Dauvunau 6:2 - Vakavakadewa Makawa

² a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi: oqo na ka walega, ka dua na mate ca.

Ai Vola Tabu (Vakadewa Makawa Vakavoutaki 2021)

² a tamata sa solia kina na Kalou nai yau, kei na kamunaga, kei na vakarokoroko, ka sa sega ni yali vua e dua na ka sa domona na yalona, ia sa sega ni solia vua na Kalou me kana rawa kina, ka sa kana ga kina na vulagi. Oqo na ka walega, ka dua na mate ca.

AI VOLA TABU

² a tamata sa solia kina na Kalou nai yau, kei na kamunaga, kei na vakarokoroko, a sa sega ni yali vua e dua na ka sa domona na yalona, ia ka sa sega ni solia vua na Kalou me kana rawa kina, a sa kana ga kina na vulagi: o qo na ka walega, ka dua na mate ca.

Vakavakadewa Vou kei na iVola tale eso

² Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Ai Vola Tabu Ena Vakavakadewa Vou

² Sa solia na Kalou vua e dua na tamata na i yau, na dokai kei na veika me taukena, io na veika kece sara e gadreva, ena qai sega ni soli vua me marautaka. Era na qai la'ki marautaka tale e so na tamata tani. Sa sega sara ga na kena yaga ka sega ni dodonu.

Dauvunau 6:2 Iomraidhean Croise

1 Tui 3:13

Ia ka'u sa solia talega vei iko na ka ko a sega ni kerea, nai yau, ka mo dokai: me kakua ni dua vei ira na tui me tautauvata kei iko e na nomu gauna taucoko.

1 Veigauna 29:25

A sa vakalevulevui Solomoni vakalevu e matadra kece na Isireli ko Jiova, ka solia vua na ka vakaturaga, sa sega ni vakakina e dua na tui Isireli ka bula eliu.

1 Veigauna 29:28

A sa mate ko koya ni sa vuqa vakavinaka na nona yabaki, sa qase vinaka mai, ka levu na nonai yau, kei na vakarokoroko: a sa tui ko Solomoni na luvena, me kenai sosomi.

2 Veigauna 1:11

A sa kaya vei Solomoni na Kalou, Ni sa tiko e lomamu na ka oqo, ia ko sa sega ni kerea nai yau, se na kamunaga, se na vakarokoroko, se na nodra mate na nomu meca, ko sa sega talega ni kerea na bula dede; ia ko sa kerea ga me nomu na vuku kei na yalomatua, mo lewai ira kina na noqu tamata, ko ira ka'u sa lesi iko kina mo nodra tui:

NA SAME 17:14

Maivei ira na tamata e na ligamuni, Jiova, Maivei ira na tamata ni vuravura oqo era sa rawata na nodra i votavota e na nodra bula oqo, O ni sa vakamamautaka na ketedra e na nomuni yau vuni: Sa ka levu tu na luvedra, Ka ra sa tataunaka na vo ni nodra i yau me nodra na luvedra lalai.

NA SAME 39:6

E dina ni ra yaloyalo walega na tamata ni ra bula voli; E dina ni ra lomaocaoca e na ka walega: Sa daukumuna vata nai yau, ka sa sega ni kila, se ko cei ena taukena.

NA SAME 73:7

Sa levu tu na matadra e na uro: Na nodra ka sa sivita na nanuma ni lomadra.

Dauvunau 4:4

Au a nanuma tale na oca kecega, kei na cakacaka dodonu kecega; ni sai koya oqo sa vuvutaki kina e dua na tamata maivua na kai nona. Oqo talega na ka wale ka sa ka ni oca wale ki na yalo.

Dauvunau 4:8

Sa dua na tamata sa tiko duaduaga, ka sega na kenai karua; io, sa sega na luvena se na tacina: ka sa sega ni mudu na nona oga kecega; ka sa sega ga ni mamau na matana e nai yau; ka sa sega ni kaya, E na vuku beka i cei ka'u sa oca kina, ka vakatabuya na ka vinaka ki na yaloqu? Oqo talega na ka wale, io, sa dua na oca ca.

Dauvunau 5:13

Sa dua na ka ca sara ka'u sa kunea e ruku ni mata-ni-siga, io nai yau sa maroroi me nodra ga na kenai taukei ka ra sa ca kina:

Dauvunau 5:16

Ia oqo talega na ka ca sara, ni sa vaka dina na nona lako mai, ena vakakina na nona lako yani: ia ka cava na kena yaga vua ni sa cakacaka me nona na cagi?

Dauvunau 5:18

Raica, na ka ka'u a kunea: ni sa yaga ka kilikili kaya na tamata me kana ka gunu, ka rekitaka na kena vinaka ni nona cakacaka kece sa oga kina e ruku ni mata-ni-siga e na veisiga kece ni nona bula, sa solia vua na Kalou: ni sa nonai votavota oqo.

Dauvunau 5:19

Ia na tamata yadua talega sa solia vua na Kalou nai yau kei na kamunaga, a sa solia vua me kana rawa kina, ka me taura na nonai votavota, ka rekitaka na nona cakacaka; oqo nai solisoli ni Kalou.

Aisea 55:2

A cava dou sa volitaka kina na nomudou i lavo e na ka sa sega ni kakana; kei na nomudou cakacaka e na ka dou sa sega ni mamau kina? dou vakarorogo sara vei au, ka kania na ka sa yaga, ia na yalomudou ena qai marautaka na ka sa uro.

Lele i Jeremaia 5:2

A neimami vanua, sa soli me nodra na kai tani; A neimami veivale, sa soli me nodra na vulagi.

Taniela 5:18

Oi kemuni na tui, sa solia na Kalou Cecere sara vei Nepukanesa na tamamuni na matanitu, kei na ka vakaturaga, kei na ka e rogo kina, kei na lagilagi:

Osea 7:9

O ira na kai tani era sa kania na nodra kaukauwa, ka ra sa sega ni kila ko ira: io, sa sikasika mai eso na drau ni uludra, a ra sa sega ni kila ko ira.

Vakarua 28:33

Era na kania na vuata ni nomuni vanua, kei na nomuni cakacaka kecega, e dua na matanitu ko sa sega ni kila; ia ko ni na vakasaurarataki ga ka butuqaqi tikoga:

Vakarua 28:43

Na kai tani sa tiko kei kemuni ena tubu cake me cecere sara vei kemuni, ia koi kemuni, ko ni na lako sobu me lolovira sara.

Dauveilewai 18:10

Ni dou sa lako kina, dou na yaco vei ira na tamata era tiko wele ga, ia sa dua na vanua levu: ni sa solia ki na ligamudou ko koya na Kalou; a vanua sa sega ni dravudravua e na dua na ka sa tiko e vuravura.