Dauvunau 9:2 - Vakavakadewa Makawa

² Sa tautauvata na ka sa yaco vei ira na tamata kecega: sa dua vata na ka sa yaco vei ira na yalododonu, vei ira talega na tamata ca; vua sa vinaka ka savasava, vua talega sa sega ni savasava; vua sa sega ni soro, vua talega sa soro: me vakataki koya sa vinaka, sa vakakina ko koya sai valavala ca; ko koya talega sa bubului, sa vakataki koya sa rerevaka na bubului.

Ai Vola Tabu (Vakadewa Makawa Vakavoutaki 2021)

² Sa tautauvata na ka sa yaco vei ira na tamata kecega; sa duavata na ka sa yaco vei ira na yalododonu, vei ira talega na tamata ca; vua sa vinaka ka savasava, vua talega sa sega ni savasava; vua sa sega ni soro, vua talega sa soro. Me vakataki koya sa vinaka, sa vakakina ko koya sai valavala ca; ko koya talega sa bubului, sa vakataki koya sa rerevaka na bubului.

AI VOLA TABU

² A ka kece vata sa yaco ki na tamata kecega: sa dua vata ga na ka sa dui yacovi ira, vua sa yalododonu, vua talega na tamata ca; vua sa vinaka ka savasava, vua talega sa tawa savasava; vua, sa soro, vua talega sa tawa soro: me vakai koya sa vinaka, sa vakakina ko koya sai valavala ca; o koya talega sa vosavavakini, sa vakai koya sa rerevaka na vosavavakini.

Vakavakadewa Vou kei na iVola tale eso

² Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Ai Vola Tabu Ena Vakavakadewa Vou

² Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Dauvunau 9:2 Iomraidhean Croise

Vakatekivu 24:3

ia ka'u na vakabubuluitaki iko mo bubului mada vei Jiova, ko koya na Kalou ni lomalagi, kei na Kalou ni vuravura, ka mo kakua kina ni kauta e dua me watina na luvequ maivei ira na goneyalewa ni Kenani, ko ira ka'u tiko e na kedra maliwa:

Jope 9:22

Sai koya vata ga ka'u sa kaya, Sa vakarusa ko koya na yalododonu kei nai valavala ca.

NA SAME 73:3

Ni'u a vuvutaki ira na lialia, Ni'u a raica na nodra tiko vinaka na tamata caka ca.

Dauvunau 2:26

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Dauvunau 3:19

Ni sa yacovi ira na tamata na ka sa yacova na manumanu; ni sa tautauvata ga na ka sa yacovi ira: me vaka sa mate oqo, sa mate vaka talega kina ko ya; io, sa dua vata ga na nodra i cegu; ka sa sega ni uasivi cake na tamata e na manumanu: ni sa ka wale kecega.

Dauvunau 6:6

Io, ke sa rua na udolu na nona yabaki, ke sa sega ga ni kunea na vinaka: era sa sega li ni lako na tamata kecega ki na yasana e dua bauga?

Dauvunau 7:18

Sa vinaka mo taura na ka oqo; io, mo kakua talega ni tarova na ligamu mai na ka oqo: ni sai koya sa rerevaka na Kalou ena lako tani mai na ka kece oqo.

Dauvunau 7:2

Sa vinaka me lako ki vale ni tagi, ka ca me lako ki na vale ni kana magiti: ni sa kenai otioti ni tamata kecega oqo; ia ko koya sa bula tiko ena nanuma kina e lomana.

Dauvunau 9:11

Au a qai lesu, ka kunea e ruku ni mata-ni-siga, ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.

Dauvunau 9:3

Oqo na ka ca e na ka kece sa caka e ruku ni mata-ni-siga, ni sa dua vata ga na ka sa yacovi ira kecega: io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

Jeremaia 43:6

ko ira na tagane, kei na yalewa, kei na gone, kei na luvena yalewa na tui, kei na tamata kecega sa biuta ko Nipusaretani na kapiteni ni valu i vakatawa me tiko vei Kitalaia na luve i Eaikami na luve i Safani, kei Jeremaia na parofita, kei Peruki na luve i Neraia.

Malakai 3:15

Ia eda sa qai kaya era sa kalougata ko ira na viavialevu; ka ni ra tamata yaco talega ko ira na daucaka ca; ka sa bula ga ko ira era vakatovolea vakaca na Kalou.

Malakai 3:18

Ia dou na qai kunea sara ni sa dua tani na yalododonu ka dua tani na tamata ca, ni sa dua tani ko koya sa qarava na Kalou ka dua tani ko koya sa sega ni qaravi koya.

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

1 Samuela 14:26

Ia ni ra sa lako ki na veikau na tamata, raica, sa titiri tiko na oni; ia ka sa sega na tamata sa kauta na ligana ki na gusuna; ni ra sa rerevaka na bubului ko ira na tamata.