Dauvunau 9:10 - Vakavakadewa Makawa

¹⁰ A ka kecega sa vakaitavi kina na ligamu, mo kitaka ga e nomu i gu; ni sa sega na cakacaka, se na vakasama, se na kila ka, se na vuku, e nai bulubulu, o koya ko sa lako tiko kina.

Ai Vola Tabu (Vakadewa Makawa Vakavoutaki 2021)

¹⁰ A ka kecega sa vakaitavi kina na ligamu, mo kitaka ga e nomu i gu; ni sa sega na cakacaka, se na vakasama, se na kila-ka, se na vuku, e nai bulubulu, o koya ko sa lako tiko kina.

AI VOLA TABU

¹⁰ A ka kece ka sa kunea na ligamu me cakava, mo kitaka ga e nomu kaukauwa; ni sa sega na cakacaka, se na nanuma, se na kila ka, se na vuku, e nai bulubulu, a ya ko sa lako kina.

Vakavakadewa Vou kei na iVola tale eso

¹⁰ Mo cakava ena nomu i gu na veika kece sara o qarava, baleta ni sa sega na cakacaka, se na vakasama se na kila-ka, se na vuku ena nodra vanua na mate o sa lako tiko kina.

Ai Vola Tabu Ena Vakavakadewa Vou

¹⁰ Mo cakava ena nomu i gu na veika kece sara o qarava, baleta ni sa sega na cakacaka, se na vakasama se na kila-ka, se na vuku ena nodra vanua na mate o sa lako tiko kina.

Dauvunau 9:10 Iomraidhean Croise

Vakatekivu 37:35

A ratou sa ia kece na luvena tagane kei na luvena yalewa kecega, me vakacegui koya; a sa bese ni vakacegui; a sa kaya, Au na lako sobu ki bulu ki na luvequ ka tagi tiko. A sa tagi tiko e na vukuna ko tamana.

1 Veigauna 22:19

Dou qai vagolea na lomamudou kei na yalomudou me vakasaqarai Jiova na nomudou Kalou, ka mo dou ia, ka tara na nona vale tabu ko Jiova na Kalou, me kau rawa mai kina na kato ni veiyalayalati i Jiova, kei nai yaya tabu ni Kalou, ki loma ni vale ena tara ki na yaca i Jiova.

1 Veigauna 28:20

A sa kaya kivei Solomoni na luvena ko Tevita, Mo kaukauwa ga ka yalodoudou, ka kitaka: kakua ni rere, se taqaya: ni na tiko vata kei iko ko Jiova na Kalou, na noqu Kalou, ena sega ni weletaki iko ko koya, se biuti iko, mo vakaotia mada na kena ka kecega sa yaga e na cakacaka ni nona vale ko Jiova.

Niemaia 2:12

Keitou a qai cavu tu e na bogi, koi keitou kei iratou na tamata e lewe vica; ia ka'u a sega ni tukuna vua e dua na tamata na ka sa vakatubura e na lomaqu na noqu Kalou me'u cakava e Jerusalemi: sa sega tale vei au e dua na manumanu, na manumanu ga ka'u a vodoka.

Niemaia 4:2

A sa vosa ko koya e matadra na wekana kei nai valu ni Samaria, ka kaya, A cava era sa mai kitaka ko ira na Jiu malumalumu oqo? era na vakaukauwataki ira li vakataki ira? era na vakacaboi soro li? era na vakaotia beka e na dua bau na siga? era na vakavinakataka tale li na veivatu mai nai soqosoqo sa kama oti?

Niemaia 4:6

Ia keimami sa viri bai tiko, ka sa veiuturi na bai taucoko, ia na kena cecere cake sa yacova na kena veimama: ni ra sa gumatua e na cakacaka ko ira na tamata.

Jope 10:21

Me'u qai lako yani ka sega ni lesu tale mai, Io ki na vanua butobuto kei na yaloyalo ni mate;

Jope 10:22

E dua na vanua butobuto, me vaka na butobuto loaloa; Na yaloyalo ni mate, sa sega ni vakacokotaki vinaka, Ka sa vaka na butobuto ga na kena rarama.

Jope 21:13

Era vakaotia na nodra siga e na marau, Ka lako sobu vakasauri ki nai bulubulu.

NA SAME 6:5

Ni sa sega ni rawa na vakananumi kemuni e na mate: O cei ena vakamolimoli vei kemuni e nai bulubulu?

Vosavakaibalebale 3:28

Kakua ni kaya vua na kai nomu, Mo lako mada, ka mani lako tale mai, Au na qai solia vei iko e na mataka; Ka ni sa tu vei iko na ka ko ya.

Dauvunau 11:3

Ke sa sinai na uca e na o, ke sa tau mai ki vuravura ka maca: ia ke sa bale na kau ki na mata ni ceva, se ki na mata ni tokalau, na yasana sa bale ga kina na kau, sai koya ena no ga kina.

Dauvunau 11:6

E na mataka mo kaburaka na nomu sila, ia e na yakavi me kakua ni cegu na ligamu: ni ko sa sega ni kila se cava vei rau ena yaco, se na ka oqo se na ka ko ya, se na vinaka vakatautauvata ruarua.

Aisea 38:10

Au a kaya, Ni sa siga levu tutu na noqu siga ka'u na curuma na mata ni katuba kei etesi; Sa yali vei au na noqu yabaki sa vo.

Jeremaia 29:13

ia dou na golevi au, ka kunei au, ni dou sa golevi au sara mai na vu ni lomamudou:

Tiko mai na Lekutu 13:30

A sa vakatabatabasobutaki ira na tamata ko Kelepi e na mata i Mosese, ka sa kaya, Me da lako cake sara, me da taukena; ni sa rawarawa me da vakamalumalumutaka.

Maciu 20:7

Era sa kaya vua, Ni sa sega e dua sa lavaka vei keitou. Sa kaya vei ira ko koya, Dou lako talega ki na were-ni-vaini.

Maciu 6:33

Ia dou vakasaqara taumada na matanitu ni Kalou, kei na nona yalododonu: ia ena soli me kenai kuri vei kemudou na ka kecega oqo.

Joni 4:34

Sa kaya vei ira ko Jisu, A qau kakana meu kitaka na loma i koya sa talai au mai; ka meu vakaotia na nona cakacaka.

Joni 5:4

Ni sa lako sobu mai e dua na agilose e na gauna eso ki nai silisili, ka vakayavalata na wai: ia ko koya sa sobu kina eliu ni sa vakayavalati na wai, sa bula mai na mate kecega sa tauvi koya.

Joni 9:4

Sa dodonu me da kitaka na cakacaka i koya sa talai au mai, ni sa siga toka: sa voleka mai na bogi, sa sega ni cakacaka rawa kina e dua na tamata.

Roma 12:11

e na gumatua mo dou kakua ni vucesa mai: me katakata na yalomudou; mo dou qarava na Turaga;

1 Korinica 15:10

Ia na loloma ga ni Kalou kau sa yaco kina ki na noqu tiko edaidai: ia na nona lomani au sa sega ni tawa yaga; ia kau sa uasivi cake vei ira kecega e na cakacaka; ia ka sa sega ni koi au walega, na loloma ga ni Kalou sa tiko vei au.

1 Korinica 16:10

Ia kevaka sa tadu ko Timoci, dou raica me tiko tawa rere vei kemudou; ni sa kitaka ko koya na cakacaka ni Turaga, me vakataki au talega.

1 Korinica 9:24

Dou sa sega beka ni kila ni ra sa cici kecega ko ira sa ciciva na cere, ia sa dua bauga sa tauca na cere? Dou cici vakakina, mo dou tauca.

1 Korinica 9:26

Au sa cici vakakina, ia sa sega ni vaka e dua e sega ni kila: au sa vacu vakakina, ia ka sega ni vaka e dua sa vacuka na cagi:

Efeso 5:16

mo dou volia me nomudou na gauna, ni sa ca na veisiga oqo.

Kolosa 3:23

ia na ka kecega dou sa cakava, kitaka mai na vu ni yalomudou me vaka vua na Turaga, me kakua ni vaka vei ira walega na tamata;

1 Samuela 10:7

Ia ni na yacovi kemuni na veivakatakilakila oqo, mo ni kitaka na ka sa tu me caka; ni sa tiko vata kei kemuni na Kalou.