Dauvunau 5:17 - Vakavakadewa Makawa

¹⁷ Sa kana talega e na butobuto e na nona siga kecega, ia na rarawa levu kei na cudru sa yaco vata kei na nona mate.

Ai Vola Tabu (Vakadewa Makawa Vakavoutaki 2021)

¹⁷ Sa kana talega e na butobuto e na nona siga kecega, ia na rarawa levu kei na cudru sa yaco vata kei na nona mate.

AI VOLA TABU

¹⁷ E na nona siga kece tale ka sa kana ga e na butobuto, ia na rarawa levu kei na cudru sa ia vata kei na kena mate.

Vakavakadewa Vou kei na iVola tale eso

¹⁷ Ia eda na bula ga ena butobuto kei na rarawa, loma ocaoca, vakaloloma ka mate.

Ai Vola Tabu Ena Vakavakadewa Vou

¹⁷ Ia eda na bula ga ena butobuto kei na rarawa, lomaocaoca, vakaloloma kei na tauvi mate.

Dauvunau 5:17 Iomraidhean Croise

Vakatekivu 3:17

A sa kaya vei Atama, Ni ko a vakarorogo ki na vosa ni watimu, ka sa kania na vua ni kau ka'u a vakarota vei iko, ka kaya, Mo kakua ni kania: sa cudruvi na qele e na vukumu; ko na kana maikina e na rarawa e na veisiga kece ni nomu bula;

1 Tui 17:12

A sa kaya ko koya, Me vaka sa bula ko Jiova na nomu Kalou, sa sega vei au e dua na keki, sa dua ga na madrai droka e na saqa sa yakuta rawa na ligaqu, ka dua na waiwai lailai e na tavaya: ka raica, ka'u sa cava e rua na buka me'u la'ki vakarautaka na keirau kei luvequ, me keirau kania, ka qai mate.

2 Tui 1:2

A sa lutu sobu ko Easaia, mai nai sogo cicila e nonai taba loma-ni-vale e cake mai Samaria, a sa malumalumu kina: a sa tala eso na tamata ko koya, a sa kaya vei iratou, Dou la'ki tarogi Peali-sipupi na kalou ni Ekironi, se'u na bula tale mai na malumalumu oqo, se segai.

2 Tui 1:6

A ratou sa kaya vua, Sa lako cake mai e dua na tamata me tavaki keitou, ka sa kaya vei keitou, Dou lesu tale vua na tui ka talai kemudou, ka kaya vua, Sa vosa vakaoqo ko Jiova, Sa sega beka na Kalou e Isireli, ko sa talatala kina me tarogi Peali-sipupi na kalou ni Ekironi? o koya oqo ko na sega ni kevu sobu tale mai nai mocemoce ko sa cabe cake kina, ia ko na mate vakaidina ga.

2 Tui 5:27

Ena kabiti iko kina na vukavuka i Neamani, kei ira na nomu kawa ka tawa mudu. A sa lako tani ko koya mai vua ka sa tauvi vukavuka, sa vaka na uca-vulavula.

Jope 21:25

A sa mate e dua tani ni sa rarawa na yalona, Ka sa sega ni kana e na vakacegu.

NA SAME 102:9

Ka'u a kania kina na dravusa me vaka sa madrai, Ka veiwakitaka na mequ wai kei na wai ni mataqu,

NA SAME 127:2

Sa sega ni yaga ni dou sa sou e na mataka, ka berabera ni vakacegu tiko, Ka kania na madrai ni oca; Ni sa vakamocei ira ga sa lomana ko koya.

NA SAME 39:6

E dina ni ra yaloyalo walega na tamata ni ra bula voli; E dina ni ra lomaocaoca e na ka walega: Sa daukumuna vata nai yau, ka sa sega ni kila, se ko cei ena taukena.

NA SAME 78:33

O koya oqo sa vakaotia kina na nodra siga e na ka e sega ni yaga, Kei na nodra yabaki e na ka rarawa.

Dauvunau 2:10

Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega: ia oqo ga na noqu i votavota mai na noqu cakacaka kecega.

Dauvunau 2:23

Ni sa ka rarawa na nona veisiga kece, ka ka ni vutugu na nona oca; io, sa sega ni cegu rawa na lomana e na bogi. Oqo talega na ka wale.

Dauvunau 2:24

Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou.

Dauvunau 7:14

E na siga ni sautu mo reki, ia e na siga ni ca mo vakanananu: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

Cakacaka 12:23

A sa yaviti koya vakasauri e dua na agilose ni Turaga, ni sa sega ni vakarokorokotaka na Kalou ko koya; ka sa kani koya na baca, ka sa ciba ko koya.