Dauvunau 9:3 - Vakavakadewa Makawa

³ Oqo na ka ca e na ka kece sa caka e ruku ni mata-ni-siga, ni sa dua vata ga na ka sa yacovi ira kecega: io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

Ai Vola Tabu (Vakadewa Makawa Vakavoutaki 2021)

³ Oqo na ka ca e na ka kece sa caka e ruku ni mata-ni-siga, ni sa duavata ga na ka sa yacovi ira kecega. Io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

AI VOLA TABU

³ O qo na ka ca e na ka kece sa caka e ruku ni siga, ni sa dua vata ga na ka sa dui yacovi ira kecega: io, na lomadra talega na luve ni tamata sa sinai e na ca, a sa tiko na lialia e lomadra ni ra bula tiko, ka oti o qori era sa qai lako kivei ira na mate:

Vakavakadewa Vou kei na iVola tale eso

³ Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Ai Vola Tabu Ena Vakavakadewa Vou

³ Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Dauvunau 9:3 Iomraidhean Croise

Vakatekivu 6:5

A sa raica ko Jiova ni sa ka levu nai valavala ca ni tamata e vuravura, io sa ca walega e na veisiga kecega nai naki kecega kei na nanuma ni lomana.

Vakatekivu 8:21

A sa boica nai boi ni veivinakati ko Jiova: a sa kaya e lomana ko Jiova, Sa dina sa ka ca e nanuma na loma ni tamata mai na gauna sa cauravou kina; ia ka'u na sega ga ni vakarusai vuravura tale e na vuku ni tamata; ka'u na sega talega ni cudruva na ka kecega sa bula, me vaka na ka ka'u sa kitaka oti:

Jope 15:16

Ka sa vakaevei na kena vakasisila kei na kena dukadukali na tamata, Ko koya sa daugunuva na ca me vaka na wai?

Jope 21:26

Era na koto vata e na kuvu-ni-soso, Ka ubi ira na baca ni qele.

Jope 9:22

Sai koya vata ga ka'u sa kaya, Sa vakarusa ko koya na yalododonu kei nai valavala ca.

NA SAME 51:5

Raica, ka'u a sucu vata kei na ca; Ka sa kunekunetaki au ko tinaqu e nai valavala ca.

NA SAME 64:7

Ia na Kalou ena vanai ira e na gasau; Era na vuetaki vakasauri.

Vosavakaibalebale 14:32

Sa vakasavi tani na tamata ca e na nona ca: Ia ni sa mate ko koya na yalododonu sa nuidei tiko.

Dauvunau 1:17

Ia ka'u a solia na yaloqu me'u kila nai valavala vuku, kei nai valavala lialia ka sesewa: ka'u sa kunea ni sa ka ni oca wale na ka talega oqo:

Dauvunau 12:7

Sa na qai lesu na kuvu-ni-qele me qele tale me vaka eliu: ia na yalo ena lesu tale vua na Kalou ko koya ka sa solia.

Dauvunau 2:14

A matana na tamata vuku sa toka e na uluna; ia ko koya na lialia sa lako voli vakabutobuto: ia ka'u sa qai kunea ni sa dua vata ga na ka sa yacovi ira kecega.

Dauvunau 7:2

Sa vinaka me lako ki vale ni tagi, ka ca me lako ki na vale ni kana magiti: ni sa kenai otioti ni tamata kecega oqo; ia ko koya sa bula tiko ena nanuma kina e lomana.

Dauvunau 7:25

Au a vakauqeta na lomaqu me'u kila, ka dikeva, ka vakasaqara na vuku, kei nai balebale ni ka, me'u kila talega na kena ca na lialia, io nai valavala sesewa ka lialia:

Dauvunau 8:11

Ni sa sega ni cudruvi vakasauri nai valavala ca sa gumatua kina na lomadra na luve ni tamata me ra caka ca.

Dauvunau 9:11

Au a qai lesu, ka kunea e ruku ni mata-ni-siga, ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.

Dauvunau 9:2

Sa tautauvata na ka sa yaco vei ira na tamata kecega: sa dua vata na ka sa yaco vei ira na yalododonu, vei ira talega na tamata ca; vua sa vinaka ka savasava, vua talega sa sega ni savasava; vua sa sega ni soro, vua talega sa soro: me vakataki koya sa vinaka, sa vakakina ko koya sai valavala ca; ko koya talega sa bubului, sa vakataki koya sa rerevaka na bubului.

Dauvunau 9:4

Ni sa nuitaka na ka ko koya sa wili vata kei ira kece na bula: ni sa vinaka na koli sa bula ka ca na laioni sa mate.

Jeremaia 16:12

ia koi kemudou dou sa caka ca vakalevu ka vakalailai ko ira na nomudou qase; ka raica, dou sa dui muria yadua na nona yalokaukauwa kei na nona loma ca, me ra kakua kina ni vakarorogo vei au:

Jeremaia 17:10

Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Jeremaia 17:9

Sa ka dauveivakaisini duaduaga na yalo ni tamata, ka sa dredre ni vinaka: ko cei me kila rawa?

Luke 15:17

Ia ni sa kila yalona tale, sa kaya, Sa le vuqa na tamata nei tamaqu sa voli na nodra cakacaka, era sa mamau e na madrai ka vo tu yani, ia koi au ka’u sa mate e na viakana!

Luke 6:11

A ra sa cudru vakalevu sara; a ra sa veivosaki vakai ira, se cava me ra kitaka vei Jisu.

Cakacaka 12:23

A sa yaviti koya vakasauri e dua na agilose ni Turaga, ni sa sega ni vakarokorokotaka na Kalou ko koya; ka sa kani koya na baca, ka sa ciba ko koya.

Cakacaka 26:11

Ia ka’u a cudruvi ira vakavuqa e na veivale ni lotu kecega, ka vakasaurarataki ira me ra biuta na lotu, ia ni’u sa cudru vakalevu sara vei ira, au a vakacacana talega ki na veikoro tani.

Cakacaka 26:24

Ia ni sa tukuni koya tiko vakaoqo ko koya, sa vosa e na domo levu ko Fesito, I Paula, o sa lialia; sa vakalialiai iko na vuku levu.

Vei Taito 3:3

Ni da sa lialia eliu koi keda talega, eda sa talaidredre, eda sa vakacalai, eda sa daugoleva na gagadre ca kei na marau e vuqa, eda sa lomaca ka vuvu, eda sa vakasisila, eda sa dauveicati vakataki keda.

2 Pita 2:16

ia sa vunauci e na nonai valavala ca: sa vosa na asa galu e na domo ni tamata a sa tarova na lialia ni parofita.