e na vakabauta, a ra sa cokai ira sara vakai ira e na yaluma vakavuqa.

2 Timoci 3:2

ni ra na daulomani ira walega na tamata, era na dauvinakata nai lavo, era na daubole, era na viavialevu, era na dauvosavakacaca, era na talaidredre kivei ira na nodra qase, era na sega ni vakavinavinaka, era na sega ni yalosavasava,

Vei Taito 1:11

ia ka sa dodonu me ra vagalui, ni ra sa vakacalai ira kece na lewe-ni-vale eso, ni ra sa vakatavulica na ka sa sega ni kilikili, e na vuku ni yau vakasisila.

Vei Taito 1:7

Ni sa dodonu me tawa cala nai talatala qase, me vaka sai talatala ni Kalou; me kakua ni domoqa, me kakua ni daucudrucudru, me kakua ni daugunu waini, me kakua ni dauveiba, me kakua ni daudomona nai yau vakasisila:

Vei Taito 2:3

O ira talega na yalewa qase, me ra dauia nai valavala sa kilikili kei ira era sa yalosavasava, me ra kakua ni dauveibeitaki vakailasu, me kakua ni daugunu waini, me ra dauvakatavulica na ka vinaka;

Iperiu 12:16

de dua na daudara, se dua sa beca na ka tabu, me vakataki Iso, o koya ka volitaka na nona ulumatua e na kakana e dua bau:

Josua 7:21

Ni'u a raica sa tu vata kei nai toki ni valu e dua nai tutuvi vinaka mai Sainari, kei na siliva e rua na drau na sikeli, kei na dua na uma koula sa limasagavulu na sikeli na kena bibi, au a qai kocova, ka kauta; ka raica, sa vuni e na qele e na noqu loma ni vale laca, ia na siliva sa no vata era.

1 Pita 5:2

dou vakania na qele-ni-sipi ni Kalou era sa tiko vei kemudou, ka dou vakatawana, kakua ga e na loma e vosota, e na loma ga e vinakata; kakua ga e na vuku ni yau vakasisila, e na loma ga e rekitaka;

2 Pita 2:10

ia ka vakalevu sara ko ira era sa daumuria na yagodra e na gagadre ca e dukadukali, a ra sa beci ira era sa turaga. Era sa daubole, era sa yalokaukauwa, era sa sega ni rere ni ra vosavakacacataki ira na turaga.

2 Pita 2:14

a sa sinai na matadra e na dauyalewa, ka sa sega ni mudu rawa ni valavala ca; a ra sa dauvakacalai ira na tamata era sa yalowai: a yalodra sa dauia na kocokoco: era sa luve ni veivakarusai:

2 Pita 2:3

Ia ni ra sa daukocokoco era na vakaiyau voli e na vukumudou e na vosa e dauveivakaisini: ia na lewa makawa me ra ca sa sega so ni berabera, a sa sega ni moce na nodra rusa.

Vakatakila 2:14

Ia ka so ga na ka ko sa ca kina, e na vuku ni sa tiko vei iko ko ira era sa vakabauta nai vakavuvuli i Pelami, o koya ka vakavulici Pelaki me biuta na veivakacalai e na matadra na luve i Isireli, me ra kania na ka sa vakacabori ki na veimatakau, me ra dauyalewa talega.

Vakatakila 2:21

Ia ka'u a solia vua na gauna me veivutunitaka kina na nona dautagane; a sa sega ni via veivutuni.

Vakatakila 21:8

Ia ko ira na daurere, kei ira e vakatitiqa, kei ira era vakasisila, kei ira na daulaba, kei ira na dauyalewa, kei ira era kila ka-vakatevoro, kei ira sa dausoro ki na veimatakau, kei ira na daulasu kecega, sa votai vei ira na nodra i votavota e na drano sa caudre kina na buka kei na sulifure: ia oqo nai karua ni mate.

Vakatakila 22:15

Sa tu e taudaku ko ira na koli, kei ira era sa daukitaka na ka vakatevoro, kei ira na dauyalewa, kei ira na daulaba, kei ira era sa daumasu ki na veimatakau, kei ira kece era sa vinakata na lasu ka kitaka tiko.

Vakatakila 9:21

era sa sega talega ni veivutunitaka na nodra daulaba, se na nodra cakacaka vakatevoro, se na nodra dauyalewa, se na nodra daubutako.

1 Samuela 8:3

A rau sa sega ni muria na nonai valavala koi rau na luvena, a rau sa vuki me guta nai yau, ka taura nai solisoli me rau lewa vakatani, a rau sa vakatanitaka kina na lewa.