Efeso 1:4 - Vakavakadewa Makawa

⁴ me vaka sa digitaki keda eliu e na vukuna, sa qai tauyavutaki emuri ko vuravura, me da yalosavasava ka sega ni cala e matana e na loloma;

Ai Vola Tabu (Vakadewa Makawa Vakavoutaki 2021)

⁴ me vaka sa digitaki keda eliu e na vukuna, sa qai tauyavutaki e muri ko vuravura, me da yalosavasava ka sega ni cala e matana e na loloma.

AI VOLA TABU

⁴ me vaka sa digitaki keda eliu e na vukuna, sa qai tauyavutaki emuri ko vuravura, me da yalosavasava kina ka tawa cala e matana e na loloma;

Vakavakadewa Vou kei na iVola tale eso

⁴ Ni sa bera ni tauyavutaki o vuravura, sa digitaki keda tu na Kalou me da nona ena vuku i Karisito, me da savasava ka sega ni cala e matana.

Ai Vola Tabu Ena Vakavakadewa Vou

⁴ Ni sa bera ni tauyavutaki o vuravura, sa digitaki keda tu na Kalou me da nona ena vuku i Karisito, me da savasava ka sega ni cala e matana.

Efeso 1:4 Iomraidhean Croise

2 Samuela 22:24

Ia ka'u a yalododonu vua, Ia ka'u a maroroi au mai na noqu i valavala ca;

NA SAME 135:4

Ni sa digitaki ira na Jekope ko Jiova me nona, Io na Isireli me nonai yau talei.

Aisea 42:1

Raici koya na noqu i talatala, ka'u sa tokona; ko koya ka'u a digitaka, ka'u sa vinakati koya talega e na vu ni lomaqu; au a solia vua na Yaloqu; ena vakayacora ko koya na lewa dodonu ki na veimatanitu tani:

Vunau ni Soro 19:2

Mo vosa vei ira nai soqosoqo taucoko ni Isireli, ka kaya vei ira, Mo dou savasava; ni'u sa savasava koi au ko Jiova na nomudou Kalou.

Vunau ni Soro 20:7

O koya mo dou vakasavasavataki kemudou kina, mo dou savasava: ni sai au ko Jiova na nomudou Kalou:

Maciu 24:22

Ia kevaka ena sega ni vakalekalekataki na gauna ko ya, ena sega na tamata me bula rawa: ia e na vukudra na digitaki ena vakalekalekataki na gauna ko ya.

Maciu 24:24

Ni na tubu mai na Karisito vakailasu eso, kei na parofita vakailasu eso, a ra na vakatakila na veivakatakilakila lelevu kei na veika e veivakurabuitaki; ia ke rawa, ke ra na vakacalai ira talega na digitaki.

Maciu 24:31

Ia ena talai ira na nona agilose ko koya kei na davui sa rogolevu, ka ra na vakasoqoni ira vata na nona digitaki mai na mata ni cagi e va, mai na vu ni lomalagi e dua ka yacova na vu ni lomalagi kadua.

Maciu 25:34

Ena qai kaya na Tui vei ira e na ligana i matau, Ni lako mai, koi kemuni sa vakalougatataki vei Tamaqu, mo ni rawata na matanitu sa vakarautaki me nomuni mai nai vakatekivu kei vuravura:

Joni 10:16

Eso tani tale na noqu sipi, era sa sega ni tiko e na bai oqo: sa kilikili meu kauti ira talega mai, a ra na rogoca na domoqu; ena qai dua bau na qele ni sipi, ka dua bau nai vakatawa.

Joni 15:16

Dou sa sega ni digitaki au, ia kau sa digitaki kemudou, ka lesi kemudou, mo dou lako ka vua, ka me tiko talega na vuamudou; me solia kina vei kemudou ko Tamaqu na ka kecega dou na kerea vua e na yacaqu.

Joni 17:24

I Tamaqu, au sa vinakata me ra tiko talega kei au e na vanua kau sa tiko kina, ko ira ko ni sa solia vei au; me ra raica na noqui ukuuku ko ni a solia mai vei au: ni kemuni a lomani au ni sa sega ni tekivu ko vuravura.

Cakacaka 13:48

Ia ni ra sa rogoca ko ira sa matanitu tani, era sa reki, a ra sa vakarokorokotaka na vosa ni Turaga: ia sa vakabauta ko ira kece era sa vakarau tu me vinakata na bula tawa mudu.

Cakacaka 15:18

Sa kaya vua na Turaga, ko koya sa vakatakila na ka kecega oqo mai nai vakatekivu kei vuravura.

Cakacaka 18:10

ni ka’u sa tiko vata kei iko, ka na sega e dua me sagai iko me vakacacani iko: ni sa lewe vuqa na noqu tamata e na koro oqo.

Roma 8:33

O cei me beitaki ira sa digitaki ira na Kalou? Na Kalou sa vakadonuya.

1 Korinica 1:8

o koya ena vakataudeitaki kemudou me yaco na kenai vakataotioti, mo dou tawa cala e na siga ni noda Turaga ko Jisu Karisito.

Kalatia 5:13

Ni dou sa kacivi, na veiwekani, mo dou lalaga; ia dou kakua ni ia na lalaga me tubu kina na ka vakayago, ka dou ia tikoga na veivuke ni veilomani vakai kemudou.

Kalatia 5:22

Ia na vua ni Yalo Tabu na loloma, na reki, na vakacegu, na vosota vakadede, na yalomalua, na yalololoma, na vakabauta,

Kalatia 5:6

Ni da sa tu vata kei Karisito Jisu, sa sega ni yaga me cili, se me sega ni cili; sa yaga ga na vakabauta sa daucakacaka yaco e na loloma.

Efeso 2:10

ni da sa nona cakacaka, sa caka me da tu vata kei Karisito Jisu me ia nai valavala vinaka, o koya sa vakarautaka eliu na Kalou me da kitaka vakakina.

Efeso 3:17

me tiko ga e na lomamudou na Karisito e na vakabauta; mo dou vakawakana ka tauyavutaki e na loloma,

Efeso 4:2

mo dou yalomalumalumu sara ka yalomalua, mo dou vosota vakadede ka veivosoti vakai kemudou e na loloma;

Efeso 5:2

ka dou ia tikoga nai valavala ni loloma, me vaka sa loloma talega na Karisito vei kemudou, a sa soli koya e na vukuda mei madrali kai soro vua na Kalou me ka boi vinaka.

Efeso 5:27

me vakarairaitaka kina vei koya mei soqosoqo lewe ni lotu e serau sara, me kakua ni tauvi-duka, se sasalukiluki, se dua na ka e vakakina; me savasava ka sega na tikina e ca.

Filipai 2:15

mo dou kakua ni vunauci rawa, ka tawa cala mo dou luve ni Kalou ka sega ni beitaki me ca, e na kedra maliwa nai tabatamata takelo ka lomavakatani, mo dou sa cila e na kedra maliwa me vaka na veicina e vuravura;

Kolosa 1:22

e na yagona vakalewe ni sa mate, me vakaraitaki kemudou kina ni dou sa yalosavasava ka sega ni beitaki rawa ka sega ni vunauci rawa e matana;

Kolosa 2:2

me vakacegui na yalodra, me ra vakaduavatataki e na loloma, me nodra nai yau kecega ni vuku era na kila dina sara kina na ka vuni ni Kalou, io na Karisito:

Kolosa 3:12

O koya mo dou qai vakaisulu me vaka dou sa nona digitaki na Kalou, oi kemudou sa yalosavasava ka daulomani, e na yalo dauloloma, e na yalovinaka, e na yalomalumalumu, e na yalomalua, e na dauvosota vakadede:

1 Cesalonaika 3:12

Ia me vakalevutaki kemudou na Turaga mo dou uasivi cake e na loloma vakai kemudou, ka vei ira kecega na tamata, me vaka na neitou vei kemudou:

1 Cesalonaika 4:7

Ni sa sega ni kacivi keda na Kalou me da dukadukali, me da yalosavasava ga.

2 Timoci 1:9

o koya sa vakabulai keda, ka sa kacivi keda me da yalosavasava, a sa sega ga e na vuku ni noda cakacaka, e na vuku ni sa nonai naki ga kei na loloma walega ka soli vei keda eliu, e na vuku i Karisito Jisu, sa vakatekivu emuri ko vuravura;

2 Timoci 2:10

O koya oqo kau sa vosota kina na ka kecega e na vukudra na digitaki, me ra rawata talega na bula sa yaco e na vuku i Karisito Jisu, kei na veivakalougatataki sa sega ni mudu.

2 Timoci 2:19

Ia na yavu dei ni Kalou sa tu ga, ia sa vakaoqo na vosa sa volai kina, Sa kilai ira na nona tamata na Turaga: ka, Me ra lako tani mai nai valavala ca ko ira yadua era sa cavuta na yaca i Karisito.

Jemesa 2:5

Dou rogoca, oi kemudou na wekaqu lomani, Sa sega beka ni digitaki ira na Kalou era sa dravudravua e na ka vakavuravura me ra vutuniyau e na vakabauta me ra taukena talega na matanitu sa yalataka ko koya vei ira era sa lomani koya?

1 Pita 1:2

era sa digitaki tu me vaka na nona lewa eliu na Kalou ko Tamada, me ra vakasavasavataki e na Yalo Tabu, me ra talairawarawa kina me kureitaki talega kivei ira na dra i Jisu Karisito: Me vakalevutaki vei kemudou na loloma, kei na vakacegu.

1 Pita 1:20

o koya sa lesi eliu sa qai tauyavutaki emuri ko vuravura, a sa qai vakaraitaki e na gauna emuri oqo e na vukumudou,

1 Pita 2:9

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki:

2 Pita 3:14

O koya oqo, kemudou sa lomani, ni dou sa waraka na veika vakaoqo, dou gumatua kina me kunei kemudou ko koya e na vakacegu, ni dou sa sega ni tauvi-duka, ka sega ni cala.

1 Joni 4:16

Ia eda sa kila ka vakadinata na loloma ni Kalou vei keda. Sa loloma na Kalou; ia ko koya sa dautiko kei na loloma sa dautiko vata kei na Kalou, a sa tiko na Kalou e lomana.

Vakatakila 13:8

Ia ena vakarokoroko vua ko ira kecega era sa tiko e vuravura, ko ira sa sega ni volai na yacadra e nai vola ni bula ni Lami sa vakamatei mai nai vakatekivu kei vuravura.

Vakatakila 17:8

A manumanu ko a raica sa bula eliu, a sa qai sega tale; ia ena lako cake mai bulubulu e sega ni vakabotona, ena qai lako ki na rusa: ia era na kurabui kina ko ira sa tiko e vuravura, o ira sa sega ni volai na yacadra e nai vola ni bula mai nai vakatekivu kei vuravura, ni ra raica na manumanu sa bula eliu, a sa sega tale, a sa na tiko tale.