Dauvunau 7:14 - Vakavakadewa Makawa

¹⁴ E na siga ni sautu mo reki, ia e na siga ni ca mo vakanananu: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

Ai Vola Tabu (Vakadewa Makawa Vakavoutaki 2021)

¹⁴ E na siga ni sautu mo reki, ia e na siga ni ca mo vakananuma oqo: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

AI VOLA TABU

¹⁴ E na siga ni sautu mo reki, ia e na siga ni ca mo vakanananu: ni sa lesia na Kalou na ka o qo kei na ka ko ya me veiqaravi, me kakua kina na tamata e kila na ka ena muri mai.

Vakavakadewa Vou kei na iVola tale eso

¹⁴ Mo marau ena gauna e daumaka tu kina na veika kece me baleti iko, ia ena gauna sa yaco mai kina na leqa mo nanuma ni Kalou sa vakavuna ruarua na leqa kei na marau; o sega ni kila na cava tale ena yaco tarava mai.

Ai Vola Tabu Ena Vakavakadewa Vou

¹⁴ Mo marau ena gauna e daumaka tu kina na veika kece me baleti iko, ia ena gauna sa yaco mai kina na leqa mo nanuma ni Kalou sa vakavuna ruarua na leqa kei na marau; o sega ni kila na cava tale ena yaco tarava mai.

Dauvunau 7:14 Iomraidhean Croise

1 Tui 8:47

ia kevaka era sa vakanananu e na vanua era a kau vakabobula kina, ka veivutuni, ka masuti kemuni e na nodra vanua era a vakabobulataki ira, ka kaya, Keitou sai valavala ca ka sai valavala vakatani, keitou sa caka cala;

Jope 2:10

A sa kaya vua ko koya, Ko iko ko sa vosa me vaka e dua na yalewa lialia. E vakaevei li? me da rawata beka na ka vinaka vua na Kalou, me da kakua talega ni rawata na ka ca? E na ka kecega oqo sa sega ni cala ko Jope e na gusuna.

NA SAME 119:71

Sa yaga vei au ni'u a tauvi mate; Me'u vulica kina na nomuni lesilesi.

NA SAME 40:3

Ka sa vakacuruma ki na gusuqu e dua na sere vou, na vakavinavinaka vua na noda Kalou: Era na raica na le vuqa, ka rere, Ka vakararavi vei Jiova.

Dauvunau 10:14

Ia na tamata lialia sa dauvosa tiko: sa sega ni kila rawa na tamata na ka ena yaco; ia ko cei me tukuna rawa na ka ena muri mai?

Dauvunau 11:9

Mo reki, ko iko na cauravou, ni ko sa cauravou tiko; ka marau e lomamu e na veisiga ko sa cauravou kina, ka muria na sala sa lomamu kina, kei na ka sa gole kina na matamu: ia mo kila ga, ni na lewai iko na Kalou e na ka kecega oqo.

Dauvunau 12:13

Tou rogoca nai tinitini ni ka kecega oqo: Mo rerevaka na Kalou, ka muria na nona vunau: ni sai koya ga oqo nai tavi taucoko ni tamata.

Dauvunau 12:8

A ka wale e na ka wale! sa kaya ko koya na Dauvunau; sa ka wale na ka kecega!

Dauvunau 3:22

O koya oqo ka'u sa kunea kina ni sa sega e dua na ka e yaga vua na tamata, ka me rekitaka ga na nona cakacaka; ni sai koya oqo na nonai votavota: ia ko cei beka me na kauti koya tale mai me raica na ka ena muri koya?

Dauvunau 3:4

na siga ni tagi, kei na siga ni dredre; na siga me ia kina na tagi yaso, kei na siga me ia kina na meke;

Dauvunau 5:17

Sa kana talega e na butobuto e na nona siga kecega, ia na rarawa levu kei na cudru sa yaco vata kei na nona mate.

Dauvunau 8:7

Ni sa sega ni kila ko koya na ka ena yaco: ia ko cei sa tukuna rawa vua, se na yaco ninaica?

Dauvunau 9:7

Mo lako, mo kania e na marau na kemu kakana, ka gunuva e na yalo sa reki na memu waini; ni sa qai vinakata na nomu cakacaka na Kalou.

Aisea 26:11

Kemuni Jiova, sa dulaki cake na ligamuni, a ra sa bese ni raica; ia era na raica ga na nomuni lomakatakata e na vukudra na nomuni tamata, ka madua; io, na bukawaqa ena kani ira na nomuni meca.

Aisea 42:25

A sa sova kina vei koya na nona cudru katakata, kei nai valu kaukauwa: ka sa vakama vakavolivoliti koya, ka sa sega ni kila ko koya; a sa kati koya, ia sa sega ni vakasara ki na lomana.

Jeremaia 23:20

ena sega ni malumu na cudru i Jiova, ena cakava mada ga, ka vakayacora na nanuma ni lomana: e na gauna maimuri dou na kila deivaka sara ga kina.

Lele i Jeremaia 3:38

Sa sega beka ni lako tani mai na gusu i Koya sa Cecere sara, na ca kei na vinaka?

Maika 6:9

Sa kaci ki na koro ko Jiova, ia ko koya sa vuku ena kila na yacamuni; dou nanuma na kuita, kei koya sa lesia.

Maciu 9:13

ia dou laki vulica nai balebale ni vosa oqo, Au sa vinakata na yalololoma, ka segai nai soro; ni kau sa sega ni lako mai meu kacivi ira na yalododonu, ko ira ga nai valavala ca, me ra veivutuni.

Cakacaka 14:22

a rau sa vakataudeitaka na yalodra era sa lotu, ni rau sa vakarota vei ira me ra tu dei e na vakabauta, ka kaya ni sa kilikili me vuqa na ka rarawa eda sa curu kina ki na matanitu ni Kalou.

Vakarua 26:11

ia ko ni na rekitaka na ka vinaka kecega sa solia vei kemuni ko Jiova na nomuni Kalou, ka vei ira talega na nomuni lewe-ni-vale, koi kemuni, kei na Livai, kei na vulagi sa tiko kei kemuni.

Vakarua 28:47

Ni kemuni a sega ni qaravi Jiova na nomuni Kalou e na marau, kei na reki ni yalomuni, e na vuku ni sa levu tu na ka kecega;

Vakarua 8:3

A sa vakamalumalumutaki kemuni, a sa laivi kemuni mo ni viakana, ka sa vakani kemuni e na mana, na ka ko ni a sega ni kila eliu, ka sega talega ni kila ko ira na nomuni qase; me vakatakila vei kemuni ni sa sega ni bula na tamata e na madrai duaduaga, ka ni sa bula ga na tamata e na ka kecega sa vosataka ko Jiova.

Vakarua 8:5

Ia mo ni kila e na lomamuni, ni sa vakanakuitataki kemuni ko Jiova na nomuni Kalou me vaka sa vakanakuitataka na luvena na tamata.

Jemesa 5:13

Kevaka e dua vei kemudou sa vakararawataki, me masu tiko. Kevaka e dua sa marau, me sere.