Efeso 4:1 - Vakavakadewa Makawa

¹ O koya oqo kau masuti kemudou kina oi au sa vesu tu e na vuku ni Turaga, mo dou ia tiko nai valavala sa kilikili kei nai tutu dou sa kacivi kina,

Ai Vola Tabu (Vakadewa Makawa Vakavoutaki 2021)

¹ O koya oqo ka'u masuti kemudou kina oi au sa vesu tu e na vuku ni Turaga, mo dou ia tiko nai valavala sa kilikili kei nai tutu dou sa kacivi kina,

AI VOLA TABU

¹ O KOYA o qo kaʼu masuti kemudou kina, oi au sa vesu tu e na vuku ni Turaga, mo dou ia tiko me vaka sa kilikili kei nai valavala dou sa kacivi kina,

Vakavakadewa Vou kei na iVola tale eso

¹ O koya oqo, me vaka ni'u sa vesuki tu ena vuku ni Turaga, au sa kerei kemuni kina vakabibi mo ni vakaitovotaki kemuni ena i valavala sa kilikili kei na i tutu o ni sa kacivi kina.

Ai Vola Tabu Ena Vakavakadewa Vou

¹ O koya oqo, me vaka ni'u sa vesuki tu ena vuku ni Turaga, au sa kerei kemuni kina vakabibi mo ni vakaitovotaki kemuni ena i valavala sa kilikili kei na i tutu o ni sa kacivi kina.

Efeso 4:1 Iomraidhean Croise

Vakatekivu 17:1

Sa ciwasagavulu ka ciwa na yabaki i Eparama, sa qai rairai vei Eparama ko Jiova, a sa kaya vua, Koi au na Kalou Kaukauwa: me dodonu na nomu i valavala vei au, ka mo kakua ni cala:

Vakatekivu 5:24

ka rau sa daulako vata kei na Kalou ko Inoki: a sa yali eke: ka ni sa kauti koya tani na Kalou.

Jeremaia 38:20

Sa qai kaya ko Jeremaia, Era na sega ni soli kemuni. Mo ni vakarorogo mada ki na vosa i Jiova, ka'u sa tukuna vei kemuni: ko ni na qai vinaka kina, ia ena bula kina na yalomuni.

Cakacaka 9:31

Sa qai cegu nai soqosoqo lewe ni lotu mai Jutia taucoko kei Kalili kei Samaria, a ra sa vakatataki cake; ka sa dau nodrai valavala me ra rerevaka na Turaga, ka sa vakacegui ira na Yalo Tabu, ka ra sa tubu kina me ra lewe vuqa.

Roma 11:29

Ni sa sega ni veivutuni tale na Kalou e na vuku ni nonai solisoli se nona kacivi ira.

Roma 12:1

O koya oqo, au sa vakamamasu vei kemudou, na veiwekani, e na vuku ni loloma vakavuqa ni Kalou, mo dou solia na yagomudou mei madrali bula, me savasava, me vinaka vua na Kalou, me nomudou i soro vakayalo.

1 Korinica 4:16

O koya kau sa masuti kemudou kina, mo dou vakadamurimuri au.

2 Korinica 10:1

Ia koi au ko Paula, kau sa masuti kemudou e na yalomalumalumu kei na yalomalua i Karisito, oi au sa malumalumu niu sa tiko vei kemudou, ia kau sa doudou vei kemudou niu sa tiko tani;

2 Korinica 5:20

Keitou sa yaco kina mei talatala i Karisito, me vaka sa vakamasuti kemudou na Kalou e na gusu i keitou: keitou nai sosomi kei Karisito, keitou sa vakamamasu, mo dou veivinakati kei na Kalou.

2 Korinica 6:1

Ia koi keitou ni keitou sa cakacaka vata kaya, keitou sa cikevi kemudou mo dou kakua ni vakatawayagataka na loloma ni Kalou.

Kalatia 4:12

Oi kemudou na veiwekani, au sa masuti kemudou, mo dou vakataki au; niu sa vakataki kemudou: dou sa sega ni vakacacani au vakalailai.

Efeso 2:10

ni da sa nona cakacaka, sa caka me da tu vata kei Karisito Jisu me ia nai valavala vinaka, o koya sa vakarautaka eliu na Kalou me da kitaka vakakina.

Efeso 3:1

E na vuku ni ka oqo koi au ko Paula, sa nei Karisito Jisu, ka sa vesu tu e na vukumudou sa matanitu tani,

Efeso 4:17

O koya oqo kau sa vosa kina, ka vakarota matua e na vuku ni Turaga, mo dou kakua ni valavala tiko me vakataki ira na veimatanitu tani, e na lomadra lialia,

Efeso 4:4

Sa dua vata nai soqosoqo lotu kece, ka dua bauga na Yalo Tabu, me vaka dou sa kacivi ki nai nuinui e dua bauga ni dou a kacivi:

Efeso 5:2

ka dou ia tikoga nai valavala ni loloma, me vaka sa loloma talega na Karisito vei kemudou, a sa soli koya e na vukuda mei madrali kai soro vua na Kalou me ka boi vinaka.

Filipai 1:27

Mo dou ia ga nai valavala sa kilikili kei nai tukutuku-vinaka kei Karisito: meu rogoci kemudou kina, seu lako yani ka raici kemudou, seu tiko tani, ni dou sa tu dei e na yalovata, ka gumatua sara e na lomavata me tubu na vakabauta ni tukutuku-vinaka;

Filipai 3:14

kau sa ciciva na cere, meu tauca na cere sa kacivi au kina maicake na Kalou e na vuku i Karisito Jisu.

Kolosa 1:10

mo dou ia nai valavala e kilikili kei ira sa nona na Turaga, me vinakata kecega ko koya, mo dou vakavuana tiko e na cakacaka vinaka kecega, me tubu cake talega na nomudou kila na Kalou;

Kolosa 2:6

Ia ni dou sa vakabauti Karisito Jisu na Turaga, mo dou ia tiko nai valavala sa vinaka vua:

Kolosa 4:12

Sa loloma yani vei kemudou ko Epafira, sa dua vei kemudou, ai talatala i Karisito Jisu, sa daugumatua tikoga ni sa masulaki kemudou, mo dou tu dei ka vinaka sara ka vakasinaiti tu e na ka kece sa loma ni Kalou.

1 Cesalonaika 2:12

mo dou ia nai valavala sa kilikili kei ira sa nona na Kalou, o koya sa kacivi kemudou ki na nona matanitu kei na vanua vakaiukuuku.

2 Cesalonaika 1:11

O koya oqo keitou sa masulaki kemudou tikoga; me vakabauti kemudou na neitou Kalou mo dou yaga me rawata na ka dou a kacivi kina, ka me vakayacora sara e na kaukauwa na gagadre vinaka kecega, kei na cakacaka ni vakabauta:

2 Timoci 1:9

o koya sa vakabulai keda, ka sa kacivi keda me da yalosavasava, a sa sega ga e na vuku ni noda cakacaka, e na vuku ni sa nonai naki ga kei na loloma walega ka soli vei keda eliu, e na vuku i Karisito Jisu, sa vakatekivu emuri ko vuravura;

Vei Taito 2:10

ka me ra kakua sara ni butako, me ra vakatakilai ira ni ra sa lomadina, ka vinaka; me ra vakarogovinakataka nai vakavuvuli ni Kalou na nodai Vakabula e na ka kecega.

Iperiu 13:21

me vakavinakataki kemudou mada ko koya e nai valavala vinaka kecega mo dou cakava na nona lewa, ka me cakava ko koya e na lomada na ka sa vinaka vua, e na vuku i Jisu Karisito; me ia vei koya na vakarokoroko ka sega ni mudu. Emeni.

Iperiu 3:1

O koya oqo, kemudou na veiwekani yalosavasava, sa kacivi mei taukei ni ka vakalomalagi, dou vakananuma nai Apositolo kei na Bete Levu eda sa vakatusa tiko, ko Jisu:

1 Pita 2:11

Oi kemudou sa lomani, au sa vakamasuti kemudou, ni dou sa vakataki ira na vulagi kei ira era dauveilakoyaki, mo dou tarovi kemudou mai na gagadre ca ni yago, sa veivala kei na yalo;

1 Pita 3:9

kakua ni veisausaumitaka na ca, se ia tale na veivakasewasewani; ia dou dua tani, dou vosavakalougatataka ga: ni dou sa kacivi me vakakina, mo dou rawata na ka e veivakalougatataki,

1 Pita 5:10

Ia na Kalou sa dauia na loloma kecega, o koya sa kacivi kemudou ki na nonai ukuuku tawa mudu e na vuku i Karisito Jisu, ni dou sa vakararawataki mada e na gauna eso, ena qai vakavinakataki kemudou sara, mo dou vakataudeitaki, mo dou vakaukauwataki.

2 Pita 1:3

Ni sa solia mai vei keda ko koya e na nona kaukauwa Vakalou na ka kecega sa yaga e na noda bula kei na lotu talega, ni da kilai koya sa kacivi keda ki na vanua vakaiukuuku kei nai valavala vinaka:

2 Joni 1:5

Ia kau sa qai vakamasuti iko, na marama, ia ka sega ni vaka niu sa vola vei iko na vunau vou, oqori ga sa tu vei keda mai nai vakatekivu, me da veilomani.