Efeso 1:7 - Vakavakadewa Makawa

⁷ o koya eda sa rawata kina na bula sa voli e na nona dra, io, na vakabokoci ni valavala ca, me vaka na nona loloma levu;

Ai Vola Tabu (Vakadewa Makawa Vakavoutaki 2021)

⁷ E na vukuna eda sa rawata kina na bula sa voli e na nona dra, io, na vosoti ni noda i valavala ca me vaka na nona loloma levu,

AI VOLA TABU

⁷ o koya eda sa rawata kina na bula sa voli e na vuku ni nona dra, io, na bokoci ni valavala ca, me vaka nai yau ni nona loloma;

Vakavakadewa Vou kei na iVola tale eso

⁷ Ni da sa sereki ena vuku ni nona mate ka sa bokoci na noda i valavala ca me vaka na levu ni nona loloma-savu,

Ai Vola Tabu Ena Vakavakadewa Vou

⁷ Ni da sa sereki ena vuku ni nona mate ka sa bokoci na noda i valavala ca me vaka na levu ni nona lolomasavu,

Efeso 1:7 Iomraidhean Croise

Jope 33:24

Ena qai yalololoma vua ko koya, ka kaya, Me vakabulai mada ko koya, me kakua ni lako sobu ki nai bulubulu; Au sa kunea na kenai soro.

NA SAME 130:4

Ia sa tiko vei kemuni na loloma, Mo ni vakarokorokotaki kina.

NA SAME 130:7

Me ra nuitaki Jiova ko ira na Isireli: Ni sa tiko vua na yalololoma, Ka sa tiko talega vua na bula levu.

NA SAME 86:5

Ni kemuni sa Turaga dauyalovinaka, ka daulomadonu; Ka daulevu na nomuni loloma vei ira kecega era tagi vei kemuni.

Lako Yani 34:7

sa dauyalovinaka tiko vei ira na veiudolu, sa sega ni cudruvaka na caka ca kei na talaidredre kei nai valavala ca, ia sa sega ga ni vakadonui ira na cala; sa cudruvaka na nodra caka ca na qase vei ira na luvedra, kei na makubudra, ka yacova nai katolu ni tabatamata, kei na kenai kava.

Aisea 43:25

Koi au, io koi au ga, ka'u sa bokoca na nomu talaidredre e na vukuqu, ka'u na sega ni nanuma tiko na nomu i valavala ca.

Jeremaia 31:34

a ra na sega ni dui veivakatavulici tale na tamata kei na kai nona, kei na wekana, ka kaya, Mo kilai Jiova: ni ra na kilai au ga ko ira kece, ko ira sa tamata wale kei ira talega era sa turaga, sa kaya ko Jiova: ni'u na bokoca na nodra caka cala, ia na nodra i valavala ca ka'u na sega ni nanuma tale.

Taniela 9:19

Kemuni na Turaga, mo ni rogoca; Kemuni na Turaga, mo ni vakabokoca na ca; Kemuni na Turaga, mo ni vakarorogo ka cakacaka; e na vukumuni ga, na noqu Kalou, mo ni kakua kina ni vakaberabera, ni sa vakatokai e na yacamuni ga na nomuni koro, kei ira na nomuni tamata.

Taniela 9:9

Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua;

Jona 4:2

A sa masu vei Jiova, ka kaya, Kemuni Jiova, sai koya ga oqo ka'u a kaya ni'u a tiko e na noqu vanua, se segai? sai koya talega oqo ka'u a dro vakatotolo kina ki Tasisi: ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

Maika 7:18

O cei na Kalou me tautauvata kei kemuni, ka bokoca na caka cala, ka sa buluta na nodra talaidredre na kena vo ni nonai votavota? ka sa sega ni cudru tiko me sega ni mudu, ni sa vinakata ko koya me yalololoma.

Sakaraia 13:1

E na siga ko ya ena vure cake e dua na mata-ni-wai dauvure vei ira na mataqali i Tevita, kei ira na kai Jerusalemi, me vuivui ni valavala ca kei na tawa savasava.

Sakaraia 13:7

Mo yadra mai, nai seleiwau, me lauti koya na noqu i vakatawa, io, me lauti koya na tamata keirau sa dua vata kaya, sa kaya ko Jiova ni lewe vuqa: me yavita nai vakatawa, ka ra na dui vakasevi na sipi: ia ka'u na tarai ira na lalai e na ligaqu.

Sakaraia 9:11

Ia ko iko, e na vuku ni dra ni nomu veiyalayalati ka'u sa sereki ira kina na kai nomu era vesuki, mai nai keli sa sega kina na wai.

Maciu 20:28

me vaka sa sega ni lako mai na Luve ni tamata me qaravi, ka me dauveiqaravi ga, ka me solia na nona bula me kedrai voli e lewe vuqa.

Maciu 26:28

oqo na noqu dra ni veiyalayalati vou sa liviraki e na vukudra e lewe vuqa, me bokoci nai valavala ca.

Maciu 6:12

Ia kakua ni cudruvi keimami e na vuku ni neimami valavala ca, me vaka keimami sa sega ni cudruvi ira era sai valavala ca vei keimami.

Marika 14:24

A sa kaya vei ira, Sa noqu dra oqo ni veiyalayalati vou, sa liviraki e na vukudra e lewe vuqa.

Luke 1:77

Me vakatakila vei ira na nona tamata na ka me ra bula kina, Ni sa bokoci na nodra i valavala ca,

Luke 24:47

me vunautaki talega na veivutuni, kei na vakabokoci ni valavala ca, e na vuku ni yacana, vei ira na lewe ni veivanua kecega, me vakatekivu e Jerusalemi.

Joni 20:23

nai valavala ca ni tamata yadua dou sa bokoca, ena bokoci: nai valavala ca ni tamata yadua dou sa sega ni sereka, ena sega ni sereki.

Cakacaka 10:43

O koya era sa dautukuna ko ira kecega na parofita, ni na bokoci e na vuku ni yacana na nodrai valavala ca na tamata kecega era sa vakabauti koya.

Cakacaka 2:38

Sa qai kaya vei ira ko Pita, Dou veivutuni, ka papitaisotaki, koi kemudou yadua, e na yaca i Jisu Karisito, me bokoci kina na nomudoui valavala ca, ka dou na rawata na Yalo Tabu mei solisoli.

Cakacaka 20:28

O koya ga mo dou vakaraici kemudou, kei ira kecega na qele-ni-sipi, sa lesi kemudou kina na Yalo Tabu mo dou nodrai vakatawa, mo dou vakania nai soqosoqo lewe ni lotu ni Kalou; ko ira sa volia ko koya, e na nona dra ga.

Cakacaka 3:19

O koya mo dou qai veivutuni ka saumaki mai, me bokoci kina na nomudoui valavala ca, me yaco kina na gauna ni vakacegu mai na mata ni Turaga;

Roma 2:4

se ko sa beca beka na nona loloma levu, kei na nona vosota vakadede, kei na nona cudru vakamalua; ka ko sa sega ni vakasama ni sa tuberi iko ki na veivutuni na loloma ni Kalou?

Roma 3:24

a ra sa vakadonui walega e na nona loloma ni sa volia na bula ko Jisu Karisito:

Roma 3:25

o koya sa lesia na Kalou mei bulubulu vei ira sa vakabauta, e na nona dra, me vakatakila na nonai valavala dodonu ni sa sega ni sauma nai valavala ca sa caka oti, ka ni sa vosota na Kalou;

Roma 9:23

me vakatakila talega na kena levu ni nona vinaka ki na veibilo sa lomani, o koya sa vakarautaka eliu ko koya ki nai ukuuku,

1 Korinica 1:30

Ia maivei koya ga dou sa tu vata kina kei Karisito Jisu, o koya sa cakava na Kalou me vu ni vuku vei keda, ka vu ni vakadonui, ka vu ni vakasavasavataki, ka vu ni bula;

2 Korinica 8:9

Ni dou sa kila na loloma ni noda Turaga ko Jisu Karisito, ni sa vutuniyau ko koya, ia sa yaco me dravudravua e na vukumudou, mo dou vutuniyau mai e na vuku ni nona dravudravua.

Efeso 1:14

o koya nai matai ni nodai votavota me yaco mada na gauna ena rawa dina kina ko ira na nona sa voli tu, me dokai kina na nona vinaka.

Efeso 1:18

ni sa vakararamataki na mata ni yalomudou; mo dou kila kina nai nuinui sa kacivi kemudou kina ko koya, kei na kena levu ni ukuuku sa taukena ko koya vei ira sa lotu,

Efeso 1:6

me dokai kina na kena vinaka ni nona loloma: o koya sa lomani keda kina ko koya e na vukuna na Daulomani:

Efeso 1:8

o koya sa vakalevutaka sara vei keda ko koya e na vuku kei na yalomatua kecega;

Efeso 2:4

ia, na Kalou, sa vutu ni loloma, e na vuku ni nona loloma levu sa lomani keda kina,

Efeso 2:7

me vakatakila kina e na gauna ena muri mai na nona loloma levu sa uasivi sara ni sa lomavinaka vei keda e na vuku i Karisito Jisu:

Efeso 3:16

me solia vei kemudou ko koya, me vaka na kena levu ni nona vinaka, me vakaukauwataki kemudou e na Yalona mo dou kaukauwa eloma;

Efeso 3:8

vei au, io vei au ka uasivi sobu sara vei ira kecega era sa lotu, sa soli kina na loloma oqo, meu vunautaka vei ira na veimatanitu nai yau nei Karisito, sa sega ni kilai rawa;

Filipai 4:19

Ia na noqu Kalou ena solia me rauta kecega na nomudou dravudravua, me vaka na nonai yau levu, e na vuku i Karisito Jisu.

Kolosa 1:14

ko koya eda sa rawata kina na bula e na vuku ni nona dra, ni sa bokoci na nodai valavala ca:

Kolosa 1:27

ni sa vinakata na Kalou me vakatakila vei ira na kena vakaidina kei na kena talei ni ka vuni oqo e na kedra maliwa na veimatanitu; oqori na Karisito e na lomamudou, na vu ni kena nuitaka na kalougata:

Kolosa 2:13

Ia koi kemudou, ni dou a mate tu e nai valavala ca, e na vuku talega ni yagomudou sa sega ni cili, sa qai vakabulai kemudou vata kaya ko koya, ni sa sega ni cudruvi keda e na vuku ni nodai valavala ca;

Kolosa 2:2

me vakacegui na yalodra, me ra vakaduavatataki e na loloma, me nodra nai yau kecega ni vuku era na kila dina sara kina na ka vuni ni Kalou, io na Karisito:

1 Timoci 2:6

o koya sa soli koya me kedrai voli na tamata kecega, a ka me tukuni e na kena gauna.

Vei Taito 2:14

o koya ka soli koya e na vukuda, me voli keda mai nai valavala ca kecega, me vakasavasavataki keda vua me da nona tamata talei, ka lomakatakata e na cakacaka vinaka.

Vei Taito 3:6

o koya sa sovaraka vakalevu vei keda ko koya e na vuku i Jisu Karisito na nodai Vakabula:

Iperiu 9:22

Ia ka vica na ka sa sega ni vakasavasavataki e na dra me vaka na vunau; ia kevaka sa sega ni vakadavei na dra, sa sega ni bokoci nai valavala ca.

1 Pita 2:24

o koya ga vakai koya ga ka colata na nodai valavala ca e na yagona e na kauveilatai, me da mate tu ki nai valavala ca, ka ia nai valavala dodonu e na noda bula: ia sa we ni kena kuita dou sa vakabulai kina.

1 Pita 3:18

Ni sa vakararawataki vakadua na Karisito talega e na vuku ni valavala ca, o koya na caka dodonu e na vukudra na caka cala, me kauti keda kina vua na Kalou, ni sa vakamatei na yagona, a sa vakabulai na yalona.

1 Joni 2:12

Au sa vola vei kemudou, na luvequ lomani, ni sa bokoci na nomudou i valavala ca e na vuku ni yacana.

1 Joni 2:2

ia sai bulubulu ni nodai valavala ca ko koya; a sa sega e na vuku ni noda walega, e na vuku talega ni nodra na kai vuravura kecega.

1 Joni 4:10

E na ka oqo sa rairai kina na loloma, sa segai ni da a lomani koya na Kalou, ia ni sa lomani keda ko koya, a sa tala na Luvena mei bulubulu ni nodai valavala ca.

Vakatakila 14:4

O ira oqo era sa sega ni ca kei na yalewa; ni ra sa sega ni veiyacovi kaya e dua. O ira oqo era sa muria na Lami e na veiyasana sa lako kina ko koya. O ira oqo era sa vakabulai maivei ira na tamata, me rai sevu vua na Kalou kei na Lami.

Vakatakila 5:9

Era sa meketaka na meke vou, ka kaya, Oi kemuni sa yaga me kauta nai vola, me cecega talega na kena drega: ni kemuni a vakamatei, ka voli keimami e na nomuni dra maivei ira kecega na veimataqali, kei na duivosavosa, kei na veimatanitu, kei na veivanua, me keimami nona na Kalou: