Efeso 1:3 - Vakavakadewa Makawa

³ Me vakarokorokotaki na Kalou, na Tamai koya na noda Turaga ko Jisu Karisito, o koya sa vakalougatataki keda e na ka ni veivakalougatataki vakayalo kecega e na veiyasana vakalomalagi e na vuku i Karisito;

Ai Vola Tabu (Vakadewa Makawa Vakavoutaki 2021)

³ Me vakarokorokotaki na Kalou, na Tamai koya na noda Turaga ko Jisu Karisito, o koya sa vakalougatataki keda e na ka ni veivakalougatataki vakayalo kecega e na veiyasana vakalomalagi e na vuku i Karisito,

AI VOLA TABU

³ Me vakarokorokotaki ko na Kalou, na Tama ni noda Turaga ko Jisu Karisito, o koya sa vakalougatataki keda e na ka vakalougatataki vakayalo kecega e na veiyasana vakalomalagi e na vuku i Karisito;

Vakavakadewa Vou kei na iVola tale eso

³ Me vakavinavinakataki na Kalou na Tama ni noda Turaga o Jisu Karisito, o koya ka sa vakalougatataki keda ena ka ni veivakalougatataki vakayalo kecega, mai na veiyasana vakalomalagi ena vuku i Karisito.

Ai Vola Tabu Ena Vakavakadewa Vou

³ Me vakavinavinakataki na Kalou na Tama ni noda Turaga ko Jisu Karisito, o koya ka sa vakalougatataki keda ena ka ni veivakalougatataki vakayalo kecega, mai na veiyasana vakalomalagi ena vuku i Karisito.

Efeso 1:3 Iomraidhean Croise

Vakatekivu 14:20

me vakavinavinakataki talega na Kalou Cecere Sara, ko koya sa soli ira na nomu meca ki na ligamu. A sa solia vua ko Eparama nai katini ni ka kecega.

Vakatekivu 22:18

ena kalougata talega na veimatanitu kecega e vuravura e na nomu kawa; ni ko a vakarorogo ki domoqu.

1 Veigauna 29:20

A sa kaya ko Tevita vei ira kece era soqoni tu, Ni mai vakavinavinaka vei Jiova na nomuni Kalou. A ra sa ia na vakavinavinaka ko ira nai soqosoqo taucoko kivei Jiova na nodra Kalou na tamadra, ka vakacuva na uludra, ka vakarokoroko vei Jiova, kei na tui.

1 Veigauna 4:10

A sa masuta na nodra Kalou na Isireli ko Jepesi, ka kaya, Mo ni vakalougatataki au vakaidina, ka vakalevutaka na noqu yasana, ia me tiko kei au na ligamuni, ia mo ni tarovi au mai na ca, me kakua ni vakararawataki au! A sa vakayacora na Kalou na ka sa kerea ko koya.

2 Veigauna 31:8

Ia ni sa lako mai ko Esekaia, kei ira na turaga, ka raica nai binibini, era sa vosavakalougatataki Jiova, kei ira na nona tamata na Isireli.

Niemaia 9:5

Sa qai kaya ko ira na Livai, ko Jesua, kei Katimieli, ko Pani, ko Esapinaia, ko Serepaia, ko Otaia, ko Sipanaia, ko Pecaaia: Ni tu cake; ni vakavinavinaka vei Jiova na nomuni Kalou ka tawa mudu: ia me vakavinavinakataki na yacamuni vakaiukuuku, sa uasivi cake a sa uasivi sobu na vosa ni veivakarokorokotaki kei na vakavinavinaka kecega.

NA SAME 134:3

Me vakalougatataki iko mai Saioni ko Jiova, O koya ka buli lomalagi kei vuravura.

NA SAME 72:17

Ena sega ni oti rawa na yacana: Ena tikotikoga na yacana ni sa tu na mata-ni-siga: Ka ra na vakalougatataki na tamata e na vukuna; Era na vosaveivakalougatataki koya na lewe ni veivanua kecega.

NA SAME 72:19

Ia me vakavinavinakataki na yacana vakaiukuuku ka sega ni mudu; Ia me sinai talega ko vuravura taucoko e na nonai ukuuku. Emeni, Emeni.

Aisea 61:9

Ena qai kilai e na veimatanitu tani na nodra kawa, kei na luvedra e na kedra maliwa na veimataqali: Ko ira kece era raici ira era na kilai ira, ni sai ira na kawa sa vakalougatataka ko Jiova.

Taniela 4:34

Ni sa oti na kena gauna, koi au ko Nepukanesa, ka'u a ta cake ki lomalagi, ia sa lesu tale mai vei au na lomaqu, ka'u a qai vakavinavinakataki Koya sa Cecere sara, io ko koya sa bula ka sega ni mudu ka'u a vakacaucautaka ka vakarokorokotaka, ia sa sega ni mudu na nona lewa, kei na nona matanitu mai nai tabatamata ka yaco ki nai tabatamata:

Luke 2:28

sa qai keveta cake ko koya, ka vakavinavinakataka na Kalou, ka kaya,

Joni 14:20

E na siga ko ya dou na kila niu sa dua vata kei Tamaqu, ka dou sa dua vata kei au, kau sa dua vata kei kemudou.

Joni 17:21

me ra dua bau kecega; me vaka edaru sa dua bau, Tamaqu, me ra dua bau kei kedaru: me vakadinata ko vuravura ni kemuni sa talai au mai.

Joni 20:17

Sa kaya vua ko Jisu, Kakua ni tarai au; niu sa bera ni lako cake vei Tamaqu: ia mo lako vei ira na wekaqu, ka kaya vei ira, Au sa lako cake vei koya sa Tamaqu, ka Tamamudou; vei koya sa noqu Kalou, ka nomudou Kalou.

Roma 12:5

sa vakakina koi keda, na lewe vuqa, eda sa yago vata ni da tu vata kei Karisito, eda sa veitikina vaka talega vakai keda.

Roma 15:6

mo dou lomavata ka domovata ni dou sa vakarokorokotaka na Kalou, o koya na Tama i Jisu Karisito na noda Turaga.

1 Korinica 1:30

Ia maivei koya ga dou sa tu vata kina kei Karisito Jisu, o koya sa cakava na Kalou me vu ni vuku vei keda, ka vu ni vakadonui, ka vu ni vakasavasavataki, ka vu ni bula;

1 Korinica 12:12

Me vaka sa dua bauga na yago, ka sa vuqa na kena tikina, ia na tiki ni yago kecega, sa vuqa ga, ka sa dua bauga na yago: sa vaka talega kina na Karisito.

2 Korinica 1:3

Me vakavinavinakataki na Kalou, o koya na Tama ni noda Turaga ko Jisu Karisito, a Tama ni loloma, kei na Kalou ni veivakacegui kecega;

2 Korinica 11:31

A Kalou na Tama ni noda Turaga ko Jisu, o koya sa vakarokorokotaki ka tawa mudu, sa kila niu sa sega ni vosa lasu.

2 Korinica 5:17

Ia kevaka sa tu vata kei Karisito e dua na tamata, sa qai buli vou: sa lako tani na veika makawa; raica, sa yaco me vou na ka kecega.

2 Korinica 5:21

O Koya sa sega vua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna.

Kalatia 3:9

O koya oqo era sa vakalougatataki vata kei Eparaama na dauvakabauta ko ira sa muria na vakabauta.

Efeso 1:10

me yaco kina na ka sa lewa ko koya ni sa oti kecega na gauna sa lokuci me soqona vata na ka kecega vei Karisito, na veika mai lomalagi, kei na veika e vuravura;

Efeso 1:17

vua na Kalou ni noda Turaga ko Jisu Karisito, a Vu ni ka e vakaiukuukutaki, me solia vei kemudou na yalo ni vuku kei nai vakavuvuli macala, mo dou kilai koya kina:

Efeso 1:20

sa qisi Karisito kina ko koya, ni sa vakaturi koya cake mai na mate, a sa vakatikora e na ligana i matau e na veiyasana vakalomalagi,

Efeso 2:6

a sa vakaturi keda cake vata, ka vakatikori keda vata kei Karisito Jisu e na veiyasana vakalomalagi:

Efeso 3:10

me yaco kina, e na gauna oqo, nai soqosoqo lewe ni lotu, mei vakatakilakila vei ira na turaga kei ira sa kaukauwa e na veiyasana vakalomalagi, ni sa takiveivinaka sara na vuku ni Kalou,

Efeso 6:12

Ni da sa sega ni veivala walega kei ira na tamata, eda veivala talega kei ira era sa liu, kei ira era sa kaukauwa, kei ira era sa veitaliataka na butobuto kei vuravura oqo, kei ira na veivavakoso yalo ca e na veiyasana vakalomalagi.

Filipai 2:11

me vakatusa talega na yame kecega ni sa Turaga ko Jisu Karisito, me vakarokorokotaki kina na Kalou na Tamada.

Iperiu 8:5

o ira sa kitaka nai vakatakarakara kei na yaloyalo ni veika vakalomalagi, me vaka sa vakatakila vei Mosese na Kalou ni sa voleka ni tara na vale tabu: ka kaya, Raica, mo cakava na ka kecega me tautauvata kei na kenai vakatakarakara ka vakatakilai vei iko e na ulu-ni-vanua.

Iperiu 9:23

Ia sa dodonu kina me vakasavasavataki nai vakatakarakara ni veika mai lomalagi e na veika oqo; ia na veika dina sa vakalomalagi sa vakasavasavataki e nai soro e uasivi cake vei ira.

1 Pita 1:3

Me ia na vakavinavinaka vua na Kalou, na Tama ni noda Turaga ko Jisu Karisito, o koya sa vakatuburi keda tale me noda nai nuinui bulabula me vaka na nona loloma levu ni sa tu cake tale mai na mate ko Jisu Karisito,